رواية في قبضة القدر الفصل السابع بقلم بتول عبد الرحمن

طالعه وشافتها ... قربت عليها پخوف وقالت في ايه مالك 
مسحت دموعها وقالت مفيش 
قالك حاجه او ضايقك 
لاء يماما مفيش حاجه 
سابتها ونزلت وهيا دخلت اوضة سليم
رصيدك بيخلص يا سليم خد بالك 
بصلها بلا مبالاه وقال باستفزاز في حاجه اسمها اخبط ع الباب 
بلاش تستفزني اكتر ... وياريت لو تحط عقلك في راسك ومتلعبش معايا 
وانتي اللي هتقوليلي اعمل ايه بقا 
بما أن مفيش حد رباك فاه هقولك ... لانك مترتبتش 
قرب منها وقال بفحيح صدقيني المره الجايه هنسى انك مرات ابويا ... مش انتي اللي هتقرري انا متربتش ولا لاء ... فاهمه 
لاء ده انا أقرر واخطط كمان أعلمك الادب ... بما انك لسه مصمم على عدم الاحترام 
امشي من وشي قبل ما انسى انك مرات ابويا فعلا 
لو فاكرني هخاف منك وهعملك حساب وكده فلاء متصدقش نفسك ... انت هنا بمزاجي وهتمشي على مزاجي ... زي ما خليتك تتجوز يارا فهخليك تعاملها على أنها زوجه ليك ... ملكش غيرها بقا من دلوقتي ... انسى اني هسمحلك تجرحها 
لو انا عايز اجرحها زي ما بتقولي كنت عملتها من زمان بس هيا ملهاش ذنب تتحمل ألاعيب امها الۏسخه ... وبعدين وريني اخرك ... عايز اعرف آخرة تهديدك ده ايه 
هتشوف يا سليم ... هتشوف ووقتها هتعرف ... اني مش بهدد على الفاضي 
فتحت الباب وخرجت ... قبل ما تخرج قالتله وانسى اني اسمحلك تخرج انهارده 
خرجت وهو جزء على سنانه پغضب ... دخلت يارا بالقهوه وادتهاله ... خدها شربها على بوق واحد وخرج من الاوضه
عند قدر كانت مع قمر اختها بيتكلموا بعد فراق طويل وفونها رن ... كان سليم ... بصت لقمر وقالت ثواني 
Take your time 
خرجت وردت عليه 
نعم 
عايز اشوفك دلوقتي 
مش اتفقنا على 9 
لو سمحتي يا قدر ... اخرجي دلوقتي 
ايه السبب مش فاهمه 
محتاجلك ... عايز اشوفك 
سكتت شويه وبعد كده قالت روح لمراتك 
قدر عشان خاطري متجيش عليا انتي كمان ... هتيجي ولا بلاها 
فكرت شويه قبل ما تقول تمام يا سليم ... هاجي ... نص ساعه هكون موجوده 
قفل معاها وجاي يخرج اللي على البوابه منعوه ومفتحوش البوابه ... نزل من عربيته وبصلهم پغضب وقال پحده افتحوا الباب 
عندنا أوامر منفتحش الباب لحد 
قرب منه ومسكه من قميصه جامد وقال واوامرك دي بتاخدها من مين يا روح امك هااا ... افتح البوابه احسنلك انت وهو 
جت داليا من ورا وقالت سلييم 
بصلها پغضب وقال هندمك يا داليا صدقيني 
قولتلك مفيش خروج