رواية عارضة الأزياء الفصل 7

عارضة الأزياء 7
Emy Ahmed
رجع معتز البيت بعد ماقدر يطلع اخوه هنامن الحبس بصعوبه ودخل البيت وش الصبح 
وبدخوله الشقه شاف غاليه واقفه قصاده پغضب كنت فين
رد معتز بختصار حصلت مشكله مع هنا وكنت معاها
غاليه لحد دلوقتي بتحل مشكلة الهانم .. ومابتردش على تلفونك ليه بحاول اكلمك من امته .. سيبني كل دا احر ق اعصابيوانا بحاول اوصلك 

بص معتز ل تلفونه وشاف فعلا اكتر من عشر مكالمات فائته والله مش عارف الفون ماله صوته معلش يا امي ڠصب عنيماشوفتوش
غاليه وايه اللي كان حصل مع ست هنا اخرك كده
معتز مافيش انا مش قادر اتكلم دلوقتي وهم...وت و انام.. ممكن لما اصحى نبقي نتكلم برحتنا
شافت غاليه ان معتز فعلا مش قادر يفتح عينه فهزت راسها بالايجاب ماشي يا معتز ادخل نام .. ولما تصحي لينا كلام كتير مع بعض.
معتز تمام تصبحي علي خير يا أميفتحت نور عيونها بتعب وهي بتبص من شباك العربيه.. للنهار اللي بداء ينور واخدت تتلفت حوليها بستغرابالعمار كان اختفي وهم تقريبا في صحراء
بصت ل ابوها اللي متابع الطريق بصمت 
وبصت ل ساعتها فات اكتر من ساعتين وهم لسه بالطريق
نطقت نور بتوهان هو احنا رايحين فين كده
سالم اه احنا رايحين للمزرعه بتاعتنا مزرعة العيله يعني مكان هادي تريحي في اعصابكوتقضي يومين نقاهه زي ما بيقوله
نور يعني هي فين المزرعه احنا في الصحراء
سالم خلاص احنا علي وصول اهو ماتقلقيش
كمل سالم الطريق وربع ساعه وبداء يظهر الطريق و سور كبييير ظهر وصل سالم عنده وكمل لحد ما ضهر اخيرا قدمهم بوابه ضخمه
اخدت نور تتامل البوابه و السور وهي قلقانه ومش عارفه ايه اللي وراه السور
و اتفتحت البوابه قدمهم دخل سالم بالعربيه وظهر قدمها اراضي زراعيه واسعه وبيت ابيض كبير كمل سالم بعربيته للبيت الكبير ووقف امام بوابته نزل من العربيه واشار الي نور تنزل 
سالم يلا يا نور وصلنا
دخلوا البيت سوا بعد ما سالم فتح الباب وبدات نور تتحرك عيونها بأركان البيت الصمت وهدواء البيت مخيف
كسر الصمت صوت سالم الهادي نورتي بيتك يابنتي
نور هو انتم عايشين هنا
امل راسه بالايجاب اه اكيد عايشين هنا.. هو المكان مش عاجبك
نور مهجور!! 
حاسه انه مهجور.. و فين اخواتي اللي قولت عليهم ومراتك.. والعيله مش قولت دي مزرعه العيله
سالم الوقت اتأخر والكل نايم.. تعالي اوديكي ل اوضتك ترتاحي من الطريق واول ما تصحي هعرفك عليهم... وفعلا المزراعه هنا بعيده عن الناس عشان احنا بنحب نعيش في هدوء بعيد عن الدوشه .. المكان هنا هيعجبك
بصت نور ل تلفونها في اديها هو مافيش شبكه هنا
سالم للأسف لا.. كنتي عايزه تكلمي حد
نور اكيد.. انا عندي شغلي وعندي حياه والفون بتاعي ماينفعش يكون فاصل خالص وهعوز اكلم ماما غاليه
سالم نور حبيبتي انسى كل دا.. انا عايزك ماتفكريش في اي حاجه.. وتستجمي هنا اليومين دول.. سيف قالي انك تعبتي النهارده الف سلامه عليكي يا روحي 
المكان هنا هيريح أعصابك ونفسيتك.. دي فرصه ترتاحي
بصتله نور بعدم اقتناع انا عندي شغل مهم جدا.. ماقدرش اسيبه
سالم يا حبيبتي هم يومين.. الدنيا مش هطير.. واكيد في غيرك يشوف الشغل دا.. تعالي افرجك على اوضتك
مشيت نور معاه وطلعوا الدور التاني مشوا في ممر طويل وباخره اوضه فتحها سالم