رواية العشق والآلام البارت 17

العشق و الآلام البارت ١٧ .
فهد أتنهد و سكت و بعدها قال بهدوء مريب أنتي موافقة تتجوزيني و لا لاء .
كيان مسحت دموعها و قالت بصوت فيه رعشة موافقة أكيد .
فهد يبقي خلاص أهدي محدش ليه عندنا أي حاجة بطلي عياط أنا هتجوزك برضاهم أو ڠصب عنهم .
كيان بدموع و أفرض موافقوش .
فهد ما أنا قولتلك يا برضاهم يا ڠصب عنهم كيان أنا مش هقدر أستحمل إنك تبقي قدام عين مالك كل يوم في البيت .

كيان يعني اي .
فهد عبد الله أخوكي كلمني و قالي إنهم نازلين مصر الأسبوع الجاي أنتي هتقولي ل جدي إنك عاوزة تروحي شقتكوا عشان تنضفيها قبل ما أخوكي و مامتك يجوا .
كيان بتنهد و أفرض مرضيوش .
فهد لاء هيرضوا طالما كلنا في نفس المحافظة و أنتي حاولي معاهم كذا مرة المهم مشوفكيش في البيت قدام مالك .
كيان حاضر يا فهد .
Salma Elsayed Etman .
الجد بحزم أنت عاوز تتجوز كيان ليه يا مالك ! .
مالك بتردد عشان زي ما قولتلك حبتها .
الجد متأكد إنك حبتها ! أصل تعابير وشك و طريقتك مش مخلياني متأكد .
مالك قام وقف و قال أنا قولت الي عندي تصدقوا بقا متصدقوش دي حاجة ترجعلكوا أنتو .
سابهم و طلع علي أوضته بنرفزة في داخلة أحمد للبيت أحمد فضل باصص علي مالك و قال بعدم فهم سلام عليكم .
الكل و عليكم السلام .
أحمد في اي شكلكوا مش عاجبني بتعيطتي ليه يا ماما .
مامت فهد بدموع عشان فهد و مالك أتخانقوا جامد و مسكوا في بعض .
أحمد أستغفر الله العظيم يارب طب و السبب .
الجد فجأة كده الأتنين بيحبوا كيان و مالك طلب إيديها للجواز و فهد أعترض و بهدل الدنيا .
أحمد پصدمة مالك طلب إيديها للجواز !!! .
يحيي أنت يا ابني عندك فكرة عن الموضوع دا .
أحمد بضيق و هم ياربي الواحد هيلاقيها منيين و لا منيين !! من الخساير الي مش عارفين نسيطر عليها لحد دلوقتي و لا تصرفات مالك و فهد و لا زين .
مامت زين بخضة ماله زين ! .
أحمد بص ليحيي عمه و أزدرء ريقه بهدوء و بص ل مرات عمه و قال بصوا يا جماعة أنا لازم أقول عشان الوضع مبقاش زي ما أنا و مالك و فهد كنا مرتبنله بس عشان خاطري تهدوا و تسمعوني للآخر لما كنا في الصعيد و قولنا هناخد زين معانا القاهرة دا مكنش عشان مشروع تخرجه و الكلام دا زين مدمن مخډرات و الفترة دي كلها كان بيتعالج في المصحة .
مامت زين أول ما سمعت كده لطمت علي وشها و عيطت جامد و الكل كان في حالة صدمة كبيرة من الي أحمد قاله يحيي مسك إيديها و قالها بدموع و هو بياخدها في حضنه بس بس أهدي حرام عليكي الي بتعمليه دا أهدي .
الجد بذهول ازاي يا أحمد !! .
أحمد بزعل و الله يا جدو هو ڠصب عنه مش هو الي حب إنه يشرب واحد من منافسينه في البطولة الي خدها كان غيران منه و حاقد عليه و هو الي خلاه يدمن كان بيحطله المخډرات في أي حاجة بيشربها بس زين نفسيته مدمرة و مكنش هينفع نخبي عليكوا أكتر من كده .
مامت زين بعياط شديد يا حبيب قلبي عشان كده يوم الحاډثة كان جاي خاسس و وشه أصفر يا حبيبي يا زين