رواية أولادي الميراث كامله بقلم شهد أحمد

1
انا كيان جوزي مټوفي وعندي 3 اولاد كل واحد فيهم متجوز وعايش حياته وانا قاعده في البيت لوحدي محدش حتي كلف نفسه أنه ياجي يشوفني
وطبعا انا أم وست كبيره وعايزه رعايه من اولادي بس ملقتش
وقولت اخدم نفسي بنفسي وان كل واحد فيهم عنده حياته الخاصة وكمان عنده ولاده ومراته وعطتهم عذر 
وانا خلاص بقيت في اخر ايامي 

وعلشان الميراث قررت اني اديه للشخص اللي بيستحقه بس وعلشان كده قررت اني اختبر ولادي علشان اشوف مين احق أنه ياخد الميراث 
وفعلا نفذت قراري وكانت الصدمه بالنسبه لي 
واللي حصل هو اني روحت ل ابني الاول ادهم قولت اروح زياره عنده واقعد معاه كام يوم بما أنه مش بياجي ولا بيشوفني وبالمره اختبره وأشوف هو هيتعامل معايا ازاي ولما روحت عنده حصل 
يتبععععععع.
2
اولادي والميراث. 
واللي حصل هو اني روحت ل ابني الاول ادهم قولت اروح زياره عنده واقعد معاه كام يوم بما أنه مش بياجي ولا بيشوفني وبالمره اختبره وأشوف هو هيتعامل معايا ازاي ولما روحت عنده حصل أنه اتفاجاء لما شافني 
ادهم. امي 
كيان. ازيك ي ادهم عامل اي اي هنفضل واقفين بره ومش هتقولي ادخلي ولا اي
ادهم. لا ازاي طبعا اتفضلي بس اي الزياره المفاجاه دي 
كيان. لقيتك مش بتسال ولا بتاجي قولت اجي انا واسال عنك لو مش عجبك وجودي امشي 
ادهم. لا طبعا ازاي ده انتي تنوري 
كيان. تسلم ي ابني اومال فين مراتك و ولادك 
ادهم. قاعدين جوه هروح اقولهم انك جيتي 
كيان. ماشي ي ابني وهو دخل يقول ل مراته وانا قعدت استنيت دقيقه دقيقتين خمسه وانا قعده فكرت وبقول تلقي مراته بتقوله اي اللي جاب امك عندنا ولا حاجه والمهم طلعت هيا والولاد 
كيان. اي ي ولاد مش حابين تاجوا تسلموا على تيته ولا اي
جميله. وقتها كانت واخده الولاد في حضنها وزقتهم بمعني روحوا عندها وكريم وكرمه راحوا عندها 
كيان. اخدتهم في حضنها وقالت عاملين ايه ي ولاد كده متسألوش عليه ولا تقولوا انكم عايزين تاجوا عندي وتشوفوني بس الحق مش عليكم انتوا لسه صغيرين 
وقالت ازيك ي جميله ي بنتي 
جميله. الحمد لله ي طنط انتي عامله ايه
كيان. بخير ي بنتي واخدت كريم وكرمه وقعدت العب معاهم وجميله دخلت علشان تجيب عصير وانا قولت ل ادهم وهما الولاد بيلعبوا 
كيان. بقولك أي ي ادهم ي ابني 
ادهم. قولي ي امي 
كيان. انا وحشني احفادي وبما انك مش بتاجي ولا بتجبهم هقعد معاكم كام يوم كده وبعدين همشي
ادهم. انتي تنوري ي امي ولقيته سابني ودخل عند مراته شكله بيقولها اني هقعد معاهم كام يوم محطتش في بالي وقعدت مع كريم وكرمه. 
ادهم. بقولك أي ي جميله 
جميله. قول ي ادهم 
ادهم. امي هتقعد معانا كام يوم جهزي مكان علشان تنام فيه وجهزي الاكل 
جميله. يعني اي ي ادهم هتقعد معانا انت عارف الوضع عامل ازاي وهتقعد فين ده احنا قاعدين في البيت بالعافيه ومفيش إلا اوضه لينا بنام فيها واوضه ولادك بيناموا فيها هتنام فين هيا بقا ولا تحب انيم ولادي علي الارض علشان الست امك تنام 
ادهم. بصوت عالي جميله 
جميله. هو ده اللي انت شاطر فيه صوتك العالي وجميله وزفت 
ادهم. بقولك أي امي هتقعد معانا وروحي اديها العصير وتاجي تجهزي الاكل بدون كلام كتير يلا 
جميله. طيب ي ادهم طيب وعملت العصير وراحت اديته ل كيان وقالت اتفضلي ي طنط 
كيان. تسلمي ي بنتي اقعدي جانبي عايزه اتكلم معاكي شويه. 
جميله. قعدت جانب كيان وقالت خير ي طنط 
كيان قوليلي ي حبيبتي لو مش عايزاني اقعد قولي وانا همشي متكسفيش مني انا زي امك برضوا
جميله. لا ي طنط اقعدي براحتك انا مقولتش حاجه
كيان. تسلمي ي بنتي وانا مش هطول في القاعده عندكم هو يومين هقعدهم مع ابني واحفادي وهمشي تاني 
جميله. اللي تشوفيه ي طنط وعن اذنك علشان اعمل الاكل 
كيان. ماشي وهيا مشيت وانا قعدت العب مع كريم وكرمه ونهزر ونضحك وكنت مبسوطه معاهم وهما كمان وفجاه جميله نادت علي كريم وكرمه وراحوا ليها وقالت لهم كفايه لعب روحوا ذكروا عقبال ما الاكل يجهز ولا علشان ستكم جات خلاص مفيش مذاكره وهتقضوها لعب 
كريم وكرمه. سمعوا كلام جميله وراحوا علشان يذاكروا ولما دخلوا اوضتهم