رواية لخبطيطا الجزء الثاني الفصل الثاني بقلم عبد الرحمن الرداد
كنت ناوي أقولك على حاجة تانية! الأهلي خد افريقيا للمرة ال 25 في تاريخه في الزمن اللي أنا فيه وكان نهائي بين الاهلي والزمالك للمرة التانية والزمالك لسة بيقول السادسة يا زمالك حمادة هلال لسة مخلص تصوير المداح الجزء العشرين
حالة من الصدمة سيطرت عليه بينما نظر طيف إلى حور وتابع
وأنتي يا ماما بتحبي الكشري جدا من ساعة ما كلتيه على أرض بابا بتحبي القراءة جدا وعندك قدرة صنع أي تقنية حديثة وهقولك على سر محدش يعرفه خالص وأنتي قولتيه ليا وأنا صغير
هسألك على حاجة لو فعلا عرفتها هصدقك
ابتسم طيف واقترب منه وهو يقول بثقة
اسأل
تقدم واقترب منه هو الآخر وقال بهدوء
اسم عيلتي الرداد ليه اكيد قولتلك لما خلفتك
ضحك طيف وأجابه بهدوء
جد جدي كان بيتاجر في الردة علشان كدا اتشهر عنه الرداد ومن هنا جيه اسم العيلة
خالو فادي تعرف إنك أقرب حد ليا هناك بعد ما خسړت كل حاجة!
ضيق فادي حاجبيه وردد بتعجب
أنا
هز رأسه بالإيجاب وتابع
أيوة أنت طيب أوي
لم يستطع هو الآخر أن يتحدث وظل الصمت مسيطرا على الموقف إلى أن تحدث عبدو قائلا
رجعت بالزمن ليه وازاي
هحكيلك كل حاجة بس ممكن احضنك
تأثر بكلماته وشعر أن هناك شيء خطېر حدث بالمستقبل فحرك رأسه بالإيجاب ليتجه طيف إليه ويحضنه بقوة قبل أن تنهمر الدموع من عينيه بغزارة.
تعجب عبدو مما يحدث وشعر ببكائه فأبعده قليلا عنه وضم كتفيه وهو يقول
أغلق عينيه پألم قبل أن يقول بجدية
هحضن ماما بس الأول اشبع من وجودكم وبعدين اتكلم
ترك والده واتجه إلى حور وحضنها بقوة فوضعت يديها على ظهره ورددت بصوت ضعيف
متعيطش يا طيف أنا معرفش ايه اللي حصل بس واثقة إني لو كنت موجودة وقت اللي حصل مكنتش هسيبك زعلان كدا
ابتعد عنها قليلا وهز رأسه بابتسامة قائلا
في تلك اللحظة دلف الحاكم إلى تلك الغرفة وهو يقول بعدم رضا
أنتوا فين الأكل جه ...
صمت عندما وجد طيف الذي قال بابتسامة واسعة
جدو!
رفع مارد أحد حاجبيه وقال بتعجب
جدك! أنت مين
هنا تدخل عبدو و حور وبدأوا في شرح ما حدث منذ بداية اللقاء وأن طيف هو ولدهم القادم من المستقبل واستمر الحاكم وقت طويل حتى اقتنع بذلك بسبب إثباته له كما أثبت لوالديه
ساد الصمت لثوان قبل أن يتحدث
