“السقا كان ھيموتنا”.. باسم سمرة يكشف مفاجأة في كواليس “العتاولة”
حل كل من الفنان أحمد السقا والفنان باسم سمرة، الساعات الماضية، ضيوفا في برنامج الحكاية مع الإعلامي عمرو أديب.
وكشف باسم سمرة خلال اللقاء، عن عن كواليس مسلسل العتاولة والصعوبات التي واجهتهم في العمل.
وقال باسم: “أحمد السقا اشتغلت معاه أكتر من مرة، وأحمد خالد موسى كذلك، وأول مرة مع طارق لطفي وبعد يومين بقينا صحاب، وبحب اشتغل وأنا مرتاح مش وأنا متوتر أو أوقلقان، لازم أكون مرتاح واللي حواليا مبسوطين فيحصل إبداع.”
وتابع: ” أحمد السقا كان ھيموتنا.. كنا قاعدين في لوكاندة في إسكندرية بنصور هناك، وكان فيه عاصفة شديدة اسمها عاصفة السحب وهي نوى سحب اللي في الشارع بيتسحب على البحر، وإحنا في الدور الثامن وأحمد قال عاوز اطلع البلكونة وفتح الباب وخرج ولقيته بيتسحب وطاير من البلكونة وأنا ماسك فيه.”
وأكد باسم سمرة أنه سعيد بالتعاون مع جميع أبطال مسلسل العتاولة، قائلًا: العلاقة مستمرة بينا بعد انتهاء التصوير.
وعلى صعيد أخر ، كشف باسم سمرة عن مصدر ايفيهاته في مسلسل العتاولة، قائلا: “فيه حاجات قعدنا نتناقش فيها وفيه حاجات علشان عندي سرعة بديهة بقولها وبرجع للمخرج علشان دمه خفيف جدا”.
واعتذر باسم سمرة للفنانة نيلي كريم أثناء حلوله ضيفا على برنامج كلام الناس تقديم الإعلامية ياسمين عز ، قائلا: «اكتشفت إن المنتج غاوي تنقيل كلام وبيوقع بين الناس، وبعتذر لـ نيللي على الهواء وبقولها إنتي أختي وحبيبتي وأنا كمان بتعلم تمثيل وبتعلم من نيللي كريم وأحمد السقا، وجوزها راقي، وزعلت من رامز جلال لأني مكنتش أعرف إنه بيصور».
