رواية موضوع عائلي بيت الهنا الجزء الثالث البارت 8 بقلم رحاب القاضي
بس انا كنتش اقصد وتعالي بره بس وانا هفهمك...
طلعو بره ويونس قاله
انا كلمت ابوها وعمها وجايين دلوقتي ايه بقي اللي حصل عشان اعرف اتكلم مع الناس..
يوسف بقلق
هي استفزتني فانا كنت بص هو اللي حصل عامل زي الافلام الهندي كده بالظبط والله ومش هتقتنع بيه لو قولته..
يونس بصوت واطي
صارحني ما تتكسفش انت حاولت تعمل معاها حاجه والبت صدتك فضړبتها...
في ايه يا بابا مش للدرجه دي والله. كل الحكايه اني كنت عايز احبسها في اوضه عندنا في اللوكيشن شويه ومن غير ما اقصد زقيتها فوقعت وما عرفتش حصلها ايه غير لما روحتلها من شويه...
يونس
يخربيت ابووك وافرض كانت البت ماټت وازاي اصلا تعمل كده في البت بتمد. ايدك علي بنات الناس ليه..
يوسف
البت عايشه وزي الفل وما حدش كان خاېف عليها قدي واقسم بالله المهم في اهلها لما يجو هتقولهم ايه..
انا لا هقول ولا هعمل انت اتصرف هو انا كنت عملت حاجه للبت..
يوسف
يونس يا صاوي مش وقت نداله..
يونس
ده انا في اللحظه دي ابو النداله يا صايع يا ابن الكلب...
بص يوسف لصوت الدوشه اللي جاي من اول الممر وفجأه ظهرت عيلة الاستاذ حسن كلهم وهما بيجرو ناحيته هو ويونس..
يوسف پخوف
بابا الحقني..
يونس بقلق
ايه الجيش ده..
روفان
رد عليا اختي فين..
يوسف
اوعي يا سكر البنطلون هيقع..
يونس پحده
اهدوو اهدي يا عز انت واهلك دول رضوي كويسه بس حصلتلها حاډثه بسيطه..
ليلي صړخت وقالت
يالهوي حاډثه بنتي فين بنتيييي..
علياء
اهدي يا ليلي يا استاذ اتكلم علي طول..
في ايه مخبينو عني اتكلمووو..
يوسف
رضوي زي الفل جوه بس نايمه شويه لانها انخبطت في دماغها وشويه وهتقوم..
سابوهم كلهم ودخلو الاوضه عند رضوي وفضل عز اللي قال..
عز
انت عرفت منين مكانها..
يوسف
انا يا اونكل عز دورت عليها ولقيتها وجيبتها المستي...
عز بضيق
عارف يالا لو عرفت ان اللي حصلها ده بسببك انا هشرب من دمك..
لا لا انت كده بتظلمني علي فكره..
يونس
مش وقته الكلام ده يا عز اطمن علي بت اخوك ولو ابني غلطان هخليك تديه بالجزمة ومش هتكلم...
يوسف بغيظ
تسلم يا حج ربنا يكرم اصلك..
سابهم عزالدين ودخل عند رضوي ويونس مشي من جنب يوسف اللي جري ورااه وقاله..
يوسف
بابا استني انا كنت عايز اقولك حاجه..
يونس وهو ماشي
خير ان شاء الله وربنا يستر..
انا مش عايز اكمل مع عائشه بنت عمي..
وقف يونس وقاله
وحياة امك ده انت عملت المستحيل عشان تخطبها جاي دلوقتي تقولي مش عايزها..
يوسف
ايوه انا عملت المستحيل عشان اخطبها لان عمي كان مستفز وانا ما حدش يعند معايا واسيبه يكسب..
يونس
انت اهبل يالا انت فاهم لو سيبت عيشه هيحصل ايه علاقتي بأخويا هتبوظ خطوبة اختك وحامد اللي لسه ما تمتش هتبوظ..
يوسف
اسمها عائشه يا بابا وبعدين عمي محمد ما هيثدق يبعدها عني وانا ما بحبهاش كنت فتكر اني بحبها بس لا انا عمري ما حبيتها عمري ما حسيت من ناحيتها الحاجات اللي بحسها دلوقتي..
يونس بجمود
مع مين بقي اللي ضحكت عليك وكلت بعقلك حلاوه..
يوسف بنبره حزينه
لا هى ما ضحكتش عليا هي بنت محترمه جدا وبنت نااس وانا متأكد مليون في الميه انها عمرها ما هتشوفني كويس ولا في يوم هترضي بيا ولا هتت مشاعري بس انا ڠصب عني حبيتها..
يونس بقلق
اوعي يا يوسف تكون البنت دي ر..
يةسف بثبات وثقه
رضوي انا بحب رضوي يا بابا رضوي اللي مستحيل تبصلي غير اني واحد فاشل وصايع ونسوانجي..
يونس
ومدام انت عارف كده حبيتها ليه..
يوسف
ڠصب عني هو بمزاجي انا يمكن كنت حاسس بكده واتأكدت النهارده..
يونس
وهتسيب ليه عيشه..
يوسف
واعيش مع واحده ما بحبهاش ليه..
يونس
ما انت قولت ان رضوي مش هتوافق بيك وعيشه كويسه وبنت عمك وبتحبك وانا متأكد انها هتسعدك..
يوسف
وانا ازاي اعيش معاها وانا بحب واحده تانيه انا مش يونس الصاوي عشان اعمل كده..
يونس پحده
قصدك ايه يالااا!..
يوسف بضيق
انا عارف ويزن كمان انك اتجوزت ماما وانت بتحب واحده تانيه وانا عارف انك عمرك ما حبيتها..
يونس بعصبيه
اقسم بالله لولا المكان اللي احنا فيه ده لكنت عرفتك مقامك كويس وازاي تكلم ابوك بالطريقه دي..
يوسف
طريقتي ما فيهاش حاجه غلط الحقيقه هي اللي ۏجعتك انا مالي بقي..
يونس
انا مش انت فعلا و عيشه انت مش هتسيبها وايه رأيك اني هجوزهالك في اقرب وقت لانك بتتسلي وزي ما قولت انك بتحب عيشه وخطبتها عند في عمك عامل نفسك دلوقتي بتحب رضوي لمجرد انها رفضتك ومش عارف تطولها هو انا مش فاهمك..
يوسف بجديه وهدوء
والله العظيم بحبها ومش هدايقها تاني ولا عايز اشقطها والجو ده بس مدام حبيت رضوي يبقي انا هظلم عيشه.. قصدي عائشه وانا مش عايز اعمل كده..
يونس
وانت يا حيلتها ما ظلمتش عيشه لما بتصاحب فلانه وتمشي مع غيرها اسكت يا يوسف عشان كلامك ده مالوش لازمه..
يوسف
ما هو ده اللي اكدلي اني بحب رضوي انا عايز ابقي كويس في نظهرها حتي لو مش هترضي بيا بس مش عايز ابقي كداب تاني مش عايز اوجع عائشه ويترد فيا تاني..
يونس
الكلام خلص يا يوسف اتغير وابقي كويس مع بنت عمك وخطيبتك واقسم بالله لو عرفت انك بتدايق رضوي بنت حسن تاني هطردها من الشغل وانت هيبقي حسابك. عسير معايا ومش هخليك تشوفها تاني..
يوسف
ما تبقاش الاب الحربايه بقي يا بابا كفايه بلطجي والحمد لله الناس نسيتها انما حربايه وعليا انا فكتير بصراحه..
يونس پغضب
بالجزمه في نص المستي يا ابن الكلب غور من قدااامي يلااااا
بقلمالكاتبهرحابالقاضي
ما ذنب من رأى بعينيك بلاد
إن غبت عنه رب!
اتفتح باب الاوضه اللي كانت محپوسه فيها رضوي وطلعت منها وهي خاېفه جدا وبتبص حواليها پخوف وها كله بيتنفض وفضلت ماشيه لوحدها بسرعه عشان تبعد عن الاوضه اللي خاېفه منها دي وفجأه شافت كمال واقف قدامها بس علي مسافه بعيده شويه منها واول ما شافته اختفي خۏفها وابتسمت من وسط دموعها وقالت..
رضوي
كمال.. انا كنت عارفه انك هترجع عشان كده انا مستنيااك..
وراحتله بسرعه بس كانت كل ما تقرب منه المسافه بينهم بتبعد اكتر لحد ما اختفي من قدامها فضلت تدور عليه وبدأت تخاف تاني واكتر من الاول وهي مش لاقيااه وفجأه ظهر قدامها يوسف بنفس اللبس والشكل اللي شافته بيه اخر مره لما اټخانق معاها وحپسها في الاوضه..
بعدت عنه بسرعه وقالت پخوف
ابعد عني انت ايه اللي جابك هنا..
يوسف
تعالي معايا انا هطلعك من هنا..
رضوي پخوف
لا ابعد عني انت هتأذيني انا ما ينفعش اروح معاك..
يوسف
بس انا الوحيد اللي هيساعدك..
رضوي بدموع
انت كداب انت بتكدب علي الكل اصلا انا هروح مع كمال هو كان هنا..
يوسف
هو سابك ومشي تعالي معايا انا هساعدك..
رضوي بدموع
انا بخاف منك اصلا انا بعمل نفسي جامده قدامك بس انت اكتر حد توكسيك انا شوفته في حياتي ومستحيل اثق فيك ولا اصدقك...
ضحك بهدوء وقال
علي العموم دوري علي كمال براحتك وانا قاعد مستنيكي هنا..
سابته رضوي ومشيت بسرعه وهي بتدور
