رواية زاي اطفش عروسة بابا الفصل 42

زاي_اطفش_عروسة_بابا 
الفصل الثاني و الأربعون
طيرت الشبشب من رجلها انقضت عليها و عشان متعرفش تقاوم سندت ثقلها كله عليها مسكتها من شعرها بتشد بتمسح به الارض و جمانه مستسلمه ليها تماما متقبله للي بيحصل عارفه تستحق المعامله ديه ..
ليلى بتحاول تفك الشعر من إيد والدتها بس مش قادره عليها الڠضب مخليها مبتشفش قدامها _ يا ماما استهدي بالله مش كده .. 

سميه زعقت _ سيبيني عليها هموتها ضحكت على إبني خلته يتزوجها عارضني عشانها بعدها سابته و سابتله البنت صغيره و دلوقتي راجعه .. 
عمر _ مسابتليش حاجه ديه بنتي انا عارف أربيها و آخد بالي منها مش محتاج حد حتى لو احتجت مش هتكون مساعده من وحده زيها فسيبيها تمشي .. 
اللحظه اللي عمر بيحاول يقنع والدته تسيبها بمساعده ليلى غفلو عن غفران اللي من الاساس تعبانه هما زودو على خۏفها و توترها معدتها قلبت ..
جلال استغرب لما سحبت إيدها اللي ماسكها بس فجاة لاقاها يترجع ع الارض جسمها كله بيرجف اتخض _ غفران مالك عمر الحق غفران .. 
عمر لف وشه لقا حالتها مبتبشرش بالخير جري عليها قعد على ركبه جنبها بس معرفش يتصرف بيجي يحط إيده عليها بيتراجع خاېف يأذيها بلهفه _ غفران .. 
جمانه استغلت صدمة سميه استحبت منها و جريت عند غفران تشوف مالها كانت هتحط إيدها على ظهرها بس تراجعت و خدت ذراع عمر شدتها حطت إيده فوق ظهرها _ متتوترش هتخوفها أكثر .. 
عمر في الموقف ده مكنش عنده مانع تمسك إيده رغم إنه بقا بيقرف من لمستها بس المهم بنته تبقى كويسه _ غفران روحي بابا هنا مټخافيش .. 
غفران رجعت بعد ما وقفت أكثر من مره دموعها كانت بتنزل بعدها عيطت بصوتها كله _ بابا .. 
عمر بلهفه _ روح بابا انت كويسه في حاجه وجعاكي .. 
جلال لما لقاها هزت دماغها بلا _ الحمد لله أعتقد حصلها كده بسبب الخۏف هتبقى كويسه