رواية أحببته رغم كبريائي الفصل العاشر 10بقلم مريم احمد
انت في الصفحة 1 من صفحتين
10
خلص الامتحان و حبيبة و صحابها خرجوا من المدرج
حبيبة...ياريت كل الدكاتره زي دكتور نبيلة بجد
ضحكت مايفين و قالت
مايفين...بجد امتحاناتها تتحل بالاحساس
ضحكت حبيبة و هي بتهز راسها بمعنى ايوا
راحتلهم كارولين و هي بتقول پصدمة
كارولين...انا سمعت الطلبة بتقول ان الامتحان مش سهل و انه فيه افكار
حبيبة...يعني ايه
ردت عليها كارولين پخوف و هي بتقولها
كارولين...معرفش بقى
قالتلهم مايفين بزهق
مايفين...يو لع الامتحان يا جماعة خلاص
قالتلهم حبيبة بهزار
حبيبة... ياريت بجد
قعدوا شوية يهزروا و بعدين رجعوا تاني للمدرج عشان محاضرة دكتور مروان
...استغفر الله العظيم و اتوب اليه
كانت حبيبة و أصحابها ماشيين قالت كارولين
كارولين...صحيح يا اخواتي عيزين نخرج نغير جو
بصت مايفين لحبيبة و قالتلها
مايفين...اه ياريت اي رأيك يا حبيبة
هزت حبيبة راسها و قالتلهم بأسف
حبيبة...مش هقدر للأسف انتوا عارفين الشغل غير كدا البت رضوى ف اسبوع امتحانات و المراجعات و كدا و انا بديها مصروفها من مرتبي
مايفين...انتي مش قولتي ان اخوكي مهندس و ليه شركة
هزت حبيبة راسها و قالت
حبيبة...انا الي قولتله ملوش دعوة و ان الاولى بالفلوس دي بيته
كملت بتوضيح و هي بتقول
حبيبة...هو اصلا شريك ف الشركة و كمان مجرد شريك بنسبة 30 بس
هزت كارولين راسها بتفهم و قالتله
كارولين...ايوا ..خلاص يا حبيبة مش مشكلة خلينا نخرج و انا عزماكي يا ستي
حبيبة...دا ع اساس اني هوافق يعني
مايفين...و فيها اي يعني يا حبيبة م احنا صحاب
حبيبة...قولت لا و برضو قولت اخرجوا انتوا صح
كارولين...حبيبة انتي عارفه كويس اننا مش هنخرج من غيرك
ابتسمت و قالت
حبيبة...لا اخرجوا عادي
كملت و هي بتنهي الكلام و بتقول
حبيبة...انا هروح الشغل بقى يلا سلام
مايفين...بكرة اجازة من الجامعة و انا عازماكوا ع الغدا عندي ف البيت
ابتسمت حبيبة و هزت راسها و قالتلها
حبيبة...ان شاء الله يلا باي
و ركبت اول تاكسي جيه قدامها و مشيت
.....سبحان الله و بحمده سبحان الله العظيم
روحت البيت و اتغدت مع اهلها و قعدت معاهم
علاء...عملتي ايه انهارده ف الكلية
حبيبة ... الحمدلله
علاء...طب كويس
ابتسمتله و بصت لأختها و هي بتقولها
حبيبة...هتخلصي امتحانات امتى
رضوى...بعد بكرة
حبيبة...على خير ان شاء الله
ابتسمتلها رضوى و سكتت
قالت حنان لحبيبة
حنان...بت يا حبيبة
بصتلها حبيبة و حنان كملت كلامعا و هي بتقول
حبيبة...انتي بكرة اجازه صح
هزت راسها و قالتلها
حبيبة...من الجامعة اه لكن رايحة المطعم الساعه 6
حنان...حلو
استغربت حبيبة و قالتلها
حبيبة...في حاجه ولا ايه
حنان...اه هروح لخالتك عشان عندها برد و تعبانه ف هروح ازورها و كنت عايزاكي تيجي معايا
هزت راسها و قالتلها
حبيبة...حاضر يا ماما
قالتلهم قبل م تقول
حبيبة...هقوم اجهز غدا بكرة طيب عشان بابا و رضوى
قالت رضوى باعتراض
رضوى...لا خلونا نجيب اكل جاهز احسن
بصتلها حبيبة و قالتلها بابتسامة
حبيبة...انتي ف ايام امتحانات و محتاجة الفلوس عشان مراجعاتك وعد بعد بكرة هاجي اخدك
