رواية بستان حياتى الفصل 18

وعايز يحبسني. أنا مش عارف أعمل إيه. الدنيا واقفة في وش جوازنا
يتوقف للحظة ثم يتابع بتمثيل متقن على العموم لو اتحبست اعرفي إني عمري ما حبيت غيرك وكل اللي عملته ده كان عشانك.
أمنية پصدمة إيه الكلام ده ومين اللي هيسيبك تتحبس كام المبلغ ده نرمهوله في وشه.
وليد كفاية مش عايز أخد منك فلوس تاني.
أمنية فلوسنا هي فلوسك يا وليد. وبعدين إيه لزمتها الفلوس من غيرك
يخبرها وليد بالمبلغ
أمنية بحسم كده كده ابويت وسهير جاعدين في الجنينة هطلع أجيب لك الفلوس حالا. تديها له وتچيب ورقك اللي معاه وتجطعه.
وليد بخبث ما تحرمش منك يا روحي.
تذهب أمنية لتحضر المال تعطيه لوليد ثم يغادر بحجة سداد الدين.
بقلم_سلوى_عوض
بعد ساعة
فؤاد إنت عايزة أي بيت ولا في حاجة معينة في بالك
سهير لا بيت معين أنا عرفاه وكلمت أصحابه مستنينا نروح نكتب العجود.
فؤاد هنروح امتى
سهير خير البر عاجله. يلا دلوقت.
فؤاد جهزي حالك لحد ما أطلع أجهز وأجيب الفلوس. آه صح هما طالبين كام
تخبره سهير بالمبلغ ثم تبتسم بدلع.
سهير البس الجلابية الرمادي وعليها العباية الړصاصي. بتبقى جمر فيهم يا فؤاد.
فؤاد مازحا مش خاېفة البنات تعاكسني
سهير بهدوء المهم إنت رايد مين
يذهب فؤاد بينما سهير تحدث نفسها قائلة قال بنات تعاكسه قال داهية في خلقتك.
يذهب فؤاد لغرفته ليفتح صندوق الفلوس.
فؤاد يحدث نفسه الفلوس جلت كده ليه يلا مش مهم. لسه البنك والأراضي وبجيت الحاجات. كله عشان لهطة الجشطة اللي تحت دي. يا بختك يا فؤاد يا أبو العمري. هتجضي باجي حياتك مع فرسة مش نجوى اللي كركبت دي وبومة مورهاش غير البكى.
يأخذ الفلوس ويغادر مع سهير لشراء المنزل الكبير.
بقلم_سلوى_عوض
بعد يومين في القاهرة
يتصل عصام بسليم
عصام إيه أخبارك يا صاحبي
سليم الحمد لله يا صاحبي عرفتلي حاجة عن الواد ده
عصام عرفتلك كل حاجة عنه هو وأخته.
سليم أنا معنديش شك في قدراتك. احكيلي يا صاحبي.
عصام اسمع بقى يا سيدي... الواد ده متجوز واحدة في إسكندرية أهلها جزارين كبار وكان فاكر إنه هيعيش في العز. لكن مراته بخيلة جدا ومبتدلوش مليم ومش قادر يطلقها لأنه خاېف من أهلها. كمان هما مكتبينه مؤخر كبير ومفهمهم إنه قاعد في الصعيد مع أمه وإخواته الصغيرين.
سليم هي أمه عايشة وعنده إخوات
عصام لا يا سيدي بيضحك عليهم. معندوش غير سهير بس. وطبعا هو عارف إن مراته في إسكندرية مش هترضى تسيب بلدها وتروح الصعيد عشان كده عرض عليها كذا مرة وهي رفضت.
سليم وإيه تاني يا عصام في حاجة تاني عنه
عصام فاشل ونصاب . وبالنسبة لسهير ما تختلفش عنه كتير. الهانم اتجوزت مرتين من رجاله كبار في السن لكن بعد ما ماتوا طلعت من المولد بلا حمص عشان عيالهم طردوها. والتالت شبهها وهي متعرفش إنه نصاب. رمى عليها يمين الطلاق ولما