سكريبت زهرة التوليب كامله
ياه
غيث أنت اكيد مو زعلانة مني
فايا اكيد ليش لازعل منك تؤبر ئلبي يالله روح
اطلعت عالساعة بايدي وتذكرت موعدي مع توليب
واديش ألحت وأصرت لحتى عطيتها هالموعد مش حأخلف فيه هالمرة
ركضت بسرعة عالمطبخ حضرتله الاكل قبل ما تجي توليب
توليب سلام خالة فايا
فايا اوف منك جفلتيني ايمت جيتي
توليب هي ډخلتي فوتني غيث لعندك
توليب بس لا تطولي علي اي
فايا اكيد
حطيت دلوة القهوة عالنار وصفنت شوي مابعرف إذا أنا متأكدة من هالخطوة بس انا كتير بحاجة لاحكي شو من كانت النتائج كتير تعبت لحالي وشارك كلشي لحالي انا بحاجة اي بحاجة اطالع الشي يلي جواتي
مسكت الصينية وطلعت لعند توليب اطلعت عليها بثبات
كبرنا سوا وبنفس الحارة تربينا بنفس الطريق مشينا
انا وهو احجية وحدة ولغز واحد وجوابه نحن وبس
الشبابيك جمعتنا بتعرف كل أسرارنا بتعرف كم دمعة نزلنا وبتعرف سر كل ضحكة هي سمعت اول كلمة بحبك وشافت اول احساس وشعور كانت شاهدة ع كلشي انا بكره الشبابيك كتير بكرهن أو يمكن بالأحرى بخاف منن بخاف كتير
فايا اوف هلا لطلعت امي وانا ركضت عهالشباك
غيث اي قومي قومي طلعي عالسطح
فايا بخاف امي تجي
غيث لك لا تخافي طلعي ما حتجي بس شافت ام سليم بيغرقوا سوا قومي
سكرت الشباك وركضت بسرعة لفوق
قلبي معه بيرقص بنسى الزمن وبصير عايشة فوق السحاب مابعرف لا حدود ولا قوانين معه بعرف انه هو مني ولالي
فايا شو بدي احكي يعني
غيث مثلا انه ليش طالعة حلوة كتير اليوم
رجف قلبي وعيوني معد عرفت ثبتتهم لما تسمع كلمة حلوة فجائية من الشخص يلي بتحبه بتحس انك صرت خارج الكون خارج التغطية صرت أسير لدقات قلبك ومعد فيك تسمع غير صوت قلبك وهو بيخفق
غيث شبك يا مچنونة ادايئتي
فايا شو
فايا ليش
غيث شبك ولو انت معي
فايا انا انا ب ب بدي انزل
ركضت بسرعة بدون ما الټفت لوراي وبحركة سريعة منه مسكني من ايدي
هي كانت المرة الأولى يلي بتلمس ايده ايدي فيها حسيت بكهربا عم تمشي بكل جسمي صرت ارجف مابعرف ليش عم ارجف حب خوف برد ما بعرف
بس كنت برجف بقوة
رفعلي راسي ب وصارت عيوني مقابل عيونه
غيث مو واضح عيوني شو عم يحكو
غيث بس عيونك واضح شو عم بئولو
غيث نحن مش بس رفئة حارة فايا مو بس جيران
فايا انا انا بحبك
فجر اخر قنبلة بقلبي معد حسيت ع شي كان شعور صعب وصفه كتير مثلا متل انه حدا يركبلك جناحات ويحكيلك طير بحرية متل حدا يقعدك فوق الغيم ويقلك احلم
ماكنت متمنية اللحظة تنتهي ابدا
