سكريبت احمد ورقية كامله بقلم اية محمد

علي السفره وجلسوا منتظرين الأذان و بعد دقائق أذن المؤذن وتناولا طعامهم...
أحمد أجهزي علشان هننزل نجيب لبس العيد و نجيب لبس لفرح خالد..
رقية بضحك وتبقي أعلنت إفلاسك علي الأخر..
أحمد بضحك اه والله بس المهم تبقي مبسوطه الفلوس بتروح وتيجي مش هنقعد نبكي جمبها هنلم الأكل بس و نصلي علي ما المحلات تفتح...
رقية ماشي...
بعد ربع ساعه دلفت رقية للغرفة وبدلت ثيابها نظرت للمرآه ثم نظرت ليدها لدبلته التي وضعها في يدها اليوم..
رقية عاوزة إيه تاني يا رقية حرام عليكي اللي أنتي عملاه فيه دا بلاش تعقدي نفسك و حياتك و تخسري اللي إهتم بيكي بسبب اللي مهتموش.. هو بيحبني وأنا.. أبقي عبيطه لو كنت غير كدا أنا كمان بحبه.. 
بس أقولهاله إزاي دي بقي أنا هتكسف أوي و مش هعرف أقول بسهوله.. 
يا سلام دا علي اساس إيه ما أنتي لسه قايلاله أنت أحلي من كام ساعه...
خرجت رقية معه وهي شارده وتفكر في حل لأمرها هذا حتي تذكرت أمرا ما..
رقية مش أنا خلصت الكتاب!!
أحمد والله طب وإيه اللي حصل! البطل ماټ مشلۏل
رقية ليها جزء تاني..
أحمد و يا تري خلصت علي إيه!!
رقية بتوتر البطله قررت تعترف للبطل بحبها بس مكانتش عارفه..
نظر لها أحمد قليلا و أنتبه أنها تتحدث عنهما..
أحمد بهدوء لازم تفكر في قد إيه هيكون هو سعيد لما يسمع منها كدا لازم تعرف أنها هتكون لحظة مهمه و حلوة و مش لازم تأجل أبدا.. 
و تفهم كمان أنه جوزها و حلالها و ان مباح ليها تقوله كل اللي في قلبها من غير تردد وخوف..
صمتت رقية قليلا ثم عادت لغرفتها و أخذت ورقة و قلم وكتبت بهم بحبك...
خرجت من الغرفه و أتجهت له فنظر لها بإستغراب مدت يدها له بتوتر فأخذها وقرأ ما بها.. 
تحولت نظرته المستغربه لإبتسامه واسعه نظر لها بسعاده وأقترب منها ضمھا لصدره ورفعها عن الأرض ظل هكذا لدقائق ثم أبتعد عنها و قبل رأسها..
أحمد والله أني بحبك وبحب صحبتك و قلبك اللي مفيش أنقي منه أنتي هديتي و مكافأه قلبي اللي صبر عشان يفوز بيكي أنا بحبك يا رقية.. 
أنتي خليتي القلب دا عاشق..
نظرت له رقية بأعين دامعه من كلماته و أقتربت منه و وضعت رأسها علي صدره فضمھا مرة أخري له..
رقية أنا عرفت دلوقتي ليه كل دا حصل عشان ألاقيك يا أحمد أنا بحبك...
تمت..
آية_محمد..