رواية موضوع عائلي الجزء الثاني البارت الثاني 2

#موضوع_عائلي
"الجميله والشعر الابيض" 
_البارت التاني
ــــــــــــــــــــــــــــــــــــــــ 
_ طلعت شهد من اوضة ولادها بعد ما اطمنت عليهم انهم نامو، ورجعت اوضتها فضلت قااعده لوحدها ومسكت موبيلها وكلمت يونس اللي رد عليها وقال...

يونس 
ايوه يا شهد معاكي في حاجه ولا ايه؟..

شهد بضيق 

قاطعها وقال
يا شهد ما انا قايلك عندي شغل نامي انتي وانا هخلص واجي سلام..

_ قال كلامه وقفل بسرعه من غير ما حتي يسمع ردها وراحت فعلاً هي نامت وبصت علي مكانه جنبيها اللي بقي اغلب الوقت فاضي بسبب غيابه، قامت تاني ومسكت موبيلها وكلمت بطه اللي ردت عليها وقالتلها..

شهد 

بطه 
انا كويسه الحمد لله يا شوشو انتي عامله ايه والولاد عاملين ايه؟..

شهد 
كويسين كلنا الحمد لله، فينك بقي مش بتيجي عندي ليه؟..

بطه 
والله ناويه اجيلك طبعا انا وماما بس اخلص اللي ورايا  انتي عارفه بقي اني بحضر في الماجستير..

شهد 
ماشي يا قلبي ربنا معاكي، قوليلي هو يوسف رجع ولا لسه؟..

بطه 
يوسف متلقح جنبي اهو من لما رجع من الشغل..

ادايقت شهد وقالت
اااه انا فكرته مع يونس اصله خرج من شويه وقالي عنده شغل..

بطه 
تلاقيه فعلا عنده شغل انتي عارفه يونس بقي مش بيحب يأجل عمل اليوم الي الغد..

شهد بدموع 
انتي هتقوليلي، المهم مش هعطلك عن المذاكره اكتر من كده مع السلامه..

_ قفلت معاها شهد وبطه قربت من يوسف اللي كان بيتفرج علي التلفزيون وقالتله..

بطه 
يوسف صاحبك فين؟..

يوسف 
صاحبي مين قصدك يونس..

بطه 
هو انا اعرفلك صاحب غيره فينه بقي؟..

يوسف 
وانا اعرف منين ما انا متلقح جنبك اهو زي ما كنتي بتقولي لشهد..

بطه 
طيب كلمه وافتح الصوت واسأله هو فين؟..

يوسف 
لا طبعا انا مستحيل اعمل كده الا اني اخون ثقة يونس فيا..

بطه پحده 
ما تخلص يالا ولا هو لازم ازعقلك..

يوسف پخوف 
يااااه عليكي ما اعرفش اهزر معاكي انا، ملعۏن ثقة صاحبي بس بلاش العصبيه دي يا حبيبتي..

بطه 
اخلص يا يوسف يلاااا...

_مسك يوسف موبيله وكلم يونس اللي رد عليه وقاله..

يونس 
ايه يا يوسف عايز ايه؟...

يوسف 

يونس 
عندي مقابله مع عميل مهم يا يوسف عشان حواى عمار المنشاوي.  

يوسف 
طيب ما تتأخرش بره وروح بقلق عليك يا بيبي..

يونس بغيظ 
يا عم غور... وقفل في وشه..

ضحكت بطه وهو قالها
اطمنتي كده علي فكره يونس بيحب شهد ومستحيل ېخونها احنا بس عندنا ضغط في الشغل..

بطه 
انا جيبت سيرة خېانه دلوقتي وبعدين يونس اخويا ده ادم واخلاق ما فيش بعد كده...

يوسف 
امم طيب اعمليلي شاي..

بطه 
بذاكر قوم اعمل واعملي معاك..

يوسف 
خلاص مش عايز..

بطه بجمود
بس انا قولت عايزه شاي يا يوسف...

قام يوسف وقال
يا شيخه ربنا ما يحكمك علي يتامه قايم اعمل اهو...

_ ودخل المطبخ وبطه فضلت تضحك عليه..

ـــــــــــ #بقلم_الكاتبه_رحاب_القاضي ـــــــــ
_ وفي بيت جميله.. 
لبست فستان جميل وعملت ميكآب حلو ودخلت عندها فريده وهي ماسكه سلسله دهب وقالت..

فريده 
جميله تعالي يا حبيبتي البسك السلسله دي..

جميله 
ما بلاش يا ماما انا كل ما البس السلسله دي واشوف عريس يطلع مأيح..

فريده 
بطلي تقولي الفاظك دي انتي بنت ناس عيب،وبعدين دي سلسلة امي الله يرحمها..

ايتن 
ماما هو مش المفروض عمي كان راح معاكم المقابله دي..

فريده 
لما يبقي العريس يعجب اختك نبقي نقول لعمك ويجو البيت هنا،المهم احنا هنمشي ارجع الاقيكي غاسله الاطباق..

ايتن 
يا ماما انا عندي مذاكره ومش فاضيه..

فريده
اعتبري نفسك يا اختي بتتكلمي في الموبيل،البي قولته يتسمع يا بت...

ايتن بضيقة
طيب فاهمه يا ست ماما...

_ وراحت جميله هي ومامتها المطعم اللي هتقابل فيه العريس، واول ما دخلت شاافت عمار قاعد مع واحد علي ترابيزه بعيده..

جميله
ماما هو العريس عنده خصله بيضه في شعره وعنده عضلات وحلو وزي القمر في نفسه كده..

فريده 
انتي قصدك مين يا بت انتي، مين الواد اللي بتوصفيه ده يا بت انتي؟..

جميله بقلق
لا لا ابدا فين العريس بقي؟..

فريده 
قااعد هو ومامته هناااك اللي لابس بدله كوحلي هناك ده..

جميله پصدمه
يا نهارك مش فايت يا ماما ده عيل..

فريده 
يا بنتي لا هو نحيف شويه بس عنده تلاتين سنه..

جميله
اما نشوف يا ماما..

_وراحت جميله ومامتها وسلمو علي العريس ومامته وقعدو معاهم، وبصت فريده للعريس وقالت..

فريده 
وازيك يا استاذ حسام..

بص حسام لمامته وقال وهو مكسوف 
ماما قالتلي اقول اني كويس الحمد لله..

جميله بغيظ 
يا عيين امك، وقالتلك ما تحطش صباعك في بوقك صح..

حسام 
ايوه قالتلي كده بس زمان انا كبرت دلوقتي..

فريده 
يا زين ما ربيتي يا مدام صفااء، بس مش خجول شويه..

بصت صفااء لجميله وقالت
يبقي خجول احسن ما يبقي بجح..

جميله بغيظ
يبقي بجح احسن ما يبقي ابن امه..

فريده باحراج 
ههههههه جميله بتحب تهزر ديماً، واحسن حاجه ان اسمي النبي حارسه بيسمع كلامك..

صفاء 
انا معودااه ديما يسمع كلامي اجيبله كل اللي هو عايزه..

حسام شاور علي جميله وقال
انا عايزه دي يا ماما عجبتني دي..

جميله
لا يا نوغا ماما قصدها علي المصاصه والشيبسي مش علي البني ادمين..

صفاء 
يعني دي عجبتك يا حسام ما لقتش غير دي؟..

فريده 
هي كمان وصلت لـ ما لقيتش غير دي..

جميله 
استني والنبي يا ماما لحد ما نشوف اخرة المحڼ اللي قدامنا ده..

حسام 
ما هي حلوه يا ماما انا عجبااني ولو مش وافقتي مش هروح الشغل تاني ومش هشرب اللبن قبل ما انام..

جميله ضيقت عينيها وقالت
سؤال بس يا مدام صفاء. هي النوعيه دي بتشيل البامبرز علي كام سنه؟..

ضحكت فريده ڠصب عنها وردت صفاء
انا شيلتله البامبرز علي خمس سنين..

جميله 
شوفتي والله اشك انها بتحطله مشمع بالليل علي السرير وهو نايم..

صفاء
المهم نتفق علي معاد الخطوبه. انا بقول الخميس الجاي معاد منااسب..

حسام 
لا يا ماما بلييز خليها يوم تاني، انا يوم الخميس مستني فيلم ړعب لازم اسمعه..

جميله 
احلف انك بتتفرج علي افلام ړعب، لا لا اكيد قصدك افلام كارتون..

فريده 
بس يا جميله، والله يا مدام صفاء انا اسفه بس الجواز قسمه ونصيب..

صفاء 
ما انا عارفه ان الجواز قسمه ونصيب، هاا الخميس اللي بعد اللي جاي حلو عشان يبقي معاد الخطوبه مناسب ليكم؟..

جميله 
هي الوليه دي هربانه منها ولا ايه، بصي يا خاله..

صفاء
ايه خاااله دي قوليلي يا طنط او ماما زي حسحس..

جميله بعصبيه
حسحس ياكلك يا شيخه انتي وابنك، بصي انا مش بتاعت جواز، فا دوري لابنك علي عروسه باربي وسيبو البني ادمين في حالهم دول الاسعاد مطلعه عينهم وفيهم اللي مكفيهم..

حسام پبكاء
لا يا ماما انا عايز دي، انتي جيبتي ليا باربي كتير وانا صغير مش عايز دلوقتي تاني..

جميله 
شوفتي ما انتي لو كنتي بتجيبيله عربياات مش عرايس ما كانش بقي ده حاله..

صفاء 
بقولك ايه انا ما فيش حد في الدنيا دي احلي ولا اجمل ولا احسن من ابني، وانتي هتتجوزيه يعني هتتجوزيه...

_بصت جميله لعمار اللي كان قاعد علي ترابيزه جنبيهم وقالت..

جميله
بس انا مخطوووبه.، والله انا وجايه بقول يا بت يا جميله في حاجه نسياها افتكري افتكري اتاريني ناسيه ان انا مخطوبه..

حسام 
لا انتي ما حدش هياخدك مني يا جوجو..

جميله 
يا ولا عيب تقول الكلام ده واحنا فينا انوثه من بعض هنتفهم غلط..

حسام 
لا انا هتجوزك انا بحبك وهتجوزك ونلعب عريس وعروسه..

فريده
جرا ايه يا ست صفااء ما تشوفي البيبي بتاعك ده بيقول ايه..

صفاء 
وفيها ايه بقي مش هتبقي مراته..

جميله 
لا بقي ده انا هجيبلكم خطيبي هو اللي يتصرف معاكم..

فريده بقلق
رايحه فين يا بت انتي، هو هتكدبي وتصدقي ولا ايه؟

_سابتها جميله وقربت من عمار اللي كان قاعد مع عميل مهم اووي عنده ومسكته من ايده وقالت..

جميله 
قوم معايا عايزاك لو سمحت...

عمار باستغراب
جميله ايه ده في ايه؟...

جميله سحبته جامد وقالت
تعالي معايا يا عموري بقي عايزاك في مصلحه..

عمار وقف وقالها بصوت واطي
مصلحه اي وكلام فاضي ايه انا مش فااضي، بتكلم في صفقه مهمه ...

جميله 
مش هتكون اهم من اللي عايزه اخلص منه تعالي معايا..

اخدته ووقفت قدام حسام وقالت 
اعرفك عمار المنشاوي خطيبي...

حسام 
انت ازاي تخطب خطيبتي يا جدع انت؟..

عمار بغيظ
اتفضلي ردي عليه يا انسه جميله..

جميله لحسام
لا يا نوغاا انت فاهم غلط والله، هو اللي خطيبي الاول قبل ما اجي اشوفك..

حسام 
بقولك ايه يا خطيبها خد العرايس الباربي بتوعي كلهم وسيب ليا جوجو..

عمار بحاجب مرفوع
طيب ده امد ايدي عليه ولا عيب..

فريده
بااس بقي تعالي يا جميله معايا انتي وخطيبك يللاا..

طلعو بره وزعقت فيهم فريده وقالت
بقي كده يا جميله تتخطبي من غير ما تقوليلي؟...

عمار
لا حضرتك والله انتي فاهمه غلط والله انا ما خطبتها ولا اعرفها اصلا، ده انا لسه شيفاها الصبح..

_قبل ما ترد فريده طلع العميل اللي كان قاعد مع عمار وقال ليه...

العميل
الف مليون مبروك يا عمار بيه علي الخطوبه، ربنا يتمم بخير واوعي ما تعزمنيش علي الفرح...

عمار بتوتر
هااا الله يبارك في حضرتك بس هو في سوء تفاهم..

العميل
لا لا انا مقدر الوضع ومش مهم كلامنا نكمله وقت تاني، بعد اذنك..

مشي العميل وبص عمار لجميله پحده، اللي اتخبت في امها وقالت بقلق..

جميله 
اا ا والله انا هقول الحقيقه..

فريده بعصبيه
اقولك علي حاجه يا جميله روحي اتجوزيه، انتي مش بنتي ولا اعرفك اصلا عشان تتخطبي من ورايا كويس..

جميله
يا وليه اهدي بقي ده عمار المنشاوي ابو الواد الملزق اللي بيحب في بتك..

فريده 
انت والد مروان يا عمار بيه..

عمار بجمود
ايوه والله وواضح ان بنت حضرتك اخدتني كوبري عشان تخلص من العريس..

جميله 
ومالك بتقولها وانت زعلان ليه كده انت تعرف الكوبري بيتكلف كام دلوقتي..

فريده بأحراج
انا مش عارفه اعتذر لحضرتك ازاي..

جميله 
ما حصلش حاجه يا جماعه بلاش تكبرو الموضوع..

فريده پحده
انتي تسكتي خلاص، بقي دي عمله تعمليها..

جميله 
وده عريس تجبيه ليا، ده ناقص يا يقول لمامته شيليني اوبح..

ابتسم عمار ڠصب عنه وقال
احم  هو انا ممكن اوصلكم في طريقي..

جميله 
لا البيت خطوه من هنا، هنتمشي انا وماما..

فريده. بهدوء
ممكن تقبل اعتذاري يا عمار بيه وتيجي تشرب معايا فنجان قهوه ده كفايه انك والد مروان ده انا بعتبره ابني واخو البنات..

عمار بهدوء
ده. شرف ليا يا مدام فريده والله..

جميله 
انت ما صدقت لا معلش روح احنا بنام بدري..

فريده اتعصبت وقالت 
والله العظيم يا جميله لو ما اتكتمتي لا هدخل جوه واقولهم موافقه علي الخطوبه..

جميله پخوف 
لا خلاص والله سكتت اهوو..

ـــــــــ #بقلم_الكاتبه_رحاب_القاضي ــــــــــ 
_ وقدام بيت حلو جداً وقف يونس بعربيته وكانت جنبيه دارين اللي ابتسمت وقالتله..

دارين 
ميرسي جدا يا يونس تعبتك معايا..

يونس 
لا لا تعب ولا حاجه المهم بس اللي بينا يفضل بينا ما حدش يعرفه..

دارين قربت منه وقالت
اطمن يا يونس انا اصلا مش عايزه حد يعرف حاجه ومعاك في اللي انت عايزه كله..

يونس 
يبقي اتفقنا ولينا كلام تاني برضو..

دارين 
اكيد... تصبح علي خير..

يونس 
وانتي من اهل الخير..

_ نزلت دارين وهو بصلها شويه بأعجاب وبعدين بص قدامه بجمود وضيق ومشي ورجع البيت، وقابله الحارس اللي اخد العربيه يركنها وهو دخل بيته وطلع اوضته لقي شهد لسه صاحيه..

يونس 
انتي ايه اللي مصحيكي لحد دلوقتي..

شهد 
مستنياااك عشان لو كنت محتاج حاجه قبل ما تنام..

ابتسم يونس وقالها
لا ما تتعبيش نفسك انا مش عايز حاجه هغير هدومي وجاي انام..

_ سابها ودخل يغير هدومه وطلع بعد شويه ونام فعلا من غير ما يكلمها، بس هي قالتله بضيق..

شهد 
انا عايزه اتكلم معاك شويه يا يونس..

يونس بنوم 
بعدين يا شهد انا بجد. تعباان اووي وعايز انام كام ساعه قبل ما اروح الشغل تاني..

شهد بدموع 
وانا لما احب اتكلم معاك اتكلم امتي؟..

قعد يونس وقالها پحده 
اتفضلي اتكلمي بس ياريت تكون حاجه مهمه مش حكايه تافهه..

شهد بحزن 
لا كتر خيرك اتفضل اديني ضهرك ونام زي كل يوم..

يونس قام وقالها 
لا انا اللي استاهل اكتر من كده اني جيت في وشك يا شهد عشان انتي اصلا ما بتقدريش حد...

شهد وقفت قدامه وقالت 
انا برضو اللي ما بقدرش حد، وانت بقي ايه ده انت مش هاين عليك تديني من وقتك دقيقتين تشوف االزفته  اللي مرزوعه في البيت دي مالها..

يونس اتنهد بضيق وقال
انتي عايزه ايه هو انا يبقي طالع عيني في الشغل واجي هنا الاقي قرف..

شهد بدموع
قرف انا قرف يا يونس، بس انا فعلا غلطانه خليك بقي مع ولادك وبيتك والقرف هيسيبك ويمشي..

_جات تمشي بس هو مسكها من دراعها جامد وقال بعصبيه..  

يونس 
انتي غايره فين ما تهدي بقي وتعدي ليلة اهلك دي..

_خلص كلامه وذقها جامد فوفعت علي السرير وجات تتكلم قرب منها وقال پغضب..

يونس 
ما اسمعش صوتك خلص الكلام يا شهد اهدي ونامي عشان انا ماسك اعصابي بالعافيه اصلا..

دموعها نزلت ودرت عليه وقالت
حاضر.... تصبح علي خير..

_ وراحت نامت فعلا وهو ساب الاوضه وطلع ورزع الباب وراه جامد وهي فضلت ټعيط بكل حزن.  

ــــــــــ #بقلم_الكاتبه_رحاب_القاضي ـــــــــ
_ وفي بيت جميله تحت جوه العماره تحت فتحت فريده باب صغير وكان نظام جنينه بسيطه وشكلها حلو جداً وقالت..

فريده 
اتفضل يا ابني نورتنا والله..

جميله 
ابنك ايه يا ماما ده تلاقيت قدك في العمر..

قرب منها عمار وقال بصوت واطي
متجوز وانا عندي 23 سنه وابني عنده 17 يعني سبعه اربعين سنه..

جميله 
معقول انت اكبر مني ب 12 سنه بس..

عمار 
معقول انتي عندك سبعه وعشرين سنه؟..

جميله 
السن ده ظالم اووي انا عارفه اني ابن اصغر من كده صح..

عمار بتريقه
يا شيخه اتنيلي كده علي جنب.، ده انا فكرتك عندك بتاع خمسه وتلاتين اربعين سنه..

جميله اتعصبت وقالت
والله ليه شعري ابيض زيك ولا ايه؟..

عمار غمزلها وقال
ما تعرفيش انتي الشعر الابيض ده بيعمل اي، دي الكارزما يا بنتي..

اتوترت جميله وجات فريده من جوه وقالت
يا جميله خلي استاذ عمار يدخل وروحي اعمليلنا قهوه..

جميله
ما تروحي تعملي انتي يا ماما انا ما بحبش اعمل قهوه بسرح وبتفور مني..

عمار بهدوء
علي فكره ما بحبش اشريها بوش....

جميله 
لا اذا كان كده يبقي من عينيا اروح اعملهالك..

طلعت جميله وعمار قال
انا قاصد اخليها تدخل جوه عشان عايز اطلب من حضرتك حاجه واتمني ما تكسفنيش..

دخلت عندهم جميله وزغرتت
لولولولولولولويييييي، كنسل القهوه واجيب شربات صح هتطلب ايدي صح؟...

فريده بغيظ
والله العظيم هقوم اديكي بالجزمه يا بنت انتي، اطلعي بره وما تجيش تاني..

جميله بضيق 
براحتك يا فريده افضلي ديما نكدي عليا كده كل لحظه سعيده..

_طلعت جميله  وعمار كتم ابتسامته بالعافيه وفريده اتنهدت بضيق وقالت..

فريده 
معلش يا ابني بس هي كده.. المهم خير ان شاء الله؟..

عمار
انا عرفت من ايتن ان جميله بتدور علي شغل وانا بصراحه بعزكم جدا من كلام مروان ابني عليكم، فياريت تسمحي ان جميله تشتغل عندي وفي الفرع الرئيسي لاني بكون هناك اغلب الوقت وهتبقي تحت عيني...

فريده 
يعني كفايه انها هتكون مع حضرتك دي زي اختك الصغيره برضو وانا همون مطمنه عليها برضو..

عمار 
تمام يبقي بكره ان شاء الله هستناها...

فريده 
انا بجد مش عارفه اقولك ايه، وبعتذر جدا علي الموقف الرخم اللي دخلتك فيه فريده من شويه..

عمار ابتسم وقال
لا لا ولا يهمك حصل خير بعد اذن حضرتك..

_ ووصلته فريده لحد الباب وطلعت فوق لقيت جميله وايتن قاعدين بيضحكو.

فريده 
بتضحكي ټحرقي ډم امك وفي الاخر تضحكي..

ايتن 
سيبك منها يا ماما وتعالي دوقي البسبوسه اللي جيباها طنط زهره جارتنا الجديده..  

فريده 
هاتي كده دوقيني شكلها حلو..

جميله 
ماما..

فريده 
ارغي..

جميله 
ايه الطريقه دي هو انا بشحت منك..

فريده 
عايزه ايه يا همي التقيل؟..

جميله 
عموري كان عايز منك ايه؟..

ضحكت ايتن وفريده قالت 
بصراحه الراجل ده رغم انه غني جدا وليه هيبه بس متواضع وطيب اووي..

ايتن 
اوي اوي يا ماما ده مقرب من صحاب مروان كلهم وبيعاملهم كويس اووي..

جميله 
المهم كان عايز منك ايه يا ماما..

فريده بخبث
ما تتعشميش كده مش اللي في بالك، هو عايزك تشتغلي عنده لما عرف انك بتدوري علي شغل..

جميله 
امم طيب اهو اي مصلحه وخلاص...

ايتن قالتلها بصوت واطي
هتبقي عنده في الشركه بقي لو جدعه وقعيه..

جميله بسخريه 
اوقع مين يا حجه عشان امك كانت وقعتني في ڼار جهنم رانا داخله انام..

وبصت لمامتها وقالت 
بقولك ايه يا ماما قولي لطنط راويه اني مش بتاعت جواز خليها ترحمني من العرسان بتوعها دول..

فريده
طيب مش هتتعشي..

جميله 
لا لا ماليش نفس..

_ قالت كلامها ودخلت اوضتها غيرت هدومها، وراحت تنام وجه في بالها عمار وكلامه وطريقته وهيبه وفي نفس الوقت تواضعه..وابتسمت وقالت لنفسها..

جميله 
ياااه لو القدر يجمعني بيك وتبقي قصتنا روايه ويبقي اسمها الجميله الشعر الابيض...

اتنهدت بضيق وقالت
بس الكلام ده مش بيحصل غير في الروايات والمسلسلات الكوري، انما الواقع ما فيش فيه غير حسحس وام حسحس...

ـــــــــــ #بقلم_الكاتبه_رحاب_القاضي ـــــــــ 
_ وفي شقه راقيه.. 
بس مكركبه شويه وكل حاجه مش محطوته في مكانها، كان قاعد هناك زكريا وجنبيه بنت شعرها قصير ولونه احمر وقالتله..

مي
مالك يا حبيبي في ايه مش علي بعضك؟..

زكريا بجمود 
ما فيش اقعدي ساكته..

مي 
هو انت هتقضي الليل كده..

زكريا پحده 
يووه قاايم اهو وماشي..

_وفي الوقت ده طلع عماد اللي عنده 24 سنه من اوضته وقال بسرعه..

عماد 
زكريا  تعالي وصلني بسرعه..

زكريا 
في ايه مالك يا عماد؟..

عماد بدموع
ابويا ما*ت ولازم اكون هناك دلوقتي..

زكريا بضيق
طيب تعالي هوصلك..

_واخده زكريا ووصله للبيت بتاع باباه وكان في بيت قديم اووي، ودخل معاه ولقي في واحده لابسه اسود وجنبيها واحد تاني شكله مدايق جدا، قرب منهم عماد وقال.  

عماد بحزن 
ايه يا مجدي انت وشيماء ازاي ده حصل؟...

مجدي پحده 
هيكون حصل ازاي قضاء وقدر، انت ايه اللي جابك اصلا هو احنا كنا ناقصين..

عماد بدموع 
جهاد كلمتني وقالتلي، هي فين اصلا؟..

ردت عليه اخته شيماء وقالت
تزلت تجيب واحد قالت انه هيغسل ابوك، علي الله بقي تيجي بسرعه انا مش فاضيه وعايزه اروح لبيتي وجوزي وولادي..

_بصلهم عماد بضيق وراح قعد علي جنب وبص لاوضة ابوه بحزن، وقرب منه زكريا وقاله..

زكريا 
انت عايز حاجه يا عماد انا ماشي..

عماد بجمود
لا شكراً

_ سابه زكريا ونزل وقبل ما يطلع من البيت خبطت فيه بنت كانت داخله بسرعه وقبل ما تقع مسكها هو وقالها..

زكريا
علي مهلك بالراحه..

_بصتله هي بعيونها الخضرا اللي مش باين لونهم اووي من دموعها اللي ماليهم وقالت وهي بتبعد عنه..

جهاد 
اسفه...

_ وسابته وطلعت فوق بسرعه، وهو بصلها وهي طالعه لفوق بسرعه وبعدين اخد عربيته ومشي..

_ تفتكرو ايه حكاية زكريا وعماد ومين البنت اللي شافها زكريا دي؟.....

ــــــــــــــــــــــــــــــــــــــــ 
#بقلم_الكاتبه_رحاب_القاضي