رواية زواج على خفيف من الفصول الأول إلى الفصل السابع بقلم ليل آدم

مساء الخير للجميع 
الجزء الاول من رواية 
زواج على خفيف
مها يعني اي يا عادل هتمنعني اروح عند ماما
عادل لا يا مها مش بمنعك بس أنا ليا حق عليكي انتي لازم تمضي حضور كل يوم عند امك وترجعي الساعه ١١ بليل عايزه تنامي فين الشقه وأهتمامك بيا ولا ده كان اول سنه جواز بس
مها اه بقى قول انك عامل كل ده علشان مروحتش عند امك الاسبوع اللي فات
عادل اي امك دي
مها بقولك اي يا عادل انت عايز اي
عادل لا مش عايز بس اعملي حسابك لو خرجتي من البيت بمزاجك مش هترجعي تاني إلا بمزاجي يا مها
مها وأنا مش هتمنع من امي يا عادل أنا نازله

عادل الباب يفوت مقطوره مش جمل
بعد نزول مها
عادل أنا عادل ٣٤ سنه شغال في مجال الكهرباء والحمد لله ميسور الحال متجوز مها من خمس سنوات عن حب بس تسألني اي اللي حصل في اخر اربع سنين اقولك والله ما اعرف مش دي مها اللي كنت ھموت و تكون من نصيبي عايزه تقضي اليوم كله مع أمها و الام اي ماشاء الله عندها استعداد تفتح بيتها ل بنتها ٢٤ في ٢٤ مفيش حاجه اسمها يا بنتي بيتك وحياتك لا عادي أديها قاعده وبتخدم أمها و بيتها يضرب يقلب وضع مأساوي عايش في مبقيتش قادر ولا أعيش معاها ولا عايز ابعد علشان العيال بس بجد خلاص طاقتي كلها خلصت مع مها پنتخانق اكتر ما بنتنفس وللاسف علشان أمها فاتحه ليها الباب على أخره و مها مش طايقه مني كلمه لو قولتلها صباح الخير وقالب وشي تقولي هروح عند امي عيشه بقيت شقي من كله اقسم بالله شغل قرف وبيت قرف وكل حاجه عك في عك
في جانب آخر
الأم اي ده مالك
مها عادل مش عارفه في اي يا ماما اقسم بالله خلاص اټجنن ده مش عايزني اجي اقعد معاكي
خالد اخو مها بصراحه يا مها انتي لو مراتي كنت طلقتك هو في كده كل يوم جايه وسحبه عيالك مفيش يوم ل بيتك يا بنتي
الأم وانت مالك يا معدول بكره نشوف اللي هتجبها والله ل تخليك شبشب في رجليها
خالد هو انتي كده كلمه الحق بتتعبك أنا نازل وانتي خليكي لحد ما تطلقي وابقي أفرحي يا مها سلام
مها شوفتي ابنك
الأم اقعدي سيبك منه أحكيلي حصل اي
مها مفيش مش عايزني اجي يقولي إلا اي لو خرجتي بمزاجك ترجعي بمزاجي
الأم وحيات أمه مزاج مين ابو مزاج ده سيبك منه يابت قومي شدي الشقه قومي خلينا نقعد نتكلم مع بعض شويه
في جانب آخر
مها أنا مها ٣١ سنه ربه منزل معايا بكالوريوس علوم ورضيت ب عادل رغم عدم التوافق الفكري ما بيني وبينه لكن حبيته علشان كان حنين اوي مش عارفه اي غير عادل عليا اوي بالشكل ده لدرجه اني کرهت البيت أنا مش حبه ضغطه عليا وتحكمه عايز يجي من الشغل يلاقي لقمه والبيت نظيف وعياله نظيفه وأنا برضوه بعد الاكل يدخل ينام لانه جاي من الشغل تعبان طب وانا فين مفيش مره تقعد تتكلم معايا هو أنا مش انسانه اي هقعد وشي في وش الحيطه ليل نهار و بعد كل ده يقولي أنا يا امك لا طبعا امي أما يعني هختارك انت 
بعد مرور اليوم
مها أنا هبات عندك يا ماما علشان عادل حتى ما فكرش يرفع التليفون يتصل بيا
الأم اقعدي يا حبيبتي بيتك و مطرحك
الأب اي ده مها انتي لسه هنا
الأم متخانقه مع جوزها
الأب ليه كده بس حصل اي تاني يابنتي
الأم مفيش حاجه يا محمد اللي حصل حصل
الأب اسكتي انتي يا هند أنا بكلم بنتك حصل اي يا مها
مها بيقولي يا انا يا امك
الأب اي السبب يعني
مها مفيش سبب
الأب لا عادل مش هيعمل كده من غير سبب أكيد في حاجه وطلع تليفونه رن على عادل
عادل ألو يا عم محمد
الأب ازيك يا عادل
عادل الحمد لله في نعمه والله يا عمي
الأب اي يابني مالك في اي مزعل مها ليه
عادل والله يا عمي ما زعلت حد هيا اللي كل شويه تاخد بعضها وتروح تقعد عند الحاجة وترجع اخر الليل وسايبه بيتها يضرب يقلب يرضيك ياعم محمد
الأب لا طبعا ميرضنيش تعالا خد مراتك وحل المشاكل معاها في بيتك
مها لا يابابا مش راجعه معاه أنا
الأم اي اللي بتعمله ده يا محمد بقولك بيقولها يا انا يا امك
الأب استنا ثواني معلش معايا يا عادل
عادل مع حضرتك يا عمي
الأب يعني مش عايزه ترجعي بيتك يا مها
الأم لا مش راجعه يا محمد
الأب هند لآخر مرة بقولك أنا مش بكلمك انتي
مها لا يا بابا مش عايزه ارجع
الأب خلاص يا عادل معلش خليك دلوقتي لحد ما تهدوا انتوا الاتنين
عادل لا ياعم محمد أنا تعبت بصراحه من مها اقولك حاجه زاي ما دخلنا بالمعروف نخرج بالمعروف معلش يا عم محمد
الأب لا طبعا انت بتقول اي يا عادل طلاق اي اللي بتحكي في
الأم ينهار اسود طلاق شوفتي قعدت اقولك بلاش ده تقوليلي بحبه يا ماما أشربي يا روح امك
مها احسن برضوه أنا كمان مش عايزاك ومش راجعه معاك لو راجل طلقني
عادل سامع بنتك ياعم محمد أنا لحد كده ومن فضلك يا عم محمد مش عايز اي كلام تاني بكره أنا جاي أطلق بعد اذنك يا عم محمد بعد اذنك أنت راجل جزمتك فوق راسي بس اعتبرني ابنك وكفايه لحد كده
الأب اللي تشوفه يا عادل سلام
عادل سلام
الأم سيبك منه بيت أبوكي مفتوح يا حبيبتي وبكره تتحوزي سيد سيده انتي لسه صغيره يا حبيبتي
مها صح أنا مش عايزه خلاص انتهت
بعد الطلاق ب شهر
الأم ها عملتي اي يا مها
مها لسه قافله مع المحامي اهو وقالي والله شغال على الأوراق وقريبا جدا هياخد فلوس النفقة من عادل
الأم اه اوعي تسيبي حاجه للواد ده اي حاجه تنفعك انتي وعيالك يا حبيبتي
مها هو أنا هسيبه أنا قولت ل عمر المحامي عايزاك تخرب بيته
الأم وقالك اي
مها قالي هو معاه فلوس قولتله اه معاه قالي هجبلك منه مبلغ كبير متقلقيش
الأم جدعه بكره ربنا يكرمك باللي احسن منه
في جانب آخر
مها فات على الطلاق سنه كامله وكل يوم الوضع يكون أسواء من الأول بابا مش طايق اولادي في البيت كل شويه يزعق فيهم بسبب الدوشه حتى ماما اتغيرت معايا وبقيت كل شويه تسألني عن فلوس النفقه زاي ما يكون مستنيا الفلوس اكتر مني مش فاهمه اي ده غير اني بقيت عايشه كأني شغاله ب لقمتي طول النهار غسيل ومسح وترويق البيت وكل يوم يفوت حاسه اني بيتقل مني اكتر و اكتر
في جانب آخر
عادل يعني مفيش اي حل يا استاذ مصطفى
مصطفى للأسف يا عادل لازم تدفع النفقه كامله وخلي بالك التأخير مش في مصلحتنا لأن المبلغ يتضاعف طول ما الوقت بيمر علينا
عادل ماشي يا استاذ مصطفى اللي في الخير يقدمه ربنا بعد اذنك
مصطفى اتفضل
عادل لو آخر جنيه في