قصة طيش بنات كامله بقلم رشا منصور

أنا فريال وبيقولولى يا لورا دلوعه وبحب ادلع نفسي وبحب الفرفشه والدندشه وماليش فى النكد وبعشق الأغاني ولانى حلوة كنت مجننه كل الشله وكنت بحب اقف قدام المرآيا واتغزل فى نفسي
ماما
هو مافيش فى مرة أدخل عليكي وإلا الاقيكي واقفه قدام المرآيا يابنتي ارحمي نفسك انتى كدا هتتلبسي
لورا .
بلاش يا ماما الكلام الغريب ده ناقص تقوليلي هيطلعلك ابورجل مسلوخه أنا لازم اكون اشيك بنت فى الجامعه وأختار اللى يليق عليا ولا هتنبسطي لما أمشي زى العبيطه. فى الشارع
ماما.
طب البسي ربنا يهديكي يابنتي ووطى صوت الأغاني بتاعتك دي شويه مبقاش نافع معايا ولا شاى ولا اسبرين

لورا.
خلصت خلاص قمر يا لورا 
الوووو أيوة يا شوشو أنا جاهزة خلاص هستناكي فى محطه المترو بسرعه متتأخريش وقفلت معاها واخدت من ماما فلوس ونزلت
وكالعادة بتعاكس طول ما أنا ماشيه فى الطريق
شوشو.
أهلا لورا حلو أوى الروج ده هو أنتي غيرتي لون شعرك امتي
لورا.
انهاردة الصبح حسيت بملل جبت اسبراي ورشيته علشان متأخرش ع المحاضرة المهم مقولتيش شوفتي فيلم إمبارح كان عن الأشباح تحفه وماما كالعادة صوتت مني ومسكاني الأيام دى كل شويه تقولي هتتلبسي قال يعني الجن. ساب الكل وهيجيلي أنا 
شوشو.
كلهم كدا انا كل ما اشغل الأغاني في الحمام يفضلوا يزعقوا ليا
اظاهر كل الناس الكبيرة كدا بيصدقوا فى الجن والعفاريت
لورا.
خلصت المحاضرات وروحت ولقيت ماما بتقولي
ماما. ..
عملت أكل كتير وحطيته فى التلاجه وانتظرت لورا وأول ما وصلت قولت لها جدتك تعبانه اوي وخالك وداها المستشفي ولازم ابات معاها أنا عملالك اكل يكفيكي كام يوم خلي بالك من نفسك سلام يا حبيبتى ونزلت روحت ل أمي المستشفي
لورا.
وأنا مش فاهمه فى ايه ولبست البيجامه بتاعتي ومسكت الفون وقعدت ارغي مع أصحابي وبعدين قومت أكل قدام التليفزيون بس مش عارفه ليه كنت حاسه ان فى حد قاعد جنبي بدرجه لما حسست ع الكنبه لقيتها سخنه كأن حد كان قاعد هنا
اظاهر أفلام الړعب اثرت عليا لما اقوم انام أحسن وأول ما ابتديت أنام حسيت ان فى ايد بتلمسني قومت بسرعه أبص