رواية القصه واللي كان الفصل الأخير بقلم رحاب القاضي
انت زي مضحيت عشاني انا ضحيت عشانك كفايه اني لحد النهارده مقاطعه اختي ومش بكلمها بسببك وبسبب انك خڼتني معاها زمان
خالد بعدم فهم
اختك وخنتك معاها! اختك مين دي وطلعتلك امتي
نور پحده
اممم لف ودور ي واد لف هي مش جيدا اختي افكرك مين جيدا لتكون ناسيها هي كمان
خالد بضحكه ساخره
وجيدا اختك منين ان شاء الله
هو مش عدنان اخويا وهي اخت عدنان يبقي هي كمان اختي
انفلت خالد ضاحكا بقوه ثم امسك رأسها بين يديه قائلا
اموت واعرف هي الدماغ دي دماغ زينا عادي ولا دماغ عروسه لعبه
نفضت نور يديه وهبت واقفه قائله پصدمه
متهزرش ي خالد جيدا اختي صح
خالد من بين ضحكاته اجابها
مش متخيل والله يعني انتي بقالك اكتر من تلات سنين فاكره ان جيدا اختك ي نور والله صعبتي عليا يا بنتي
طيب هي ازاي مش اختي
خالد بهدوء
بصي ي نور انتي وعدنان اخوات من نفس الاب وعدنان وجيدا اخوات من نفس الام فهمتي
نظرت له ببلاهه فضحك هو مجددا قائلا
ههههههههه مش هتناقش معاكي ي نور بس انتي فكري فالموضوع هتفهمي
نور بغيظ
بطل تقولي مش هتناقش دي لا انت هتتناقش معايا ڠصب عنك اومال اتناقش مع الحيطان لو متنقشتش معاك
خالد
عجبك كده
نهض وجذبها من زراعها بقوه قائلا
روحي سكتي البت واطلعي جهزيلي العشا يلاا
نور بغيظ وهي تذهب لصغيرتها الباكيه
مطبختش النهارده وماما رجليها واجعينها ومطبختش
خالد پحده
وانا اطفحلك اي دلوقتي انتي وامك
نور بنظرات غاضبه
تنهد بنفاذ صبر قائلا
عايزه البيتزا باي عشان اطلبلك معايا
نهضت نور واتجهت له وهي تحمل صغيرتها قائله بغمزه مرحه
عايزها بالكريم كراميل بالقشطه بالعسل بالملبن ي ملبن انت
خالد بابتسامه واسعه
بت انتي اتلمي امك صاحيه بره بس ياريت تفضلي كده لحد امك متنام ملقكيش بتشخري زي كل يوم
انت وحظك بقي
خالد بغيظ
اقسم بالله الخيانه حلال فيكي ي ام صدقه
تابع بهدوء
صحيح ي نور قوليلي احنا لو ربنا رزقنا بولد هتسميه اي ابهريني ي روح قلبي
نور بابتسامه بلهاء
هسميه ملحق عشان يقولولك ي ابو ملحقهيص بقي
دفعها خالد للخارج قائلا بغيظ
اطلعي عند امك ي نور احنا مش هنخلف تاني برااااا
بالذهاب الي باريس
بقصر كبير مصمم من احدث التصميمات العالميه الراقيه محاوط بأعداد كبيره من الرجال المسلحين يصدح بداخله صوت بكاء طفل صغير
صفيه پحده
ياربي بقي ي بنتي اسكتي انا تعبت
اتت لها الخادمه الفلبينيه قائله بلغه عربيه متقطعه
معذره سيدتي قد جهزت لها الحليب
صفيه بضيق
طيب خديها اكلها لحد مروح اشوف اخوها
دلفت لها فذلك الوقت جيدا قائله بهدوء
شلونك ي احلي مامي بباريس كلها
صفيه بابتسامه واسعه
جيدا انتي جيتي امتي
ذهبت لها جيدا واحتضنتها بهدوء قائله
وصلت من شوي وجيت لهون ع طول حتي شوف سيف وسيلا حبايب قلبي هدول
صفيه بضيق
امم جايه لعيال اخوكي بس يعني
جيدا بضحكه هادئه
اكيد طبعا بس برضو جايه لمرت اخي حبيبتي
صفيه بابتسامه واسعه
ايوه كده اتعدلي تعالي نقعد فوق لحد م سيلا تخلص اكل واجيبهالك
جيدا وهي تتجه للصغيره الجالسه بعربتها امام الخادمه قائله
اوكي بس راح بوسها الاول قبل منروح لفوق
قبلت جيدا الصغيره بحنان وذهبت مع صفيه للاعلي وجلس بالتراس الخاص بالقصر المطل ع مظهر اكثر من الرائع لارقي الاماكن بباريس
جيدا بهدوء
شو فيكي صافي ليش عابسه هيك
صفيه بتنهيده طويله
يعني مش عارفه في اي ي جيدا
جيدا بجديه
بعرف وبعرف كل شي عم يعمله اخي معك بس فكرتك اتعودتي ع غيرته يعني
صفيه پغضب
دي مش غيره ي جيدا ده شك وقلة ثقه لما يحبسني فقصر زي ده مع الخدامين ومحاوطلي البيت بحراس وممنوع اخرج ممنوع حد يشوفني يبقي شك وقلة ثقه و والله محد يستحمل كده
جيدا بضيق
اوكي انتي معك حق ما حدا بيتحمل هيك بس انتي الوحيده اللي فيكي تتحملي عدنان ماحدا حبه قدك مو هيك
صفيه بابتسامه جانبيه
هو انا في حاجه مصبراني ع كل اللي بيعمله ده غير اني بحبه
تابعت پحده
بس زودها اووي جيدا والله طيب من اسبوع كده قالي هنطلع نتعشي بره فرحت وقولت اخيرا هشوف ناس واتكلم مع ناس لقيته خدني بالعربيه روحنا مطعم مفهوش حد محجوز كله لينا لوحدنا وجابني بالعربيه من غير حتي ممشي خطوتين
جيدا وهي تكتم ضحكاتها
لك كتر خيره الرجال ما بده يتعبك ويمشيكي يعني
صفيه بغيظ
اسكتي ي بت انتي انا غلطانه اني بحكيلك حاجه
جيدا بضحكه هادئه
عم بمزح معك صافي ما تبقي قفوشه هيك وبعدين ربنا رزقك بطفلين توأم متل القمر الهي حالك فيهم
قطعهم صوت عدنان الذي جاء لهم قائلا وهو يجلس بجوار صفيه قائلا
عدنان
وهي معاها اي غير عيالها تتلهي فيهم
تابع وهو يرمقها بجمود
ولا انا بتكلم غلط
صفيه بنبره غاضبه
هو انت عمرك عملت حاجه غلط ي عدنان
نهضت واقفه واردفت بجمود
هروح اشوف الولاد
رمقها بضيق وهي تغادر ثم نظر لشقيقته قائلا بهدوء
عامله اي ي جيدا
جلست بجواره قائله بلوم
اتركك مني انا انت شو اللي مسويه بالبنت عدنان حرام عليك والله
عدنان بجمود
عملتلها اي مهي كويسه اهي
جيدا پحده
مو كويسه عدنان البت من لما جبتها من مصر لليوم ما طلعت لحالها مره بره البيت لك انت معيشها بسجن
عدنان بضيق
سجن اي ي جيدا البيت ده مكلفني فلوس قد كده وموفرلها فيه كل حاجه تحتاجها ومن اجمل البيوت هنا وعندها خدم بينفذولها اللي بتطلبه وكل اللي بتتمناه
جيدا بجديه
وشو فايدة كل دا وانت مقيدها بين حيطان البيت ممنوع تطلع لبره ممنوع حدا من الحراس يشوفها وممنوع تشوف حدا او تحكي مع حدا لك حبيبي اذا انت ما واثق فيها مكنت اتزوجتها من الاول م كنت جيبتها لهون وغصبتها تتزوجك لما اجيتو ع طول واجبرتها ع عليك فاكر هدا الشي كمان ولا بذكرك فيه كذبت عليها وعدتها انك راح تتركها تتعود عليك بس من لما رجلها دخلت البيت هون وانت بلشت تتحكم فيها واجبرتها تتزوجك بسرعه وتتقبلك بسرعه
عدنان پحده
جيدا طلعي نفسك بره الموضوع انا حبيتها فوق متتخيلي مستحيل يكون حد حب حد زي مانا حبيتها وخاېف عليها من الهوا الطاير ومش عايز حد يشوفها ولا يلمحها دي حاجه خاصه بيا انا ومراتي انا اعمل فيها اللي عايزه
جيدا بحزن
بس
قاطعها بنبره صارمه
جيدا متدخليش فالموضوع ده بالذات واياكي تقوليلي هتاخديها وتخرجي عشان مزعلش منك
نظرت له بفقدان امل قائله
والله البنت الها الجنه انها متحملتك ولسه بتحبك
عدنان بابتسامه هادئه
وپتموت فيا كمان
نهضت من جواره قائله
ع شووو بدي اعرف ع شوو
عدنان بجديه
انتي رايحه فين
جيدا بهدوء
ماما اجت معي بالاتويل تاركتا لحالها راح روح لعندها وبجي بكره اقعد مع هي المسكينه
