رواية اسيرة الماضي كامله بقلم اية محمد

اللي محتاجه فرصه..
مريم ولما تزهق مني هتسيبني زي ما عملت مع سيرين صح!! انا مش ببقي مطمنه وأنا معاك.. هامنك عليا ازاي!! 
حتي لو انت تستاهل الفرصه انا مش هقدر اديهالك....
مراد انا سيبت سيرين عشان مكنتش بحبها.. و انا مرميتهاش انا جوزتها أحسن جوازة..
مريم مش موضوعي...
مراد لا لازم تبقي فاهمه اني مرميتهاش ولا حاجه... تعالي معايا..
مراد سحب ايد مريم المربوطه وفتح الباب وخرج من المخزن.. مشي كام خطوة ومريم بتحاول تسحب إيديها منه بس من غير نتيجة... 
مراد فتح باب العربية وخلاها تقعد بالڠصب وبعدين ركب جمبها وساق ب أقصي سرعة...
بعد نص ساعة كان واقف قدام بيت كبير.. خرج ومريم وراه كانت هديت شوية.. بتبص حواليها بدهشة مش بتقاوم... 
مراد دق جرس الباب و وقفوا لثانية لقوا الباب بيفتح...
خالد تعالا.. تعالا بسرعة..
مراد پصدمه في اي!!
خالد تعالا اشهد دلوقتي اهوه عليها... اهو جالك يا سيرين...
مراد دخل جوا و وراه مريم و شافوا سيرين وهي قاعده علي الكرسي و بطنها قدامها لأنها في الشهر الأخير من الحمل...
سيرين تعالا يا مراد اتفضل... بص قبل ما تقعد عايز تشرب حاجه ادخل اعمل لنفسك.. عاوز تاكل الأكل جوا قوم هات لنفسك.. انا مش قاردة اقوم من مكاني.. ربنا ما يحوجني لحد..
مراد انت عملت اي!
خالد يا جدع والله ما عملت حاجه...
سيرين انا بتبلي عليك يعني!! ولا انت قصدك أني ست نكدية و انك مش عاجبك حياتك معايا يعني..
خالد انا قولت كدا!! وبعدين كل الدراما دي عشان مسلسل تركي!!
سيرين قصدك اني تافهه!!!
خالد لا حول ولا قوة إلا بالله.. بص يا مراد هي طلبت مني أنزلها مسلسل تركي تمام
مراد تمام..
خالد قولتلها هخلص الشغل اللي في ايدي و أعملك اللي أنتي عايزاه يا حبيبتي.. قولت يا حبيبتي ولا مقولتش!!!
مراد ها وبعدين يا أبني..
خالد بس يا سيدي وعينك ما تشوف إلا النور.. من ساعتها مش طيقاني..
مراد أنا كنت بفكر اتجوز بس شكلي هفكر..
مريم بصتله بغيظ و اتضايقت منه و بعدين بصت لخالد اللي رغم تفاهه الموقف راح يصالحها مراعاه لوضعها...
خالد والله يا حبيبتي معنديش أغلي منك..هو حد بيحبك قدي يا سوسو يعني...
مراد خلاص يا سيرين الراجل اعترف بغلطه..
سيرين خلاص خلاص حصل خير.. بس يا مراد لو سمحت تنبه عليه مفيش شغل في البيت تاني..
خالد حاضر والله..هعملك اللي أنتي عايزاه يلا اضحكي بقي...
سيرين بإبتسامه خلاص مش زعلانه هقوم أعملكوا عشا...
سيرين وقفت ولسه بتدير لقت مريم واقفه.. بصتلها پصدمه وبعدين بصت لمراد وهي مش فاهمه..
سيرين مريم!
مريم بتوتر أنا عاوزة أمشي يا مراد..
مراد لحظه واحده.. سيرين أنا قصرت ناحيتك! جوازتك من خالد كانت فيها اي ظلم ليكي ولا أنا سلمتك لحد محترم بيحبك وشاريكي و عايشه مرتاحه ومبسوطه!!
خالد هو.. في اي!!
مريم خلاص مفيش حاجه.. انا عاوزة أمشي بعد اذنكوا..
مريم خرجت و مراد خرج وراها و سيرين وخالد مش فاهمين اي حاجة... 
مريم خرجت مشيت علي الطريق السريع ومفيش اي عربيات بتعدي و مراد وراها..
مراد مريم ارجعي هوصلك..
مريم مش عايزة منك حاجه..
مراد پغضب أنا قولت كلمة..
مريم پغضب وأنت مفكرة ان كلمتك أمر عليا!!
مراد مريم متعصبنيش.. مش هينفع تمشي لوحدك..
مريم لا معلشي انا اعرف اخد بالي من نفسي كويس..
مراد انتي غبية!! أنتي كنتي مخطۏفة.. اصلا انتي تحت حمايتي دلوقتي..ومن غير اي حاجه انتي في حمايتي فاهمه..
مريم بتعب أنا محتاجه اللي يحميني منك يا مراد..
مراد يااه.. دا انتي قلبك جامد اوي.. غلطت في حقك وندمت.. اعتذرت وقولتلك اني بحبك وانتي لسه عاوزة ټعذبي فيا اكتر من كدا!! 
يلا يا مريم هوصلك ومش عاوز جدال...
مراد راح جاب العربية و وقف قدامها لثواني.. ركبت العربية من سكات من غير ما ترد عليه و هو ساق العربية في هدوء لحد ما وصل قدام بيتها...
مراد بهدوء مريم.. انا بحبك.. وبقولك تاني أنا غلطت في حقك.. لكن لعل حرصي عليكي ان اللي اوهمت أخوكي بيه ومحصلشي يشفعلي عندك.. تاني يا مريم أنا بحبك بجد ومش عايز غيرك ومش هيبقي في غيرك.. خلي بالك من نفسك...
مريم طلعت شقتها وهي تايهه من كلام مراد ومش عارفه تفكر.. 
هل هي من جواها سامحته ولا لا.. هل هي فعلا قسيت عليه ولا لا!!! 
كان البكاء نصيب مريم الليلة دي و الحيرة والتعب.. التعب من حياتها لوحدها ويمكن هي محتجاله بس بتنكر دا من جواها.. يمكن هي بتحبه بس لسه بتعاقبه علي اللي عمله بأنها تحرمه منها.. بس بالشكل دا هي بتعاقب نفسها هي كمان!!
.............................. 
تاني يوم في السچن...
مريم قاعدة و بتتفرج علي محمد اللي بياكل من الأكل اللي عملتهوله بنهم و هو جواه حزن الدنيا كلها...
محمد وحشني أكلك أوي يا مريم..
مريم بجمود عامل اي!
محمد عايش..
مريم بابا سامحك قبل ما ېموت..
محمد بدموع الله يرحمه..
مريم يا رب..بس أنا مش هسامحك يا محمد.. انا جاية بس اسألك لو أنت كنت مكان مراد.. كنت هتعمل اللي هو عمله..
محمد بتفكير مراد حاول يوصلي كتير بس انا عرفت أهرب منه.. انا لو كنت مكانه اه كنت هعمل كدا.. مش ههتم بالمستوي اللي هنزله قد ما ههتم ان حق أختي يرجعلها قدام كل الناس...
مريم بس انا ذنبي اي!!
محمد ذنبك أنك أخت واحد زيي يا مريم.. انا كنت هحرق عيلته كلها لو كنت مكانه...بس هو قالي أنكم اتجوزتوا وو
مريم مراد مأذنيش بالشكل اللي انت فاكره.. اه اتجوزنا بس علي ورق بس.. كانت خطته يوهمك بان نفس اللي انت عملت عمله فيا...
محمد بجد!!
مريم دلوقتي اتطلقنا.. من سنتين..
محمد ليه!! انتي اللي طلبتي الطلاق
مريم ايوا عشان هو أوهمني بحاجات كتير كدب.. و بعدني عن بابا بطريقة بشعة و قال اي بقي اتجوزني و كأنه عمل فيا جميل يعني.. 
أنا كنت أتمني شخص يكافح عشان ياخد حقه من غير ما يظلم حد تاني معاه...
محمد طيب انتي ليه بتسألي عن كدا دلوقتي..
مريم عشان هو عايزني أرجعله..
محمد ليه
مريم بيقول بيحبني..
محمد أديله فرصه يا مريم.. انا عارفه هو كويس صدقيني.. حاولي تسامحي اللي اذاكي بيه وأفتكري اللي أخوكي عمله في أخته التؤام..
مريم تؤام!!
محمد ايوا.. مروة كانت اخت مراد التؤام..
مريم أول مره أعرف..
محمد أرجعيله يا مريم.. اخوكي عمل ذنب كبير أووي و الشيطان كان واخدني في طريقه.. بس هيفضل ذنبها في رقبتي العمر كله.. 
اتجوزي مراد يا مريم و عيشي حياتك.. وو.. وانسيني.. أنا أول ما هخرج من هنا هشتغل بالحلال و همشي في الطريق الصح إن شاء الله..
مريم بحزن أنا مش هاجي تاني بس هبعتلك أكل كل فترة...
محمد بندم شكرا...
مريم مشيت وهي بتفكر جواها هل تدي مراد فرصة ولا لا.. هل هو يستاهل فرصه ولا لا.. 
هو معترف بغلطه وإعتذر.. تسامحه!!!
رجعت بيتها وكملت يومها لوحدها كالعادة من غير تكلم حد أو حد يكلمها... ودخلت تنام من غير ټعيط النهاردة... 
تاني يوم الصبح فرح صحيت علي صوت خبط علي الباب وأول ما فتحت لقت مراد واقف قدامها وقميصه عليه ډم وفيه