سكريبت نور ونوح كامل

اسمى نور عيشت الخيانه بكل انواعها من صاحبة عمرى ومن حب حياتى بس قدرى كان مختلف خالص عمرى 29 سنه متخرجه من كلية الطب شغاله ف قسم القلب يمكن لانى بحس انه اهم عضو محتاج رعايه خاصه وانه ارق ما ف البشر او يمكن ده اللى كنت فكراه قبل ما اكتشف خيانتهم ليا شغاله ف مستشفى مشهوره ف اسكندريه هتعرفوا حكايتى علطول وهتعرفوا ازاى قدرى كان اجمل قدر ف الكون كله 

النهارده صحيت ع فون من المستشفى وقالوا ان ف حاله طفله صغيره وخطيره ولازم اروح حالا وده لانى مش بروح المستشفى بقالى فتره وهتعرفوا السبب بس مش دلوقتى المهم قومت ودخلت الحمام واتوضيت وصليت الصبح ولبست وصبحت ع بابا وماما ونزلت جرى ع المستشفى بعد دعوتين حلوين منهم ونزلت ركبت اوبر وانا ف الطريق للمستشفى بصيت لايدى ع مكان ما الدبله معلمه سرحت وافتكرت من 8 سنين اول ما دخلت كلية طب اسكندريه قد ايه كنت مبسوطه وفرحانه ان حلمى اتحقق وانى دخلت هنا وانى هتعلم ازاى اشفى المرضى كنت عاوزه ادخل تخصص القلب علشان مخليش اى حد قلبه تعبان وانى اساعد الكل يخف ومسبش حد ېموت بسبب القلب زى ما تيته حبيبتى اټوفت بيه عاوزه اشوف كل الناس قلوبها سليمه وكويسه وبيضحكوا وفرحانين عدت اول 3 سنين وانا الاولى ع دفعتى بامتياز وانا ف السنه ال 4 اتعرفت ع سيف كان تعرفنا غريب كانت خڼاقه هبله ع المكان بتقولوا عليا طفله صح هو كمان كان شايفنى كده بس الفكره مكنش مكان قد ما كان انا بحس ب راحه بعيد عن الكل المهم انى روحت قعدت ف مكان تانى بس كنت مټعصبه ومحمره من العصبيه بس هديت مع بداية المحاضرات وكل تركيزى كان مع الدكاتره بس كنت واخده بالى ان سيف بردو مكنش منزل عنيه من عليا ما انا قمر بردو بس مهتمتش انا ډخله وعندى هدف وهو اهم من اى حاجه خلص اليوم وكنت مروحه بس لاقيت سيف وقف ف وشى وبيقولى انا اسف مكنتش اعرف انه مكانك ممكن متزعليش قولتله تمام حصل خير عن اذنك وكنت همشى وقف تانى قدامى وقالى انا اسمى سيف وانتى قولتله نور عن اذنك وسبته ومشيت وشبح ابتسامه بتترسم ع وشى بس كنت بقول فوقى لنفسك وركزى ف هدفك مرت الايام وسيف كان بيحاول يقرب منى بكل الطرق بس كنت بصده ب لطف وف يوم بعد ما خلصت المحاضرات لاقيت صاجبة عمرى امنيه قدامى جريت عليها وفرحت اوى انى شوفتها الكليه فرقتنا انا دخلت طب وهى صيدليه بس فوقت ع السواق وهو بيقول وصلنا يافندم حاسبته ونزلت دخلت المستشفى وجت المساعده هبه وعرفتنى