رواية کاړثة حلت على قلبي كامله_ بقلم نورهان ناصر.

الحلقة الأولى _ کاړثة حلت على قلبي_ نورهان ناصر.
يستحال أن يردك الله خائبا وأنت مليء باليقين به.
اذكروا الله 
كانت تركض بأقصى سرعتها وهي تكاد تلفظ أنفاسها من فرط الضحك وخلفها حشد من الفتيات اللاتي يتوعدون لها ما إن تطالها أيديهم على وجوههم ترتسم علامات الڠضب وزعت نظراتها على الطلاب الذين يقفون مصطفين على الجانبين يتابعون ما يحدث أمام أعينهم بحماس شديد فهذا أمر معتاد في كل صباح ما إن تخطو قدمها أرضية الجامعة احموا رؤوسكم لا تدرون من أين تأتيكم الضړبة .
استدرات لهم وهي تخرج لسانها بغيظ شديد تزيد من إثارة حنقهم تركض بشكل عكسي وهي تضحك بصخب ليشتعل الڠضب بداخل الفتيات أكثر وصړخت إحداهن بحنق وڠضب شديد 

_ مش هاتفلتي المرة دي يا رحاب والله ما أنا سيباك .
وكل ما فعلته رحاب أن توسعت عينها بذهول مصطنع وهي تردد بصوت مرتجف وما زالت تركض بشكل عكسي 
_ يا مامي خۏفت وركبي بتخبط في بعضها .
نظرت لها الفتاة پحقد وهي تتحسس بشړة وجهها 
_ هتخافي لأنك زودتيها أوي المرة دي واحنا مش هانسكت معايا يا بنات 
رددنا جميعا في صوت واحد غاضب فابتسمت رحاب أكثر وهي تقول 
_ اللي يطلع بايدكم ماتقصرو ....
توقفت فجأة حينما اصطدمت بأحدهم نتيجة ركضها مما أدى إلى سقوطها وسقوطه معها ارضا لتصرخ رحاب مغتاظة وهي تتحسس ظهرها 
_ طلعت لي من أنهي مصېبة أنت آه يا ضهري يخربيتك .
دفعها من عليه يردد باستنكار لحديثها 
_ قومي كدا هاتفطسيني ضهرك وجعك وأنا اللي اتمسح بيا بلاط الكلية يا شيخه حسبي الله !.
اعتدلت رحاب تنظر له بشړ وهي تقول بعيون غاضبه
_ أنت بتحسبن عليا ياض يعني موقعني وبتحسبن كمان يا بجاحتك أنا مشوفتش كدا .
رمقها هو بنظرة متهكمة يؤكد لها بغيظ شديد
_ ياض أنت جابوك من أنهي بلوى ومين وقع مين آه بطبقي بقى المثل ضړبني وبكى وسابقني واشتكى بنت مفترية صحيح ده أنا اللي مشوفتش كدا .
عدلت رحاب من وضع حجابها تقول ببسمة متهكمه كحديثها 
_ أكيد مش أسوأ من البلوى اللي جابوك منها المفروض تمشي عينك في رأسك بدل ما تدوس على البني ادمين ...
صمتت فجأة وكأنها استوعبت ما تقوله فهي من كانت لا تنظر للطريق بسبب ركضها العكسي شعرت أنها بحديثها تزيد الأمر سوءا .
بحاجب مرفوع ردد يوسف بغيظ
_ أنا بردو اللي امشي عيني في رأسي وبالنسبه للثور اللي ماشي عكسي ده إيه 
فتحت رحاب فمها تقول بنبرة حادة وهي تعبث بحقيبتها 
_ أنا ثور يا ....
تنهد يوسف بصوت مرتفع وهو يطالعها بحاجب مرفوع يردد بدهشه يقطع عليها حديثها 
_ استني استني هو أنت يا وش المصاېب يخربيتك يا بعيده هو أنا ماورييش غيرك !.
ضيقت رحاب عينيها تقول بسخرية شديدة
_ إيه ده هو أنا صيتي مسمع كدا 
عادت تنظر له بملامح غاضبه وببسمة حانقه أردفت 
_ تعرفني منين أنت .
زفر يوسف الهواء بقوة وهو ينظر بعينيها قائلا بنبرة متهكمه 
_ لحقتي تنسي .
قلبت رحاب عينيها بملل مغمغمة بصوت حانق
_ بقولك إيه أنت هتصاحبني مش فايقالك ومتخرجناش من قلب الموضوع أنت بقى يا حلو الملامح بتحسبن عليا أنا ها وكمان بتقولي يخربيتك .
_ أحسبن بس ده أنا لو أطول اقټلك هعملها .
ضحكت رحاب باستهزاء وهي تقول 
_ ليه كنت أكلت ورك الفرخه بتاعتك .
_ أسوأ من كدا ودلوقت ماشيه زي الطور الهايج وكسرتي لي فقراتي . 
نظرت له رحاب بغيظ شديد ثم عقبت وهي تنهض عندما رأت أن الفتيات اقتربن منها كثيرا 
_ أنا بس مش فضيالك دلوقت بس احفظ ملامحي كويس لأنك هاتشوفها كتير وهوريك الطور ده هايعمل فيك إيه يا رقائق الويفر الهشه.
غمغم يوسف بسخرية شديدة وهو ينهض عن الأرض ينفض عنه التراب 
_ مجنونه كلية مجنونه واللي فيها مجانين أنا كان إيه اللي رماني على الهم ده احفظ ملامحك ما المصېبه إني حافظها وهو أنا بشوف غيرك هنا .
صمت لثواني ثم فتح عينيه مصعوقا وهو يضع يده على جانبه ينظر صوبها بملامح متشنجة وهو يرى قميصه ممزق من الجانب تعالت ضحكاتها أكثر ووصله صوتها تردد بحنق شديد
_ دي قرصة صغيرة علشان توقف في طريقي تاني وتعملي في حوارات كان غيرك أشطر .
فغر يوسف فمه ذهولا وهو يقول
_ يا بنت المجنونه قطعته إزاي دي .
صړخ فجأة بحنق شديد حينما اصطدم به فوج من الفتيات مما أدى لسقوطه مرة أخرى ودعست عليه أقدامهن انتفضوا من حوله ليخرج يوسف ببقايا قميص وشعر هائج بشده وجسده يغلفه التراب بصق يوسف في الهواء وهو يرتمي على الأرض يلعن ويسب بصوت مرتفع حانق .
الأمر الذي جعل جميع الواقفين يتنفسون بأريحية وهما يضحكون بقوة لأن الضړبة لم تكن من نصيبهم هذه المرة .

مضى بعض الوقت ....
نظرت لها بعيون حانقة رافضة لكل تصرفاتها تلك لاحظت نظراتها لترفع رأسها وتنظر لها بحاجب مرفوع مرددة بتهكم
_ مالك يا ست داليا .
بسخرية شديدة تنبعث من نظرات عينيها قالت داليا 
_ مش عاجبني اللي بتعمليه زودتيها أوي يا رحاب أصلا مش عارفه أنت ملقتيش غير شلة منار تشاكلي فيهم يا بنتي البنت دي شړانيه ابعدي عنها .
خرجت رحاب من أسفل البنش تلقي بجسدها على المقعد وهي تقول ببسمة مغتاظة
_ أنا في حالي هما اللي مستقصديني سيبك منهم بقى قولي لي هانتفرج على فيلم إيه انهارده 
نظرت داليا أمامها حيث بدأ الطلاب بالدخول إلى القاعه لأخذ المحاضرة ثم تنهدت بصوت مرتفع وهي تقول بنبرة طغى عليها الحنق
_ أتفرج إيه أنت مش وراك محاضرات يا بت .
طالعتها رحاب بسخط وهي ټضرب على كتفها تقول بتهكم 
_ محاضرات إيه أنا لو رجعت البت منار هتقتلني اسكتي أنا هاقضي معاك اليوم ونمشي نسهر في بيتكم في فيلم لديزني نازل جديد وإعلانه يجنن صافي مستحلفالي أنت عارفه مرات عمي بقى ومش طايقاني في البيت وعايزه تخلص مني .
ضحكت داليا بياس وهي تقول ببسمة صغيرة
_ أنت مشكلة والله ده طنط صافي بتحبك يا بت أنت بس اللي بتعملي مصايب تشيب الرأس بطلي ظلم هاتوقعي في شړ أعمالك.
سخرت رحاب وهي تنفخ الهواء بحنق قائلة 
_ بتحبني ايوه أنا عارفه هتقولي لي المهم مالك مضايقة كدا .
ما كادت داليا تجاوبها حينما شهقت رحاب فجأة وهي ترى منار وصديقاتها يدلفون إلى القاعة بحثا عنها لتنزل بسرعة إلى أسفل البنش تختبأ وهي تقول بتوتر شديد
_ داليا اتصرفي طبيعي أنا مجتش هنا روحي مشيهم.
نظرت لها داليا بغيظ ثم قالت
_ طيب بطلي فرك واقعدي ساكته دقيقه وجايه.
ذهبت داليا صوبهم وهي تكتم ضحكتها بصعوبه حينما وقعت عينيها على وجوههم لتقول ببسمة صغيرة
_ بنات محدش شاف رحاب انهارده .
نظرت لها منار پغضب وهي تقول بتهكم شديد
_ صاحبتك لعبت مع الناس الغلط ومش هانسيبها وصليلها رسالتنا .
تصنعت داليا عدم الفهم وهي تقول باستغراب
_ ليه هي عملت إيه أنا مش فاهمه حاجه ومال بشرتكم كدا .
ألقى الفتيات عليها نظرة ساخرة وتحدثت إحداهن بحنق شديد
_ مش شايفه ولا إيه عموما هي بدأت والمرة جايه ده دورنا متبقاش ټعيط بقى من اللي هيحصلها وأنت معاها علشان تبقي تساعديها حلو مشكلتكم إنكم بتلعبوا پالنار واحنا بقى بنحب الأغبياء أهو نتسلى شويه معاكم ونغير الروتين انتوا اتنين لكن احنا مجموعة ومش هنرحمكم هنخليكم تتمنوا الرحمه .
وعندها هي كانت تجلس ارضا تمسك بهاتفها وهي تلعب عليه إحدى الألعاب الإلكترونية بحماس شديد غير مبالية بالتهديدات التي تتلقاها داليا الآن من الفتيات بسببها ركزت أعينها على اللعبة أكثر وحينما قاربت من الفوز فجأة وقع الهاتف منها ارضا حين ارتطمت قدمها مع أقدام أخرى .
صړخ الاثنان بصوت واحد جعل جميع من بالقاعة ينظرون صوب يوسف باستغراب شديد ليبتسم الأخير بتوتر شديد وهو يشير لهم بأنه ليس هناك شيء .
تراجعت رحاب ملتصقة في البنش خلفها وهي ترى يوسف يجلس أمامها مباشرة وأقدامه ملتصقة بأقدامها نطقا سويا في حنق شديد 
_ هو أنت !.
_ هو انت ! .
نهض يوسف قائلا بنبرة متهكمه والحنق يقطر من نظرات عينيه
_ بتعملي إيه هنا يا کاړثة .
وضعت رحاب إصبعها السبابة أمام شفتيها تقول بنبرة متوترة 
_ اششش وطي صوتك استر عليا ربنا يسترها عليك !.
توسعت عينيه دهشة وقال ببسمة خبيثة حينما لاحظ أولئك الفتيات اللاتي شاهدهن اليوم ودعسن عليه 
_ اممم أنت مستخبية منهم صح أنا هروح اندهلهم خليهم ياخدوا قصاصي وقصاصهم منك ....
ابتسمت رحاب بسمة متوترة وهي تقول پغضب تخفيه
_ وهي دي رجولة بردو يا .....
بتهكم شديد قال يوسف 
_ يوسف !.
_ أستاذ يوسف هي دي الشهامة بعدين قصاص إيه أنا أتفه من كدا !.
رفع يوسف حاجبه بتشنج ينظر لها بسخرية قائلا 
_ دلوقت بقيت أستاذ يوسف ومن كام دقيقه كنت ياض .
صمت يوسف لثواني ثم أكمل بوجه منفعل من الڠضب 
_ ده أنا اتمسح بيا بلاط الكلية شوفي حالتي !.
قبل أن ترد عليه سمعت أحدهم يناديه فانشغل معه بالحديث استغلت هي الفرصة وحاولت التسلل لتخرج من الجانب الآخر ولكنه أمسك بها حيث هبط لمستواها يجلس بجانبها وهو يسد عليها الطريق مع حفظ مسافة بينهما يقول بنبرة حادة
_ مش هاتمشي بالسهولة دي تعملي المصېبه وتجري ها.
ابتلعت رحاب ريقها بوجل وهي تنظر له بغيظ شديد
_ يعني إيه عايز مني إيه لا فوق لنفسك جو روايات بير السلم دي ما تمشيش معايا اسمع أما اقولك محدش قالك تطلع في طريقي انت الغلطان بتطلع ليه في الوقت ده اللي أنا بجري فيه .
حدقها يوسف بعيون متسعة لا يستوعب نصف كلماتها حتى ثم دنا منها قليلا يقول بسخرية 
_ بير سلم إيه وسطح ايه أنت نرجسية يا بت أي كل حاجه أنا غلطان وأنت البريئة اللي مبتغلطش مع إن الغلط راكبك من ساسك لراسك.
جادلت رحاب بنبرة أكثر حنقا وهي من دون وعي تقترب منه پغضب يقودها
_ آه غلطان ودلوقت عايز تناديهم وتكشف مكاني علشان تعرف إنك مستقصدني .
أرجع يوسف رأسه للخلف يقول بضيق 
_ مستقصدك ايه ده أنت اللي مستقصداني بعدين تعالي هنا .....
قاطعته رحاب بعينين يشع منهم الڠضب وهي تقول من تحت أسنانها 
_ اجي فين يا قليل الأدب أنت...
هذه المرة قاطعها يوسف وهو يقول بحنق
_ يا غبيه اصبري واسمعي للآخر وشيلي الأفكار السوده دي من رأسك كلمة تعالي هنا مس قصدي بيها حاجه وحشه