رواية اسمي حياة البارت 52

بارت 52 
بصت نيرة في الساعة و اتصلت 
انتي فين يا ماما 
ما انا قلتلك رحت اعمل صبغة جديدة 
كل ده و لسة ما خلصتيش! معاد الدوا بتاع بابا قرب و مفيش اكل و اخواتي كمان شوية و جايين من المدارس .!!
جرى ايه يا ست نيرة هو انا كنت الخدامة بتاعتكم انتو و ابوكم ! ما تعمليله انتي اكل ما انتي كلها شهر و هتتجوزي 

ولا هتقضوها دلفري !! 
نيرة بقلة حيلة حاضر يا ماما هأحضرله حاجة خفيفة ياكلها على ما الاكل يجهز
دخلت المطبخ و حضرت سندوشات جبنة و لسة هتاخذ صينية الأكل لأبوها الباب خبط .. طب خذ كل دي عشان تشرب دواك
حطتهاله بسرعة و طلعت تفتح 
راحت تفتح و اټصدمت اول ما شافت اللي واقفة عالباب 
ه...ه..هدى !!!
هدى مش هتقوليلي اتفضلي 
هااا ..اااه طبعا اتفضلي 
دخلت و نيرة لسة على صډمتها خصوصا حالتها اللي ماكانتش مضبوطة خالص و ده اللي وتر نيرة اكثر 
ابتدت هدى بالكلام لما شافتها على صډمتها
بصي انا جتلك انتي عشان مش عارفة طريق حياة ولا معاي رقمها ...طبعا أكيد مستغربة طلعت من السچن ازاي !! 
نيرة ما ردتش 
كملت هدى حياة جاتلي السچن و وكلتلي محامي و دفعت لي الكفالة عشان اطلع ... طبعا انا متراقبة على ذمة التحقيق و المفروض كنت اطلع من السچن على بيتنا على طول بس انا كان عندي اسئلة لازم اعرف اجابتها 
نيرة ا....اسئلة ايه !
حياة جاتلي صحيح بس ما كانش فيه فرصة اننا نتكلم 
حسام جه و بعدين أخذها و مبقتش فاهمة حاجة
نيرة عايزة تعرفي ايه 
ايه اللي بيحصل و حياة لقت حسام ازاي طب و جوزها 
حياة اتطلقت بعد ثلاث اشهر يا هدى و اشتغلت و بعد ثلاث سنين اتقابلت هي و حسام تاني و اتجوزوا و دلوقت هي حامل 
هدى بكسرة ألف مبروك ...هي الصراحة تستاهل 
ما عرفتش نيرة ترد تقول ايه عقبالك ..
ضحكت هدى كثير عقباااالي !!! قصدك على حبل المشنقة!! 
نيرة هدى ..الموضوع ان....
بصي انا جاية عشان عايزة اعرف حاجة وحدة بس ...تسجيل ايه اللي بيتكلموا عنه ده يا نيرة ...هي حياة اللي... !
نيرة بمقاطعة لااااا حياة ما تعرفش حاجة ...انا اللي سجلتك 
ليه  
كنت بأجرب مسجلة جديدة اهدتهالي حياة ...الموضوع كان صدفة مش اكثر ... بعدين لما سمعته حياة خبته عشان محدش يشوفه ...حياة عمرها ماكانت هتفكر تأذيكي مهما اذيتيها يا هدى .
هدى بحسرة عارفة .... يا ريتها كانت بلغت عني من زمان ولا اني أعيش اللحظة دي 
سكتت شوية بعدين اڼهارت و اتفتحت بالعياط فجأة 
اتخضت نيرة و قربت منها و حضنتها
فيه ايه يا هدى 
اڼهارت اكثر كان هيتجوزني يا نيرة .... كانت لحظة ڠضب منه بس...لكن ...لكن انا عملت ايه انا قټلته يا نيرة قټلت الراجل اللي انا حبيته ...غلبت و أنا اكذب في نفسي بس دي الحقيقة ...أنا عمري ما حبيت غيره...انتي ممكن تتخيلي فظاعة الإحساس اللي انا حاساه دلوقت !!! 
نيرة بمواساة اهدي بس يا هدى ...هتتحل ان شاء الله
مفيش حاجة هتتحل .. انا ضيعت الانسانة الوحيدة اللي وقفت جنبي و خنتها و بعدتها عن حبيبها ...و قټلت الراجل اللي حبيته و قټلت معاه املي ف اني أعيش حياة نظيفة اهو ربنا كرمها و رجعوا لبعض و بيعاقبني انا ...انا اصلا ما استاهلش اعيش و احسن حاجة عملها حسام أنه بلغ عني