رواية حبك حياة كامله من الفصل الاول الي الفصل العاشر بقلم سهيله سعيد

رواية حبك حياة كامله من الفصل الاول الي الفصل العاشر بقلم سهيله سعيد
قصة حبك_حياة 
الحلقة الأولى ١ 
الساعة 2 بعد الضهر ف ڤيلا كبيرة جدا تشبه للقصر واقف عليها حراس جواها ناس رايحة وناس جاية ودوشة وزحمة وتوتر بنات واقفين بيرتبوا ف البيت 
نيرة هو احنا كل زيارة نبقا ف الدربكة دي كدة !!
دينا بقيت اكره اليوم الي يقول فيه انه جاي والله 

فرح بيبقا البيت زي الفل ولازم قبل م يوصل نعيد كل حاجة كأننا منفضناش من 30 سنة مثلا 
دينا م انتى عارفة اد ايه هو بيدقق ع كل حاجة كأنه مفتش الصحة 
نيرة عمك وائل مش طايق نفسه كل شوية يتصل ب عز يهزقه عشان اتأخر 
فرح ب حزن زمانه ع اخره ي قلبي 
دينا ب تريقة ي حنينة 
فرح بس ي رخمة 
نيرة مش ناويين تتخطبوا !
فرح اما اخلص امتحانات عشان بابا 
نيرة اهااا 
واحد واقف بيتكلم ف الفون 
وائل ب عصبية انتوا فين ي زفت انت 
عز ف السكة اهو والله 
وائل كل دة ليه يعني !!!
عز ي بابا انا عند ...........
وائل بس انت لسة هتشرحلي يلا جدك زمانه ف الطريق 
عز حاضر والله اهو 
وائل اخلص 
يقفل وائل 
اسلام في ايه ! 
عز انت عارف ابوك لما يكون جدك جاي لازم يوتر امنا ويخنقنا 
اسلام حظوا عسل الدنيا زحمة اوي انهاردة 
عز هنعمله ايه بقا يستنى 
ف البيت 
عزة م تهدى ي وائل متتعصبش ع الولا كدة !! 
وائل ي عزة بقالهم سنة ف السكة 
عزة الله مش سايبين شغلهم لما اتصلت بيهم وجايين
وائل انتي عارفة لو بابا وصل وملقاش الكل ف استقباله هيفكر بنقلل من قيمته ومش هيعديها وانا مش عاوز نكد من اول الزيارة كدة 
عزة معلش اكيد في حاجة معطلاهم ف الطريق انت عارف الزحمة ولو عمي وصل قبلهم نبقا نتحجج ب اي حاجة تغطي ع غيابهم بس متتعصبش ع عز كدة ل يعمل حاډثة ب اخوه ولا يجرالهم مصېبة دول لسة مدخلوش دنيا 
وائل ي ساتر ع فالك انتي كمان روحي شوفي الي وراكي يلا استعجلي الشغالين ف الغدا خلصي 
عزة ماشي 
تمشي عزة ويقربوا ٢ رجالة 
عصام ايه مالك ! 
مالك حصل حاجة ! 
وائل لا مافيش حاجة الولاد اتأخروا بس 
عصام طب انا لسة متصل ب بابا وقال قدامه نص ساعة بالكتير
وائل استغفر الله العظيم .. يارب يلحقوا انتوا عارفين ابوكوا بيحب الكل يبقوا حواليه وبيدقق ع التافهه !! 
مالك لا هيلحقوا ان شاء الله متقلقش انت بس ومتوترناش والنبي 
يدخل عز واسلام 
وائل اخيرا شرفتوا ي اساتذة 
عز والله السكة زحمة اسأل اسلام 
اسلام اه والله زفت اوي 
وائل طيب يلا بلاش رغي كتير اطلعوا غيروا هدومكم واجهزوا يلا 
اسلام وعز اوك ماشي 
مالك استنوا .. اومال فين مراد 
يتخض الكل ويبصوا لبعض كلهم 
مالك فين مراد 
عصام منزلش ليه 
اسلام ب ارتباك مراددددد ......... 
مالك ب زعيق انت هتمئمئ انطق 
عز ب توتر مهوووو .. مراد مجاش الشركة انهاردة 
مالك يعني ايه مجاش !!!!
وائل هو مش بينزل معاكوا ي بني كل يوم !!!
عصام طيب اهي كملت بقا ي عم كملت 
يمسك مالك الفون بسرعة يتصل بيه 
الصوت الهاتف الذي طلبته غير متاح حاليا 
مالك مقفول 
يجري ع فوق يخبط ع باب الاوضة ويفتح الباب مبيفتحش 
مالك ب زعيق مراااااد .. انت ي زفت افتح 
وائل مبيردش 
مالك لأ 
عصام هاتوا اي مفتاح احطياطي خلينا نفتح 
يجري اسلام يجيب مفتاح ويفتحه الاوضة ويدخلوا 
مالك مافيش حد اومال راح فين دة !!!
يطلع وائل البلكونة 
وائل عربيته تحت 
عصام يبقا اكيد ف البيت !! 
اسلام ايوة ي بنى مهو رجع من .. ال .. احم 
يحط عز ايده ع وشه 
مالك انتوا عارفين ايه بقا ومخبيينوا 
وائل ب انفعال انطقوا جدكم زمانه جااااي 
اسلام مهو اصلا مش ف البيت من امبارح بالليل ف ال night club منعرفش جه امتى ولا مجاش اصلا 
عز ب انفعال يخربيتك م تخرس بقااا 
عصام صح لازم يخرس م انت الي بتداري ع مصايبه ومعاه دايما 
عز انا ........... 
مالك خلصناااا دوروا عليه بسرعة اكيد سکړان الاستاذ ومخمود ف اي حتة ف البيت طلاما عربيته تحت 
عز واسلام يبصوا لبعض 
مالك يلا بسرعة 
يجري اسلام وعز يدوروا ف الادوار الي فوق وينزله تحت 
دينا في ايه !!! 
فرح بتجروا كدة ليه جدو جه !!!
عز لا دوروا ع مراد بسرعة مش لقيينه 
نيرة ب خضة احيه !!! 
يجروا يدوروا عليه 
اسلام عز اجري قول ل ابوك يتصل ب جدك يسأله بقا فين دلوقتي 
عز اوك 
يلف عز بسرعة يخبط ف فرح 
فرح اااه !! 
عز معلش ي قلبي 
فرح ولا يهمك ي وزتي 
نيرة انتوا لسة هتتغازلوا يلاااا 
دينا م تنجز يا عز 
عز اه اه 
يجري عز 
عز بابا اتصل شوف جدي فين 
وائل لسة عمك مكلمه قرب ع البيت 
مالك ملقتهوش ي عز 
عز لا لسة 
يمشي عز 
مالك اقسم ب ربي م هعديهالك يا مراد 
عصام ادي نتيجة دلعك انت ومراتك فيه مش معنى انه الكبير انك تسيبله كدة 
مالك بالله عليك ي عصام انا مش ناقص تقطيمك دلوقتي 
يمشي مالك 
وائل م تهدى ي عصام انت مش شايفه متعصب بتسخنه اكتر ليه !! 
عصام اسكت دة عيل صايع وكل يوم يرجع البيت سکړان ويلففنا وراه دة مشوه سمعة العيلة ي عم 
وائل انت بتحكيلي عنه كأني معرفهوش يعني م انا عارف الي بيحصل 
عصام يبقى متقوليش اهدى بقا 
وائل لا اهدى عشان ابوك زمانه ع وصول مش ناقصين المصېبة تذيد مصيبتين 
عصام مهو لو اخوك يتشجع مرة كدة ويعرف ابوك بالي ابنه بيعمله كان زمانه ادبهوله ومشاه ع العجين ميلغبطوش .. لكن ازاي يضايق المحروس ابنه يسيبه يطيح ف الدنيا احسن 
وائل طب قفل بقاااا 
تطلع دينا تدور ف الجنينة تلف ورا الڤيلا تلاقي مراد نايم نصه ف البول ونصه برة 
دينا مراد .. مراااااد قوم ي بني انت !! 
ترش ماية ع وشه يفتح عينه ويبتسملها 
مراد مزتي 
نوقف لحظة .. مراد شاب وسيم بشرته خمرية شعره اسود عيونه لبني لحية خفيفة غمازة ف خد واحد طويل وجسمه رياضي متناسق جدا عنده ٢٥ سنة بيشتغل ف شركة سياحة بتاعة جدو هو وولاد عمه