رواية کاړثة حلت على قلبي كامله_ بقلم نورهان ناصر.

أقصد اقولك أنت بجد مش عارفه انا مين ولا هببتي إيه وبسببك كنت هروح في أبو زعبل .
تحاشت النظر له تقول بتوتر شديد
_ لا مش فاكره وبعدين بقى قعدتك دي مش لطيفة اوعى خليني أطلع .
تنفس يوسف الصعداء ثم ابتعد للخلف يقول بغيظ شديد وهو يشير لها على قميصه الذي تمزق 
_ اسيبك تمشي بعد ما تشوفي لي صرفه في اللي هببتيه ده أروح لأمي كدا إزاي 
_ نعم عايزني أعمل إيه يعني مش فاهمه 
قال يوسف ببساطة شديدة
_ تخيطي لي القميص مش هاينفع اخض أمي كدا ولا امشي في الطريق بالمنظر ده وسيادتك مجبرة بقى تشوفي لي حل أنت أصلا مش شايفه حالتي .
رفعت رحاب حقيبتها خلسة ثم بلا أي مقدمات ضړبته على رأسه ثم فرت هاربة وهي تقول ببسمة
_ محدش يجبرني على حاجه مش عايزاها قال اخيط هدومه قال أنا لنفسي مش بخيط هخيط ليك.
تاوه يوسف بصوت مرتفع وهو يضع يده على رأسه پألم ينظر لاثرها بحنق شديد
_ آه يا بنت المجنونه .

بعد مرور عدة ساعات
كانت متسطحة على الأريكة تأكل بشهية وهي تقص ما حدث معها على أخيها التؤام الذي كان يجلس على المقعد المجاور يتناول بعض المقرمشات وهو يصغي لها باصغاء .
_ وبس يا سيدي كلامهم معاجبنيش يفكروني علشان غلبانه بقى هابقى هفا واسيبهم يتنططوا عليا روحت دخلت الحمامات ولقيت شنطهم مسكت علب الميكاب بتاعتهم وعملتهولهم سلطه في بعضهم ومنهم كريم نوعه ... خلطت عليه محلول .... وأول ما حطوه على وشهم قلبوا زي السنافر بس على أخضر وكان شكلهم مسخرة يستاهلوا محدش ياجي على رحاب ويبقى مرتاح أبدا .
صفق لها أخيها والذي يدعى مازن بانبهار شديد بتفكيرها وذكاءها يقول ببسمة واسعه فخورة وهو يربت على رأسها 
_ عاش يا بت تربية أخوك أوعى تسيبي حقك .
ابتسمت رحاب بسمة صغيرة ثم عادت تأكل ومن حين لآخر تضحك بقوة كل ما تذكرت ملامحهم المصدومه تنهدت بصوت مرتفع وهي تضع الطبق من يدها تقول بنبرة خافته ضعيفه 
_ أنا يا مازن بمشي في حالي جنب الحيط وهما اللي بيجروا شكلي اكمني مسكينه ويتيمه ومکسورة الجناح .....
قطع عليها حديثها صړاخ أحد الجيران وهو يطرق على الباب بقوة وصوته يصدح پعنف .
_ هي فين ست رحاب .
ضحك مازن بسخرية شديدة في حين نظرت له رحاب مبتسمة بحنق تقول 
_ أهو شوفت .
خرجت في تلك الأثناء زوجة عمها تقول وهي تنظر لها بعينين حانقتين
_ عملتي إيه يا مصېبة .
تصنعت رحاب البكاء ونهضت عن الأريكة تضع الطبق من يدها على الطاولة الصغيرة أمامها
_ معملتش حاجه أرجوك يا مرات عمي ما تعاقبنيش وتاكليني المش أبو دود ولبنتك الحلو كله تبعتيهولها لحد عندها .
فغرت زوجة عمها فمها پصدمه من أفعالها تضع يدها على جبهتها وهي تشعر بالدوار 
_ أنا يا رحاب بعاقبك أنا باكلك مش بدود يا بت في مرة هاتسجنيني بسبب عمايلك دي وبعدين بنتي في غربة وكليتها في محافظة تانيه أنا عمري فرقت بينكم أحسن حاجه بعملها ليك اومال مين من طلع النهار وهو معكوك في المطبخ بيعملك صنية المكرونة بالبشاميل .
انمحى الحزن من على وجهها ورددت بصوت سعيد 
_ عملتيها حبيبتي يا مرات عمي مطلعتيش حرباية أهو امال التلفزيون مشوه صورتك ليه .
نفخت زوجة عمها الهواء بغيظ شديد ثم انحنت تلتقط حذائها المنزلي تقول ببسمة مغتاظة
_ حرباية طيب تعالي بقى نوريك الوش التاني منك لله يا بعيده .
كان مازن يضحك بشدة وهو يتابع ركضهم في الشقة خلف بعض وزوجة عمه صافي تحمل الحذاء بينما ازدادت الطرقات على باب الشقة فاتجه هو لفتحه لتقع عينيه على جارهم يحمل صغيره وهو يردد بصوت غاضب 
_ سنه عقبال ما تفتحوا الباب وبعدين بقى في تصرفات أختك كل يوم ټضرب لي الواد .
خرجت رحاب من الغرفة تقول بغيظ شديد
_ ابنك قليل أدب ويستاهل علشان بيعاكسني .
رمقها الرجل بنظرة سخرية يقول 
_ بي ايه ابني أنا.
أكدت رحاب بغيظ شديد تنظر صوب الولد 
_ قوله بتقول إيه لما تشوفني في الشارع رحاب دي ..
هتف الولد سريعا 
_ مزة طحن !.
بهت وجه الرجل وهو ينظر لولده بنظرة حادة وهو لا يدري ما يقول رفع رأسه يبصر رحاب التي ترمقه بنظرات باردة واخيها مازن الذي تحدث بصوت مرتفع غاضب 
_ المرة الجاية أنا بقى اللي هعلقهولك على رأس الشارع لو ما لمتش ابنك المشرد ده عن أختي !.
اعتذر الرجل وهم بضړب ولده فمنعته زوجة عمها صافي معقبة بتحذير 
_ آخر مرة وفهمه إن ده غلط وما تضربوش .
ذهب الرجل ودخلت صافي إلى غرفة المطبخ تتابع إعداد الطعام لهم في حين بقت رحاب وأخيها في الصالة وقبل ذهابها إلى غرفتها أمسك أخيها بخدها يضغط عليه وهو يقول 
_ بيعاكسك بردو .
ضحكت رحاب بقوة وهي تبعد يده عنها 
_ آه بيعاكسني .
أمسك مازن ذراعها ونظر لها بشك قائلا 
_ قولي الحقيقه السبب الحقيقي إيه أنت مش هتضربيه علشان عاكسك ده عيل صغير ده أنت لو اتجوزتي كنتي جبتي قده ضربتيه ليه يا رحاب .
دبدبت رحاب بقدميها في الأرض بانزعاج واضح ثم صړخت بتهكم 
_ بيخوني ارتحت !.
أنهت حديثها وفرت هاربة داخل غرفتها فتح مازن عينيه پصدمه وتشنجت ملامح وجهه يردد باستنكار وهو يتجه إلى غرفتها 
_ بيخونك يعني إيه بت أنت متجوزاه من ورايا 
تزامن ذلك الحديث مع خروج صافي من غرفة المطبخ ليقع الطبق من يدها على الأرض وهي تقول پصدمه 
_ اخرتها تتجوزي من ورانا يا مقصوفة الرقبه .
اتجه إليها مازن يضع يده على كتفها وهو يبتسم بسمة غبية 
_ تتجوز إيه دي عبيطه ومحدش هيرضى بيها أنت مش عارفاها دي هبله .
فتحت رحاب الباب نصف فتحه و أخرجت رأسها تقول ببسمة مغتاظة
_ هبله زيك وآه وعدني بالجواز الواطي وخلي بيا شوفته بيلعب مع مرام وهو عارف إني مبطقش أختها الملزقه دي وشوفته بيعاكسها واللي كان بيقولوا ليا بقى يقولوا ليها المچرم لا ومش بس كدا يا مازن ده اخد الطيارة وعطهالها اللي كان بيعملها ليا . 
وضعت صافي يدها على جبهتها مغمغمة بصوت منخفض 
_ لا أنا لو وقفت زيادة هتشل منك لله يا رحاب مش هاتعقلي أبدا ډخلتي الجامعه ولسه زي ما أنت ربنا يهديك ربنا يهديك أنا لو عمك رجع ولقيني مجلوطه هتكون هي السبب .
نظرت لها رحاب بقرف وهي ترفع حاجبها الأيسر بتهكم 
_ ايوه ادعي عليا طلعي الوش الحقيقي أنت أصلا بتكرهيني يا صافي .
نظرت لمازن تقول وهي تتصنع الانكسار 
_ هتجوزني لأول كلب ياجي راجل عجوز وكرشه كبير يا مازن هاتبيعني قولتلك الوليه دي پتكرهني يالا نمشي من البيت ده.
كانت صافي تستمع لحديثها وهي تفغر فمها بذهول شديد ثم نظرت لمازن قائلة بنبرة متهكمه
_ شوف البت وعمايلها ناقص تقوليله بسرحك في الشوارع كمان ده كله علشان قولتلك جيبالك عريس .
امتقعت ملامح وجه رحاب مرددة بتهكم وهي تنظر لمازن 
_ أهو مش قولتلك عايزه تخلص مني ده بعدك يا صافي مش هاسيبلك البيت وهفضل قاعده على قلبك كدا !.
انحنت صافي تلتقط حذائها ومازن يمسك بها في حين أغلقت رحاب الباب تواري ضحكاتها تعشق إثارة حنقها واللعب باعصابها ارتمت على الفراش تكتم صوت ضحكتها بصعوبه.
وخارج الغرفة كانت صافي تتنفس بصوت مرتفع وهي تضع يدها على قلبها ثم نظرت لمازن الذي يمسك بها 
_ أختك هتجنني بتجيب الكلام ده كله منين لو عمك سمعه فيها طلاقي وشوف بتضحك إزاي بتفرسني على ايمتى وتغوري من البيت ده بس يا خۏفي ترجعي لي تاني يوم بالكحكتين على رأسك يا بعيده .
_ معلش يا مرات عمي الروايات لحست عقلها ادعي لها ربنا يهديها .
طالعته صافي بتهكم وهي ټضرب على ملابسها بغيظ 
_ يا اخي ربنا ياخدكم انتم الاتنين .
اتسعت عيني مازن پصدمه يقول بسخرية 
_ الله وأنا مالي يا لمبي !.

كانت تجلس بجواره وهي تضع يدها على خده ليطلق مزيدا من التأوهات وهو يتنفس بصوت مرتفع حركت والدته رأسها بياس ثم وضعت لصاقة طبية أعلى عينيه وهي تسأله 
_ أنا مش فاهمه إيه اللي بهدلك بالمنظر ده أنت كنت في الجامعه ولا بتحارب يا يوسف 
نظر لها يوسف يقول متهكما وهو يتذكر تلك الفتاة 
_ بنت يا رجاء من يوم ما شوفتها والمصاېب نازله ترف على دماغي .
حركت رجاء فمها في حركة شعبية وهي تغمغم بسخرية 
_ أنا قولت بردو الحكاية فيها بنت اخرتها تتخانق علشان بنت مودياك الجامعه أنا تتعلم ولا تتخانق وترجع لي بالمنظر ده ده أخوك الصغير ما عملهاش .
أعقبت حديثها وهي تمسك بقميصه أوه عفوا المتبقي منه تقول بسخرية 
_ ده شكل قميص ده كنت بتمسح بيه الكلية ولا إيه .
ضحك يوسف متهكما وهو يقول متجها إلى غرفته 
_ لا ده ابنك هو اللي اتمسح بيه بلاط الكلية انهارده .
طالعت رجاء ظهره بتحسر تردف بنبرة متهكمه 
_ يا ميلة بختك في ابنك يا رجاء .
استدار لها يوسف يقول بحنق شديد
_ ايوه اقعدي ولولي عليا بقى .
_ يا ابني سيبك من اللي أنت فيه ده وركز على مستقبلك من أسبوع رجعت لي بنفس المنظر ده وبردو بسبب بنت وكل يومين بمنظر شكل لا حول ولا قوة إلا بالله .
تنهد يوسف بصوت مرتفع وهو يتذكر ذلك اليوم حيث أول مرة رآها فيها .
كان خارجا من باب المرحاض والطرقة خالية تماما منظر ذكره بكل أفلام الړعب التي شاهدها على مدار حياته الثالثة والعشرين ابتلع لعابه يردد في داخله بضع آيات القرآن الكريم لما رأى اهتزاز الإضاءة رفع بصره للسقف يرى المصابيح تضوي بضوء خاڤت نظر عن يمينه ويساره لم يكن هناك أحد حدث نفسه ليقويها 
_ أهدى يا يوسف مفيش حاجه أكيد ده عطل فني وهيصلحوه .......
قطع عليه حديثه انطفاء المصابيح تماما ليعم الظلام ابتسم لنفسه بسخرية وهو يقول 
_ طيب أكيد الوضع مش هايزداد سوء دلوقت والاقي جنية طالعالي ......
ما كاد المسكين يكمل حديثه وإذ فجأة شعر بحركة هوجاء في المكان وصوت ېصرخ بقوة و پخوف شديد .
صړخ يوسف بصوت مرتفع ثم أخذ يركض بأقصى سرعته وهو يخرج هاتفه الذي وجده منخفض البطارية ليلعن تحت أنفاسه وصل إلى نهاية الطرقة وهاتفه يوشك على النفاذ واصطدم جسده