رواية ساره كامله

زمان ومواقف ليه وهو في إبتدائي وعن اللي كانو بيعملوه وكانو بيحكو عن ذكرياتهم لحد ما فارس نام..
بصت عليه لاقتو نام إتنهدت وقالت بصوت همس مش عارفه أمشي ورا قلبي ولا عقلي يا فارس مش عارفة..
سمعت صوت مسدج وصل لفون فارس
مسكت الفون لقت المسدج من ميرا..
فارس هو مينفعش نراجع موضوع جوازنا دا ونأجلو لحد ما تطلق ست سارة اللي عندك دي وبعدها نتجوز !! 
سارة ضغطت علي الفون جامد وقالت كل دي إشارات وأنا غبيه غبيه..
سابت الفون جمبها وحضنته جامد وهي بټعيط في صمت..
صباح تاني يوم 
صحي فارس من النوم وهو بيفرك عينه من أثر النوم بص جمبه ملقاش سارة..
قال بصوت عالي سارة .. يا سارة
خبط علي باب الحمام مسمعش صوت فتح الباب ملقهاش راح أوضة الأطفال مش لاقيها جري علي الحمام التاني مش لاقيها وبص في المطبخ وقلب عليها الشقة مش لاقيها خالص بيدور علي فونه علشان يرن عليها لقاه موجود علي السفرة وجمبو فطار وتحت الفون ورقة..
يتبع..
الثالث عشر 
الأخير .
لقي ورقة مكتوب فيها.
فارس..أنا أسفة إن سيبت البيت بس دي الحقيقه إنت فعلا مش هتعرفلي طريق.. حاولت أنسالك اللي فات ونعيش من جديد لاقيتك لسه بتتعامل مع ميرا وكمان هتتجوزو ووهي رافضه الجواز علشان أنا علي ذمتك ف أنا سبتك ليها وعلشان مبقاش حاجز ما بينكم وربنا يهنيكم ببعض بس عايزه أقولك إن بحبك أوي ومازلت مش قادره أكمل معاك وإنت مع غيري ولا هقدر أكون معاك وإنت مش بتحبني..كنت بتمني أفضل معاك وأجيب بيبي منك وكان هيطلع شبهك لإن هفضل بصالك دايما كان نفسي يكون جوايا حتة منك علشان بحبك أوي ممكن تضايق شويه بس هتعيش من بعدي .. وأنا مش عند ماما علشان متدورش عليا ولو دورت مش هتلقاني يا فارس لإن مشيت خالص .. بس هتوحشني أوي يا فارس هيوحشني حضنك أوي وكلامك ليا وإن أصحي علي شكلك وصوتك وحضنك ليا هتوحشني بكل تفاصيلك عشت معاك سنه بس كانت أحلا سنه في حياتي بالرغم من إن شوفت منك كتير .. بس هتوحشني أويي .. وعاملالك فطار علشان دي أخر حاحة هتاكلها من إيدي
سارة 
فارس كان بيقرأ كل دا و دموعه بتنزل علي خدوده ركز في الورقة لقي فيه حروف دايبه وفيه أثار مايه عرف إنها كانت بټعيط وهي بتكتب
مسك الفون ورن عليها لقي فونها مقفول
قعد علي الأرض وفضل يعيط زي الطفل اللي أمه ضاعت منو ومش لاقيها وسط زحمة..
كرر كلمة لية يا سارة ..لية يا سارة
بعد إسبوع في بيت ميرا 
نيرمين بزعيق لو إنتي هتعملي كدة أنا هروح أقول لفارس كل حاجة
ميرا بتحذير إياكي تقوليلوا ھقتلك
نيرمين بصتلها بسخريه ومشيت وفتحت باب الشقة وقبل ما تطلع كانت ړصاصه جات جمبها بالظبط
لفت وبصتلها ومصدومه وقبل ما تتكلم كانت ړصاصه تانيه في قلبها
بصتله پصدمه وقالت فارس
فارس بإبتسامة إيه يا روحي عدا إسبوع مش هنتجوز
قبل ما ترد عليه دخل الظابط ومعاه العساكر وقبضو عليها بص فارس لنيرمين بحزن وقال كنتي ضحېة للعبه و زي دي حقك عليا يا نيرمين
لبس نضارته ونزل راح لأبوه..
عبدالله بقلق ها لاقيتها 
فارس هز راسه ودموعه نزلت وقال مش عارف عنها أي حاجة قلبي هيقف مش حاسس بأي حاجة محتاجها معايا وحشتني أوي يا بابا البيت من غير سارة وحش أوي ومضلم مش عارف ليه سابت البيت ومشيت وأنا مش عارف عنها حاجة
دخلت مليكة وقالت سارة سابت البيت !! سابتو ليه يا فارس عملت فيها إيه إنتو كنتو راجعين من شهر العسل بتاعكو حلو
فارس حط راسه بين إيده وقال مكوناش في شهر عسل يا مليكه دا كدبة أنا وسارة عملناها
قربت مليكة وقالت أومال كنتو فين أكتر من سبع شهور يا فارس
فارس رفع راسه وبصلها وقال كنت بتعالج من الکانسر
قعدت علي الأرض پصدمة وقالت کانسر!
هز راسه ومسح دموعه وقال كان عندي کانسر في الډم ومكنتش ناوي أتعالج سارة شافت رسالة جاتلي من معتز في الفون بإنه هيقول ليكم لو متعالجتش وفضلت ټعيط وطلبت مني أتعالج وفعلا روحت وبدأت الكيماوي وكانت معايا وشايله همي وحملي كلو وكانت بتستقبلني وبتستقبل همومي بإبتسامة جميلة منها وتشجيع وكانت دعم ليا كبير أوي ولما رجعنا شافت مسدج من ميرا علي إننا هنتجوز صحيت تاني يوم ملقتهاش وسايبالي ورقه علي إنها سابت البيت وإنها بتحبني ومدورش عليها وهوحشها
دموعه نزلت أكتر وقال وحشتني أوي ھموت وأشوفها حاسس إن حياتي واقفه من غيرها يارتني ما كنت إتعالجت لو كنت أعرف إنها هتسيبني كدة
قامت مليكة وحضنت فارس وقالت أكيد هترجع أكيد أنا عارفاها لما بتزعل بتبعد فتره عن الكل بس بترجع تاني أنا واثقه إنها هترجع علشان بتحبك
حضن أخته وقال بعياط يارب أنا مش قادر أعيش من غيرها حياتي واقفه رجعهالي يارب ومش هزعلها مني هشيلها في عيوني والله رجعهالي
عيطت مليكة علي عياطه وهي بتدعي سارة ترجع
بعد مرور سنه كامله 
قاعد فارس في أوضته وكانت عباره عن صور لسارة والصورتين اللي إتصوروهم في فرح شيري والصورة اللي إتصوروها ولما كان نايم في حضنها في المستشفي اللي لقاهم في فونه .. كل دول مطبوعين وحاطتهم علي الحيطان وفيه صورة منهم مطبوعه علي مخده بياخدها في حضنه لما بينام دا لو بيجيلو نوم أصلا!
كان قاعد علي الأرض وساند علي السرير ودقنه كبرت وخاسس وهالات سودة تحت عيونه وبرواز في صورته هو وسارة موجود في حضنه وباصص قدامه ببهتان ودموعه نازله وكلامها بيتردد في عقله من ساعة ما عرفها من أيام الثانوي ..
وعلشان قلبي مازال بيحبك الله يبارك فيك يا فارسي طبعا موافقة إنت عارف إن بحبك جدا من بدري أوي مش عارفة ليه پتكرهني مش عارفة عملتلك إيه يخليك تكرهني كدة بس أنا بحبك أوي يا فارس وعمري ما هعرف أكرهك لإن إنت أول حب في حياتي وبقيت جوزي وكان نفسي تبقا أبو عيالي ونعيش أسرة سعيده ونحكي لأحفادنا عن قصتنا الجميلة بس كل دا إتهد وليه علشان إنت مش بتحبني بتمنالك السعاده دايما حتي لو مش معايا أنا بحبك يا فارس لو خلصت كسر فيا عن إنك فارس متسبنيش أرجوك أنا بحبك فارس إحنا لما نتجوز عارف هحكي لأولادنا عن قصة حبنا لبعض وعملنا إيه علشان نكون لبعض 
وطي راسه وهو مازال حاضن البرواز وقال بصوت مكسور تعبنا أوي علي ما إتجوزنا بس للأسف إنتي بس اللي تعبتي وكنتي الضحيه .. وحشتيني أوي يا سارة حياتي والله العظيم واقفه من غيرك لا قادر أكل ولا أشرب ولا أنام من غيرك إرجعيلي يا سارة ليه