رواية بنت الجيران الفصل30 الأخير
انت في الصفحة 7 من 7 صفحات
بموضوعنا واخليها تشيل نيره من دماغها
هنا الابتسامه تختفي من علي وشها وهي بتسحب ايديها من يزيد انت بتقولي كده ليه دلوقتي \
يزيد تاني مره اما اكون ماسك ايدك متسبيهاش تاني فاهمه.. وبعدين اسمعي كلامي للاخر وبعدين ردي ....
يوم خطوبتنا وعدتك ان لو في اي حاجه انا مش هخبيها عليكي .. بس في حاجات لازم تعرفيها دلوقتي .. نيره حاولت كذا مره توقع بيني وبينك وبكذا طريقه ويوم م قولتلك اني رايح عند خالي انا كنت رايح عشانها وعشان اوقفها عند حدها واحكي لخالي كل حاجه عملتها بس مش ده المهم عشان هي متفرقليش .. انا مفيش حاجه تفرقلي غيرك انتي وامي انتو اغلي اتنين ف حياتي انتو واخواتي ..
عاوزك تستحملي امي ي هنا .. قلبها طيب والله العظيم بس عاوزه الي يسايسها ... مش عاوز ف يوم لو حصل خلاف بينك وبينها تخيريني بينك وبينها مش عاوز ده يجي بالك اصلا لانك كده هتبقي بتخريني بين قلبي وروحي والاتنين مقدرش اعيش من غيرهم ...
يزيد عارف يحبيبتي .. انا بقولك عشان عارف ان وارد يحصل ف اي بيت وخصوصا ان امي لحد دلوقتي مش مستوعبه اني اتجوزت واحده غير ال هي مختارها.. ودي وظيفتك انتي بقا عرفيها قد اي انتي بتحبيني وهي هتشيلك ف عنيها
هنا بضحك بس كده .. دي كده ھتموت فيا
يزيد ب ابتسامه بحبك ي هنا .......
بياخد ايدها ويقوم يقف قومي بقا اما ناكل عشان انا واقع م الجوع وعصافير بطني بتصوصو .. وبعدين نصلي عشان نبدأ حياتنا ببركه كده
بتقف هنا لحظات وهي باصه فعيون يزيد ومره واحده تحضنه وتقول بصوت هادي انا بحبك ي يزيد
بيحاوطها يزيد ب ايديه وهو بيوطى ليوصل لطولها القصير
هنا بحبك ي يزيد .. بحبك اوي
يزيد بابتسامه واسعه وبيضمها لحضنه اكتر اخيرااا نطقتيها
هنا وهفضل اقولها لحد اخر يوم ف عمري
يزيد
بهدوء بهدلتي قلبي معاكي ي بنت الجيران....
تمت
النهارده مش هتنازل ان الكل يقول رأيه لان دا اكتر بارت تعبت فيه
وانتظروا بوست بعلن فيه عن معاد نزول الجزء التاني
هفتقد كومنتاتكوا اوي
ومتنسوش تصلوا ع النبي
