رواية ملك البارت 1-2-3بقلم ملك يسرى
_ ويظن إنى قد أميل ل غيره..
وانى وقلبي بإسمه مكتوب..
والحب بعدك كأسه مسكوب.
سيبت الكتاب وانا بفكر ف اخر جمله وعينى تلقائى وقعت على بلكونه ف العمارة اللى قدام بيتنا فوقت من تفكيري على صوت مرات عمى.
نادية: ملك ي حبيبتي ممكن بس تكوى قميص احمد علشان عايز ينزل وانا ايدي مش فاضية وسلمى ف الجامعة.
اعرفكم ب نفسى [ انا ملك او زى عمى ما بيحب يناديني البشمهندسة ملك انا بابا وماما توفوا وانا بنت عندى 10 سنين كان بابا واخد ماما علشان يقضوا يومين حلوين و سابني عند عمى و مكنتش اعرف اني هفضل قاعدة عندهم على طول من بعد اليوم دا دخلت هندسة علشان انا بحب الرياضة وعمى كان نفسه حد فينا يدخل هندسه بس احمد ابنه دخل شرطة و سلمي دخلت إعلام ف هو فرحان بيا اوى طنط ناديه عمرها ما حسستنى انى بنت اخو جوزها بالعكس بتعاملني يمكن احسن من سلمي واحمد بس برضوا وجود بابا وماما كان مهم مفيش يوم بيعدي غير و افتكرهم انا تانية هندسة ديكور]
قومت لقيت طنط ناديه مجهزة حاجة المكوة وقميص احمد بدات اكويه بكل حب اه ماهو انا بحبه او مش عارفة دا احساس اى بس انا مش عارفة اشوفه اخ انا بتوتر ف وجوده ويمكن بحاول اتجنبه على قد ما اقدر.
_ خلصت القميص و علقته ف الشماعة وروحت ل مرات عمى علشان تدخله ل احمد.
ناديه: معلش ي لوكا دخليه ليه علشان ايدى مش نضيفه زى ما انتى ما شايفه ولو وسخته مش هخلص من زنه.
اومأت راسى بإستسلام انا مش عايزة اكون ف مكان هو فيه خبطت وسمعت صوته من جوا بيسمح انى ادخل... دخلت وكان بيلعب ضغط وقالع تيشيرته ف حمحمت بخجل.
احمد بإبتسامه: الجميل ذات نفسه اللى جايبلى الاقميص.
ملك: اتفضل مرات عمى قالتلى اديهولك.
احمد: ماشى ياستى تعبتك معايا.
ملك: ولا تعب ولا حاجة عن اذنك.
احمد نادي عليها بسرعة قبل اما تخرج.
ملك: نعم.
احمد: بقولك اى انا كنت جايب هديه ل كاريمان وكنت عايز اخد رايك انتى وسلمي فيها علشان اعرف هتعجبها ولا لاء وبما ان سلمي مش موجودة ف انت ي جميل اللى هتقولى.
_راح يجيب الهدية وانا قلبى بيوجعنى اه نسيت اقول انه خاطب كاريمان جارتنا ودى اكبر سبب مخليانى بتجنبه انا مش عايزة اكون حيطة بينهم محدش يقدر يهزم القدر كل واحد بياخد نصيبه وهو مش نصيبى.
احمد جه وجاب الهدية كانت جميلة اوى سلسلة رقيقة على شكل كذا كوكب داخلين ف بعض كانت جميلة مميزة عينى لمعت وهو اخد باله انها عجبتنى وعرف ردي من غير ما اقول.
احمد بفرحة: لمعة عينك دى لوحدها تخلينى اكون واثق انها هتعجبها شكرا ي لوكا.
ابتسمت: العفو عايز حاجة.
احمد: عايز سلامتك ياست البنات.
وانا خارجة شوفت فرحته وانه رايح يقابلها كان مبسوط اوى ماهو اجازة ورايح بكرا شغله ولازم يشوفها قبل ما يسافر... روحت اوضتى وصليت بخشوع حاولت سنين فيه علشان اكون كدا مش سهل الواحد يصلي ف خشوع لازم يتعب.
باليل انا وسلمي قاعدين نهزر ونضحك وصوت ضحكنا كان جايب العمارة كلها باين.
عمى بضحك: اهدوا شوية الجيران زهقوا مننا.
سلمي بمرحها المعتاد: اى بس ياحج احنا حرين ف بيتنا نضحك نعيط نصوت محدش ليه عندنا حاجة يوه اكتم ضحكتى ي عالم وافطس.
نادية بضحك: لا يا قلبى افضحينا بس.
ماجد: بناتي يعملوا اللى هما عايزينه محدش ليه عندنا حاجة.
رجعنا ضحكنا ف جو اسري محبب ل قلبى شوية وسمعنا صوت المفاتيح وكان احمد بس ثوانى شكله مضايق الفرحة اللى كانت ملياه قبل ما ينزل اختفت بصلنا بهدوء ودخل اوضته.
ناديه بقلق: الواد ماله وشه عامل كدا لي اما اقوم اشوفه.
ماجد ومسك ايديها: سيبيه دلوقتى لما يروق اسأليه براحتك.
بعد شوية عمى ومراته دخلوا ناموا وسلمي دخلت اوضتها بتكلم صحبتها قررت ادخل اوضتي بس حاجة خلتنى اروح ل احمد الاول خبطت ومسمتتش رد خبطت تانى ف سمحلى ب الدخول.
_ دخلت كان واقف ف البلكونه وبيشرب سيجارته اللى مش بيشربها غير وهو مضايق روحت وقفت جمبه وانا بفرك ف ايدى بتوتر.
احمد: شوفتى لمعة عينك لما شوفتى السلسة كنت عايزة اشوفها ف عينيها بس محصلش.
فهمت انه اټخانق مع كاريمان.
ملك: عادى كل واحدة وليها زوقها زوقى غير زوقها مش تضايق نفسى اوى كدا.
احمد وبص ف عيون ملك: انا سيبتها.
بصتله پصدمه ازاى دا كان روحه فيها هو عادى كدا لي ب السهولة دى
سألت بتوتر: ليي انت كنت بتحبها.
احمد واتنهد وسند على سور البلكونه: انا وهى مش شبه بعض ي ملك هى كل اللى بتفكر فيه الماديات عارفة كانت عايزة هديه اى فون ماركة كويسة وغالية علشان صحبتها خطيبها جابلها كدا ف هى عايزة تبقا زيها عارفة السلسلة لو كانت ركزت دى الماظ مش زينه او ازاز بس عادى ربنا يسعدها انا مش هعرف اعيش مع الشخصية دى قدام.
بصيتله: هتقدر.
بصلى وعيونه كلها حيرة: صدقينى مش عارف بس هحاول.
سيبته ومشيت وانا جوايا كمية مشاعر عكس بعض مشاعر حب وسعادة انه سابها ومشاعر تانيه حزن عليه نمت وانا بردد جمله الكتاب ﴿ ويظن إنى قد أميل ل غيره... وإنى وقلبى بإسمه مكتوب...... تابع
#بقلمى_ملك_يسرى
2
صحيت تاني يوم وانا حاسة بنشاط مش طبيعى قومت صليت وخرجت بدأت احضر ليهم الفطار لان محدش كان صحى فيهم
_ڪ العادة واقفة وبغنى اغنية ل فنانى المفضل
﴿خفيف الروح بيتعاجب.... بيتعاجب برمش العين والحاجب خفيف الروح... غمزلى... ﴾
*وبعدين ي فنانه.
بصيت ورايا كان احمد واقف وساند جسمه على باب المطبخ وبيبصلى.
ملك بتوتر: انت صاحي بدري ليه.
احمد وبدأ ياكل ف الاكل: سلامه النظر هو الساعة 4 دى بقت بدرى.
ملك پصدمة: 4 ازاى ف فونى الساعة 8 الصبح.
احمد قعد يضحك: اصلا بقا.
ملك: طب ازاى طنط نادية مش صحتنى لحد دلوقتى وازاى محدش فيهم صحانى لحد دلوقتى.
احمد: ماما فضلت تصحى فيكى الصبح بس انتى كنتى رايحة خالص.
ملك بصتله پصدمه: يعنى هما فين.
احمد: جدك ياستى عايزنا هناك بس ف هما راحوا ولما انتي مش صحيتى بابا قالى لما تصحى اجيبك ونروح.
ملك: وشغلك.
احمد: اخدت اجازة خلصى بقا جهزى حاجتك.
ملك بتذمر: طب افطر الاول.
قعدوا فطروا واحمد سابها وخرج من المطبخ وهى بدأت تشيل الاكل احمد دخل المطبخ وف ايده السلسلة قرب منها وهى مش حاسة بيه بدأ يلبسها السلسلة لفها وبقا فضل يبصلها وهى بتبص علي الارض بتوتر.
احمد وابتسم: شكلها حلو عليكى.
ملك بخجل: شكرا ي احمد.
احمد: يالا جهزى نفسك علشان نمشى.
ملك جهزت حاجتها هى واحمد وخرجوا وهما نازلين شافوا كاريمان نازلة.
ملك وابتسمت: ازيك ي كاريمان.
كاريمان بصت ليها وشافت السلسلة اللى ف رقبتها وابتسمت ب سخرية.
كاريمان: الحمدلله حلوة اوى السلسلة اللى انا رميتها عليكى.
ملك بصت ف الارض بخجل.
احمد ببرود: كويس انك رميتيها علشان مكنتش هتبقا مناسبة معاكى هى حاليا ف مكانها المناسب يالا ي ملك.
مسك ايد ملك ومشى وكاريمان بتبص عليهن بعصبية.
احمد طول الطريق ساكت وانا حتى مرضتش اكلمه لحد ما وصلنا البلد.
(محمد) الجد: الف حمدالله على السلامة ي حبيبة جدك.
: وحشتنى اوى اوى ي جدو.
محمد: لو كنت وحشتك كنتى جيتى ليا.
ملك: حقك عليا ي ميدو.
محمد ضحك: هيبتى بتروح معاكوا ي بنات ولادى.
نور ل رقيه: الحمدلله قال بنات ولادى مش بنات بناتى.
محمد وبصلها: بتقولى حاجة ي نور.
نور: ابدا ي باشا كمل
كلهم ضحكوا وسامية عمه ملك قربت عليها
سامية بحب: عاملة اى ي حبيبتي.
ملك: الحمدلله ي عمتو.
سامية بصتلها وعيونها اتملت ب الدموع بس مسحتهم بسرعة.
_ ملك اول لما شافت جوز عمتها استخبت ورا احمد اللى استغرب مسكتها فيه.
احمد: مالك ي لوكا.
ملك پخوف: انا تعبانة ممكن اطلع فوق.
احمد بصلها بشك وشاف نظرتها ل جوز عمتها وزاد شكه.
ماجد: ازيك ي لوكا.... وكان بيشدها علشان بس احمد منعه وملك زادت مسكتها من احمد.
احمد وابتسم ببرود: معلش بقا ي جوز عمتى بس ملك كبرت ومبقاش ينفع وكدا يالا ي لوكا علشان ترتاحى.
ماجد بص ل احمد بغيظ.
ملك اول لما دخلت اوضتها قعدت ټعيط وهى بتفتكر كلام ماجد ليها سمعت صوت خبط الباب.
ملك پخوف: مين.
احمد: انا ي ملك افتحى.
ملك مسحت دموعها علشان احمد مش يلاحظ دموعها وفتحت.
احمد: كنتى بتعيطى لى.
ملك بتوتر: مكنتش بعيط.
احمد ومسك وشها بين ايده: من امتى وانتى بتكدبى ي ملك.
ملك بصتله وبدأت ټعيط تانى احمد شدها ل
احمد بقلق: ف اى ي حبيبي اى اللى حصل احكيلى.
ملك هزت دماغها جوا برفض.
احمد: ملك مش هعيد كلامى تانى.
احمد شدها وقعدوا وهى بدأت تحكى ليه.
Flash Back...
ملك كانت ف المطبخ وبتعمل حاجة تشربها ودخل ليها ماجد.
ملك وابتسمت: اعملك حاجة معايا ي اونكل.
ماجد وابتسم بخبث: اه اعمليلى قهوة.
ملك: عيونى اتفضل وانا هجيبها ليك.
ماجد وقرب منها ومسكها وكان بيحاول يقرب منها.
ملك پخوف: ابعد عنى ابعد اى دااا.
ماجد: ابعد اى دا انا مصدقت انتى احلويتى كدا امتى نفس حلاوة امك بس امك معرفتش اخد منها حاجة بس تتعوض انتى موجودة واياكى تفتحى بؤقك ھقتلك فاهمة.
ماجد لسة بيحاول وهى بتبعده عنها مسكت كوباية ازاز وضړبته بيها وطلعت تجرى.
Back...
احمد بعصبية وقام وقف: مش هسيبه الحيوان دا.
ملك مسكت پخوف: لاء وحياتى عندك لاء انا مش مستغنيه عنك ممكن يأذيك ونبى لاء.
ا تانى.
احمد: اهدى خلاص اهدى مش هروح اهدى خلاص انا معاكى اهو.
خالص ادركت الوضع اللى هما فيه وبعدت بتوتر.
ملك بخجل: اسفة.
احمد وبصلها بنظرة تانية غير كل مرة: انتى خوفتى عليا.
ملك: طبعا.
احمد ملس على شعرها: نامى ي حبيبي وبعد كدا حاجة زى كدا اوعى تخبى عنى فاهمة.
ملك: فاهمة.
احمد سابها وخرج وهى قفلت الباب ونامت وهى بتفتكر ازاى كانت ف مطمنه.
احمد خرج وهو حاسس بكميه عصبية من ماجد نزل تحت شاف ماجد قاعد مع جده.
محمد: ملك نامت.
احمد وبيبص ل ماجد: اه ي جدى الحمدلله.
محمد: مش فاهم لى خاڤت مرة واحدة كدا.
احمد: اللى فهمته من كلامها وخۏفها بما انى ظابط ان حد اتحرش بيها وهى افتكرت وجتلها نوبة خوف.
محمد بعصبية: حد اتحرش بيها ازاى ومين اصلا اللى يجرأ يعمل كدا.
احمد وبص ل ماجد بقوة اللى اتوتر: هعرفه وساعتها محدش هيرحمه منى عن اذنكم اطلع اشوف حسن.
سلمى واقفة ف المندرة الخاصة ب البيت.
سلمى: بس ف انت هتكلم الدكتورة وتقولها ظروفك وهتاخد منك الشيت بإذن الله.
المتصل:........
سلمى: العفو ؤ مازن عن اذنك باى.
سلمى قفلت وبتلف شافت عمر وقاف وبيبص ليها.
سلمى بخضة: اى خضتنى يخربيتك.
عمر: الف سلامه عليكى من الخضة.
سلمى: ف حاجة ي عمر.
عمر: اى جاى اسلم على بنت خالى.
سلمى بسخرية: ومش خاېف حبيبة القلب تشوفك.
عمر وقرب منها: وانتى غيرانه بقا ولا اى.
سلمى وبترجع لورا: وانا اغير عليك بتاع اى.
عمر و حاوطها: مين مازن.
سلمى: انت مالك.
عمر: مين مازن ي سلمى مش هعيد كلامى.
سلمى: حبيبي وملكش دتوة بيا خليك ف حياتك.
سلمى زقته وطلعت تجرى.
عمر: ماشى ي سلمى.
نور: واد ي سليم.
سليم: الصبر من عندك يارب.
نور: عايزة اخرج.
سليم ببرود: لاء وامشى ورايا شغل.
نور بعصبية: انا هخرج يعنى هخرج.
سليم بصوت حاد: نور انا مش فاضى ل لعب العيال دا.
نور بصتله بدموع ومشيت.
باليل الكل متجمعين قاطعهم صوت محمد.
محمد: عندى خبر ليكوا.
سالم: خير ي بابا.
محمد: خير ف عريس متقدم ل ملك...
كلهم بصوله پصدمه قاطعهم احمد.
احمد: مستحيل........ تابع
#بقلمى_ملك_يسرى
3
محمد: واى اللى يخليه مستحيل ي حضرة الظابط.
احمد بتوتر: ملك لسة بتتعلم وكمان لسة صغيرة.
سهير مرات عمه بسخرية: صغيرة اى دى 20 سنه اهى.
احمد: اه صغيرة ي مرات عمى.
سالم: مين ي بابا طيب.
محمد: فارس صاحب احمد ابنك وهو جاى باليل وهيقضى معانا اسبوعين وهو وملك يتعرفوا على بعض.
احمد بعصبية: دا انتو متفقين على كل حاجة بقاا وانا اخر من يعلم.
محمد وبص ل ملك: اى رايك ي عروسة.
احمد بصلها پغضب ملك اتوترت وفضلت تبص لكل اللى قاعدين وهى بتفكر.
ملك واتنهدت: موافقة ي جدو اللى حضرتك تشوفه.
احمد رفع حاجبه وبصلها بغيظ وسابهم وخرج برا وملك طلعت تجرى على فوق والبنات وراها.
محمد وبص ل سالم بخبث: والله ل اربيه.
سالم وضحك: خد راحتك على الاخر.
ملك پخوف: شوفتوا كان بيبصلى ازاى.
سلمى: اخويا لو مش قټلك النهاردة يبقا مش اسمى سلمى سالم.
نور بتفكير: بس هو اعترض لى.
رقية: دا كان شوية وهيطلع ڼار ف وشنا كلنا.
ملك بتوتر: عادى اخته.
سلمى حدفتها ب المخدة: بس ي هبلة انا اخته اهو لو كان الموضوع دا اتقال ليا مكنش اعترض.
ملك بهدوء: اول حاجة احمد بيحب كاريمان ف عصبيته دى اكيد مش مبررها الحب تمام علشان دماغكوا مش تسرح بعيد وتانى حاجة كل واحدة تروح على اوضتها تتخمد انا عايزة انام.
رقية بغمزة : ماشى ي عم سي فارس بتاعك جاى بكرا.
ملك بعصبية: رقية غورى من وشى.
البنات خرجوا بيضحكوا وهى قامت مسكت فونها ترن على احمد راح مكنسل وقفل فونه.
ملك پخوف: ربنا يستر عليا.
سليم: نور عايزك.
نور بصت ل رقية پخوف.
رقيه: روحى مټخافيش.
نور هزت دماغها ومشيت ورا سليم.
سليم وحمحم: انا اسف متزعليش.
نور بدموع: انت كل شوية تزعقلى.
سليم ومسح دموعها: حقك على عينى ي حبيبي.
نور پصدمة: هااا.
سليم ابتسم ومسك ايديها حط شيكولاه ومشى وهى فضلت واقفة مكانها.
الفجر اذن وملك صلته واحمد لسة مروحش كل دا وهى خاېفة عليه جربت ترن تانى الفون مقفول.
ملك پخوف: هيكون راح فين بس دا ياربى.
شوية وشافته داخل من البوابه خرجت تشوفه وقابلته على السلم.
ملك: انت كل دا ف...... قاطعها ونى بيشدها وراح دخل اوضتها وقفل الباب.
احمد: ممكن افهم وافقتى لى بفكر من بدرى ومش لاقى اجابة بتحبيه.
ملك بدموع: لا والله.
احمد بعصبية: يبقا وافقتى لييييي.
ملك: مش ممكن يبقا كويس وكمان علشان جدو ميزعلش.
احمد وقرب منها: انتى هبلة هو فستان ولا شنطة دا جواز فاهمة يعنى اى زفت جواز.
ملك وعيطت: انت بتزعقلى لى.
احمد پغضب: يووووه كل لما اكلمك كلمتين تعيطى بصى دى حياتك وانتى حرة تصبحى على خير.
سابها وخرج وهى فضلت تعيطت لحد ما نامت.
تانى يوم الصبح.
كلهم قاعدين يفطروا وملك كل شوية تبص ل احمد اللى مش مهتم ب وجودها اصلا.
محمد: عمر.
عمر بإنتباه: نعم ي جدى.
محمد: عيلة خطيبتك جايين النهارده علشان نتكلم على معاد الفرح.
عمر اتنهد وهز راسه وبص ل سلمى اللى بصتله بحزن وسابت الاكل وقامت.
محمد: ملك شوية وفارس جاى.
ملك بتوتر: ماشى ي جدو.
احمد: بابا انا ماشى بكرا.
سالم: لى هو مش انت اخدت اجازة.
احمد: ايوا بس عندى مهمة واستدعونى.
محمد ببرود: وهترجع امتى.
احمد: لسة مش عارف.
ملك: عن اذنكم.
كلهم قاموا وكل واحد بدأ يشوف بيعمل اى.
ماجد: انا مش موافق على جوازة ملك معرفش اى اللى ف دماغ ابوكى.
سامية: وانت مش موافق لى بقا.
ماجد: البت حلوة حرام ف ظابط عمره مش مضمون وتانى حاجة دى وارثة قد كدا لى تتجوز واحد غريب ياخد كل دا.
ساميه بصتله بشك وهو لاحظ دا.
ماجد ب طيبة مصطنعة: ي حبيبتى ملك انا بشوفها زيها زى نور و عمر وبخاف عليها هى بقت يتيمه بدرى وخاېف تبقا كمان ارملة بدرى.
سامية بدموع: صعبانه عليا اوى ي ماجد.
يبقا نشوف مصلحتها وانتى كلمى ابوكى علشان انا مينفعش.
سامية هزت دماغها وهو ابتسم بخبث.
ملك جاية تنزل حد مسكها لحد اوضة.
ماجد بخبث: عايزة تتجوزى وتمشى دا بعينك مش هتمشى غير لما اخد كل اللى انا عايزه فاهمة.
ملك پخوف: ابعد عنى ابعد هقول ل احمد.
ماجد پغضب: جربى كدا تقوليله هقتله واقټلك فاهمة هقتله.
ماجد سابها وهى طلعت تجرى على اوضه احمد دخلت من غير استأذان احمد كان بيلعب ضغط اول لما شافها كدا قام پخوف.
احمد بقلق: ف اى.
ملك پخوف: يالا نمشى من هنا ونبى يالا.
احمد وشدد من : مالك بس ي حبيبي ف اى.
ملك وصتله پخوف: هيقتلك هو قالى كدا هو هيقتلك بص امشى انت امشى انا مش مهم امشى وحياتى عن..... قاطعها احمد وهو بحب بعد عنها لما حس انها هديت.
احمد بصوت هادى: اهدى وفهمينى ف اى.
ملك وخبت نفسها ف وبدات تحكيله على كل حاجة.
احمد كان متعصب بس فضل ملك وهو بيحاول يهديها.
ملك وبعدت عنه بس لسة ف يعتبر: هنمشى صح.
احمد وبصلها بطريقة هى استغربتها وهو كمان.
احمد وبعد عنها: بصى اخرجى دلوقتى روحى اوضتك واقفلى ومتخرجيش غير لما حد يكون عايزك وانا هتصرف.
ملك هزت راسها پخوف.
احمد ابتسم ومسك ايديها وخرج وصلها لحد اوضتها وډخلها وقفل الاوضه.
بعد صلاه الظهر كان فارس وصل وسلم على الكل واحمد بيبصله بغيظ وفارس لاحظ.
ملك نزلت وسلمت على فارس وقعدت جمبه واحمد منزلش عينه من عليهم لحد ما قاطعهم دخول شخص.
احمد بإستغراب: كاريمان....... تابع
#بقلمى_ملك_يسرى
