سكريبت انتظرتك سنين كامله

مبروك المدام حامل
وفجأة لقيت المنبه بيرن صحيت حزينه أنه طلع مجرد حلم زي كل يوم
أنا ڤونا بقالي ٦سنين متجوزة چونا بس لسه ربنا مأردش إني أحمل كنت قادره أستحمل بس مكنتش قادره أستحمل كلام الناس اللي حواليا
_صباح الخير يا حبيبتي 
صباح النور يا حبيبي 
_فوقي يلا عشان حضرتلك الفطار
حاضر يا حبيبي
الحقيقة أن چونا علي طول مفرحني ومش محسسني بالنقص أبدا لا وعلي طول يقولي إني بنته وبيحتويني
طلعت قعدت معاه كان محضر الفطار في البلكونه مع كوبايتين قهوه وحقيقي أنا بحب قرة عيني جدا 

_مالك يا حبيبي مش بتاكلي ليه 
باكل أهو يا حبيبي 
_طب تعالي
وشدني من أيدي قومت وقعدت جنبه وقعد يأكلني كأني طفلته 
علي قد مكنت فرحانه أنه مهتم بيا بس كنت زعلانه أنه حتي حتت الطفل مش عارفه اجبهوله بس بفضل أقول حكمه ربنا في التأخير 
فطرنا سوا وقعدنا نشرب القهوة وبعدين روحت أتفرج علي التلفزيون وهو راح يشتغل شوية على اللاب توب بتاعه 
وفجأة الباب خبط فروحت أفتح ولقيتها عمت چونا
إحنا عايشين في بيت عيله فالبيت كله أهل چونا
_صباح الخير يا طنط أتفضلي 
صباح الخير يختي منا هتفضل مش مستنيه اذنك
وزقتني ودخلت وأخر قله أدب لولا چونا كنت جبتها من شعرها الحړبايه دي
طبعا هي مش بتحبني ليه عشان هي كانت عايزة چونا لبنتها بالعافية بس هو رفض واتقدملي أنا 
أنا وچونا حب ٧سنين 
ومفيش حد بيحبني من أهله كلهم غير أمه وأبوه وأخواته البنات الاتنين بس ومش متجوزين
ي
چونا شافها رحب بيها وقعد معاها في الصالون وأنا دخلت اعملها حاجه تشربها وخرجت عشان أسمع سيناريو كل يوم
ايه يا حبيبي عامل ايه 
_ الحمدلله يا عمتي وحضرتك إيه اخبارك 
بخير يا حبيبي
دخلت عليهم وقدمتلها عصير تفاح _اتفضلي يا طنط 
بصتلي بقرف وخدته مني وأنا تجاهلت نظرتها وبعدين هي كلمتني 
ايه يا حبيبتي لسه مفيش حمل برضو
اه يا طنط لسه ربنا مأردش 
أنا مش فاهمة بنات اخر زمن دول احنا كنا بنحمل من تالت يوم 
والله يا طنط دي حاجه مش بايدي ولا أنا ولا چونا إحنا معندناش مشاكل زي مالدكتور قال بس إحنا سايبنها علي ربنا 
خلاص يا حبيبتي هتحكيلي قصه حياتك 
والله!!لا بجد والله!!!لولا أنك في بيتي كنت بهدلتك 
يوسف أتدخل بسرعه_خلاص بقي يا عمتي اقفلي الموضوع ده إحنا ملناش يد فيه 
عارفه يا حبيبي بس برضو أنت بتكبر ولو هي مش هتعرف تجبلك العيل تتجوز واحده تاني تجبهولك 
إحنا الاتنين بصنالها پصدمة وانا لساني اټشل مكنتش عارفه أنطق 
چونا حب يلم الموقف  واتكلم_لا طبعا مينفعش يا عمتي ڤونا الأولي والأخيرة يا هي يا بلاش
أه مهي سحرالك بنت سعاد ماشي عمتا أنا نازله سلام
ونزلت وچونا راح يوصلها وأنا كل ده مضايقه جدا بجد مكنتش عارفه هو في ايه بجد وليه الكره ده كله 
فوقت من سرحاني علي ايده وهي بتحاوطني بحنيه_متزعليش حقك عليا أنا يا نور عيني 
اتنهدت_متعتزرش يا حبيبي أنت ملكش ذنب
وسيبته وقومت دخلت عشان أصلي 
صليت وقعدت أدعي ربنا كتير بدموع وعياط مكتوم قعدت أدعي ربنا كتير لغاية منمت مكاني محستش بنفسي
بعد وقت معرفش قد ايه صحيت لقيت نفسي علي السرير ففهمت أنه شالني ونيمني علي السرير
قومت عملت الغدا واتغدينا وقومنا لبسنا ونزلنا
أصل انهاردة عندنا معاد عند دكتور عشان كنا عاملين شوية تحاليل وكده 
روحنا لأكتر من دكتور وحقيقي كل مرة يتقال كلام غير اللي قبله روحنا لدكتور تاني وأملنا فيه
نزلنا وقابلنا بنت عمته علي السلم طبعا بتبصلي بقرف وأنا بتجاهلها تماما 
سلمت علي چونا ونزلنا روحنا للدكتور
كنا متوترين جدا لغاية مجمله اتقالت