رواية نور_الاعمي الجزء الثاني البارت الخامس بقلم جهاد محمود
#رواية نور_الاعمي
الجزء الثاني البارت الخامس بقلم جهاد محمود
في المساء
صفاء كانت بتتكلم في التلفون
صفاء بسعادة : زي ما بقولك كده يا باشا ساب الفيلا ومشي
الباشا بعدم تصديق: انتي سامعه نفسك بتقولي اي ازاي زين مشي
صفاء: والله مشي كان بيقولهم انه معدش قادر يقعد هنا تاني
الباشا: معني كلامك ده ان زين الألفي استسلم وانا مستحيل اصدق حاجه زي دي
صفاء: لا يا اخويا صدق انت مشفتش حالته كانت عامله ازاي دا كان يائس خااالص ومكنش في اي حد من عيلته راضي عن اللي عمله دا حتي يزن اللي بالنسبه له اكتر من أخ اتخلي عنه وقاطعه
صفاء: ليه بتقول كده علي فكره اللي حصل لهم كان صعب عليهم وكمان زين حس بعجزه وانه مش قادر يحمي أهل بيته
باشا: مش عارف حاسس ان دا خطه منه
صفاء: طيب بالعقل كده اي الخطه في كده اي الخطه في ان زين يسيب البيت ويمشي ويسيب اهله هيعمل اي اصلا وهو مش بيشوف
الباشا: مستقليش بيه دا دماغه سم
صفاء: طيب انا هراقبهم وهثبت لك انهم يائسين اكتر مما تتخيل وهصور لك كمان
الباشا: تمام وقفل معاها
وهو قاعد بيفكر جاله اتصال من رقم غريب مسك الفون باستغراب ورظ
الباشا: الو
مجهول: اهلا بالباشا
الباشا باستغراب: مين معايا
مجهول: مش لازم تعرف انا مين المهم ان هدفنا واحد وعندي ليك اتفاق هينقلك مكان تاني خالص
الباشا بذكاء بعد ما شك في الراجل اللي بيكلمه: لا شكرا خلي اتفاقك لشخص سادج بيثق في الناس بسرعه بس انت شكلك متعرفش سامح الباشا
الباشا فتح الفون وبص پصدمه
في فيلا الألفي
في اوضه يزن رايح جاي في الاوضه بعصبيه وهو مش ضايق نفسه
ملك بحزن: يزن ممكن تهدي
يزن بعصبيه وصوت عالي خلي ملك تتخض وتخاف: اهدي عايزاني اهدي هااا اهدي ازاي بعد اللي عمله اخوكي هااا اهدي ازاي في عز ما نحن محتاجينه بكل بساطه مشي واستسلم ليه قال عشان عاجز ومن امتي هو بيفكر بالطريقه دي دا وهو في وقت عجزه انتقم من اللي كانوا السبب في عجزه ده ومۏت حبيبته وجاي دلوقتي في اكتر وقت محتاجه يسبني ويمشي بس خلاص انا مش محتاجه وهرجع اخواتي لوحدي ومش محتاجه
يزن بعصبيه: ممكن تطلعي برا عايز ابقي لوحدي
ملك من غير كلام خرجت وهي پتبكي ودا كله حصل تحت أنظار صفاء ومايا اللي كانت بتصور
—
في اوضه حسناء ومحمد
حسناء بحزن: انا مش مصدقه ان زين يعمل كده
محمد بسرحان وحزن: لا صدقي لانه عمل كده سابنا في وقت كلنا محتاجينه فيه دا حتي مفكرش في مراته وأختها المخطوفين واللي منعرفش مين خطفهم وليه خطفهم
حسناء بحزن: زين حس بالعجز بخطڤ نور وسيا بقي عنده شعور انه مش قادر حتي يحمي عيلته زين مكنش كده بس الضربات جات ورا بعض وهو مكنش لسه اتعافي من اللي حصل لنور وكمان هو مشيل نفسه ذنب اللي حصل لها
حسناء: زين واثق ان يزن هيقدر ينقذهم لوحده
محمد: ولو يا حسناء يزن بياخد قوته من زين وزين بياخد قوته من يزن هم الاتنين بيكملوا بعض مكنش ينفع اللي عمله زين دا
حسناء بصت له بحزن ومعرفتش ترد عليه لانه معاه حق في كل كلمه قالها
عند الباشا كان قاعد يفكر فى كلام المجهول
فلاش باك
المجهول: افتح تلفونك شوف بعت لك اي
الباشا فتح الفون وشاف اللي بعته المجهول كانوا عباره عن صور لسيا ونور وهم مربوطين
المجهول بخبث: هااا اي رايك
المجهول: انا عارف الصدمه تقيله عليك معلش خد وقتك وفوق براحتك
الباشا: طلبك أي
المجهول بخبث: حلو من غير لف ودوران تمن البنتين خمسه مليون
الباشا: موافق
المجهول: دولار
الباشا پصدمه: نعمممم
المجهول: هديك يوم تفكر فيه وترد عليا يلا سلام
وقفل معاه والباشا قعد يفكر في كلامه
باك
الباشا: انا لو بقيوا البنتين دول تحت أيدي مصطفي هيكون تحت رجلي ومش مصطفي بس ودا كمان عيله الألفي كلها وبيما فيهم حسناء وبكده هقدر اخد حقي منها بس لازم العبها صح مش زي المره الفاتت وكمان خمسه مليون دولار كتير
قطع تفكير الباشا رنه تلفونه وكانت صفاء
الباشا: أي يا صفاء في أخبار جديده
صفاء: افتح تلفونك بعت لك فيديو
الباشا اتفرج علي الفيديو واترسمت علي وشه ضحكه خبيثة
صفاء: واكون كده أثبت لك كلامي وان زين كده خلاص
الباشا: برافو عليكى وسكت مره وحده يفكر
صفاء باستغراب: باشا روحت فين
الباشا بتفكير: نص ساعه وتكوني عندي وخلي بالك ربما حد يكون بيراقبك
صفاء: خير في حاجه
الباشا: لما تيجي هقولك يلا سلام وقفل في وشها من غير ما يسمع ردها
الباشا لنفسه: انا لازم أوافق علي الاتفاق دا ولازم اجمع المبلغ ده بأي طريقه حتي لو هرهن كل ممتلكاتي
انتهي البارت ياريت تقولوا رايكم
#جهاد_محمود
