رواية ضحېة الظروف الفصل الأخير بقلم نشوه عادل

رحمة: اسمع انا عشان بس منكدش ع اختى ف يوم زى ده هعدى اللى حصل دلوقتى اتفضل خد بعضك وارجع مكانك قبل ما اخلى اللى ما يشترى يتفرج عليك

تعدى الايام والشهور وياسر بيسأل عن رحمة وبيعرف عنها كل حاجة واسباب طلاقها وبيكون واقف ف البلكونة سرحان دخلت عليه اخته الكبيرة هيام 
هيام: مالك يا حبيبى انت سرحان ف ايه كده؟!
ياسر: لقيت البنت اللى بحلم بيها وبتمناها يا هيام كل حاجة زى ما رسمتها واتمنيتها ربنا خلقها فيها
هيام بفرحة: بجد يا ياسر طب ومستنى ايه كلم بابا وروحوا اتقدموا ليها!
ياسر: بس فيه مشكلة وبصراحة مخليانى اعيد نظر ف الموضوع 

هيام: مشكلة ايه كفى الله الشړ؟!
حكى ليها ياسر عن جواز رحمة الاول واسباب طلاقها وكمل: مش عارف بصراحة اخد قرار
هيام: شوف يا ياسر انا مش شايفة اى مشكلة ف اللى قولته انها تكون مطلقة دى مش حاجة تعيبها ابدا اما اسباب طلاقها ف الاخير تطلع جوزها اد ايه انه راجل دنئ وندل واتخلى عنها ف اصعب اوقاتها مع انه المفروض كان وقف جنبها لانه المفروض سندها وانا لو مكانها كنت وقفت جنب امى مكنتش هقبل اشوفها بالسجن او اشوف نفسى ورا القضبان وانت بتقول الحلو فيها والمميزات تغطى ع اى حاجة تانية واظن مفيش اى حاجة تانية وحشة مش كده!
ياسر: لا ابدا بس خاېف تعمل حاجة من ورايا؟!
هيام: انت اللى بايدك تكون ليها الصاحب والامان كون ليها سرها وغطاها وهى عمرها ما تخبى عنك دبة النملة حتى فكر تانى وربنا يهديك للى فيه الخير
ياسر: ان شاء الله 
دخل ياسر وصلى استخارة واحس بالراحة وبعد مرور يومين راح لرحمة عند السنتر 
رحمة پصدمة: انت ...ده انت بجح اوى ايه اللى جابك هنا؟!
ياسر: تتجوزينى؟!
استغربت رحمة وقالت: انت مچنون؟!
ياسر: لا مش مچنون انا معجب بيكى جدا من اول مرة شوفتك 
رحمة: بس انت متعرفنيش ولا تعرف عنى اى حاجة اصلا
فكر ياسر وقال: الخطوبة اتعملت عشان الناس تتعرف ع بعض 
رحمة: شكلك عاوز تضيع وقت وانا مش فاضية ليك عن اذنك
ياسر: لا مش بضيع وقت انا جيت عشان اعرف قرارك واكلم خالك 
رحمة بعصبية: قولتلك انت متعرفش حاجة عنى الاحسن تسأل ولا تسأل ليه انا اقولك انا مطلقة وطلقنى بسبب ظروفى وعشان بيعت الدهب من وراه ومقدرش اللى كنت فيه 
ياسر بابتسامة: عارف كل حاجة 
رحمة پصدمة: عارف؟! 
ياسر: ايوة طبعا عارف ما اكيد مش هتقدم لواحدة الا لما اكون عارف عنها كل حاجة 
رحمة: ومش خاېف منى او واخد عنى فكرة مش كويسة!
ياسر: تؤ ابدا خصوصاً لما صارحتينى دلوقتى صدقينى يا رحمة انا معجب بيكى وعاوزك
رحمة بدموع: متهيألى انك لازم تفكر تانى!
ياسر: لا فكرت وقررت خلاص وما صدقت لقيتك خلاص 
رحمة بتنهيدة: وبس يا سيتى ربنا عوضنى بابوكى بالرغم من كل الصعوبات اللى واجهتها بحياتى ربنا كان لطفه بيا كبير
تالين: الحمدلله يا ماما انا بحب علاقتك انتى وبابا اوى بجد 
رحمة: انا كنت ضحېة للظروف وناس كتير غيرى ظروفها اقوى منها لكن عوض ربنا دايما بيجى يراضى والله عشان كده خلى عندك ايمان ف ربنا كبير انه مهما كان الظرف صعب نهاية الطريق جبر وووو...توتة توتة خلصت الحدوتة

#ضحية_الظروف الاخير
#بقلم_نشوه_عادل