برواية حكاية مروي كامله بقلم حنين ابراهيم
انت في الصفحة 1 من 10 صفحات
حكاياتنا
حكاية مروى 1
أنا مروى يمكن سمعتو عني قبل كده بس الي ميعرفنيش أنا هحكيلكم عني من الأول من كام سنة انا كنت متجوزة جواز تقليدي ياسين جه و إتقدملي هو وعيلته و بابا وافق عشان كان مناسب من جميع الجوانب بس أمي كانت قلقانة عشان كنت هتجوز في بيت العيلة
المهم كل حاجة تمت بشكل طبيعي الخطوبة و كتب الكتاب وهو كان باين عليه إنسان محترم
جرس الباب بيرن بصيت للساعة لقيتها 6 ونص أنا كنت صاحية بجهز الفطار لجوزي عشان النهاردة رايح الشغل بدري بس مين هيخبط على حد في الوقت دا
حماتي صباح الخير خير في حاجة
ردت بلوية بق نموسيتك كحلي يا حبيبتي كل دا نوم هو ياسين مقالكيش إنه النهارده رايح الشغل بدري النهارده ولازم يصحى يلاقي الفطار جاهز
ردت پغضب نعاام يعني إيه حضرتي الفطار هنا إنتي مش ناوية تنزلي تحضري الفطار لكل العيلة ولا إيه تكونيش ناوية تخلي شهر العسل سنة عسل
خرج ياسين وهو بيفرك عينيه من النوم
ياسين إتفاجئ بأمه واقفة عند الباب ماما صباح الخير يا حجة جاية بدري كده ليه
ياسين بحب ما تحرمش منك يا ست الكل حاضر يا حبيبتي ثواني و نازلين مش كده يا مروى
إبتسمت بسماجة و أنا بقول بين سناني طبعا أنا جهزتلك فطار ليك بس عشان قولت هتنزل بدري مكونتش أتوقع إنهم هيكونو صحيو تحت فمحبيتش أنزل و أزعجهم بس
إبتسمت لها بتكلف ودخلت للأوضة لبست طرحة وخرجت عشان أنزل مع حماتي و ياسين
حماتي رفعت حاجبها الي هو إسمه إيه دا
مروى طرحة يا ماما هو فيه إيه
حماتي بصت لياسين بعدم رضا على الي هي شايفاه
ياسين بتوتر ايوة يا حبيبتي لابسة طرحة ليه إحنا نازلين للبيت عندنا مش خارجين
خبطت حماتي على صدرها بعدين قالت پغضب و مش هينفع ليه يا حبيبتي تكونيش فاكره نفسك ست الحسن و ولادي هيبصو لمرات أخوهم بطريقة وحشة
ياسين حاول يحتوي الموقف بص لامه وقال أيه الي بتقوليه دا ياما و بعدين بصلي وقال ماما قصدها إن خواتي زي إخواتك دلوقتي ومفيش داعي تحطي طرحة قدامهم
بصيتله شوية ببرود وبعدين قولتله اه أبويا برضو حاول يقنعني إن ولاد أخوه زي إخواتي بس لحد دلوقتي بلبس الطرحة قدامهم فأنا اسفة مش هعرف أشيلها دلوقتي قدام رجالة مش من محارمي حتى لو بصولي على إني أختهم و أنا يشهد الله إني بعتبرهم إخواتي بس برضو همشي ورا الي الشرع قاله
حماتي هزت رأسها ومشيت و ياسين غسل وشه ولبس ونزلنا قابلت حمايا في الصالون سلمت عليه
ودخلت المطبخ أساعد سلفتي وبعد شويا حطينا الفطار على السفرة حماتي قعدت هي وحمايا وياسين وسلفي كان لسا صحي من النوم وجاي من شقته الي فوق دخل و انا بحط الأطباق السلام عليكم ورحمة الله وبركاته
ردينا كلنا السلام وحتى سلفي التاني الي خرج من أوضته لسا سلفي دا يبقى أصغر حد في خواته هو 25 مش صغير أوي يعني بس لسا متجوزش
قعدنا و فطرنا وجوزي راح شغله و بعده بساعتين سلايفي الإتنين كمان راحو شغلهم و حماتي قسمت شغل البيت الكبير عليا أنا و سلفتي فهمتني إن الكناين هنا يطلعو لبيوتهم عشان النوم بس يعني الفطار و الغدا و العشا و حتى التنضيف بيبقى تحت يادوب ألحق أنضف بعد ما بصحى من النوم قبل معاد الفطار
المهم انا إتعودت على الروتين دا حتى أيام العزومات الي كانت بتعملها حماتي مرة كل أسبوع كان بيسبقها ترويق شامل للبيت مع إنه نضيف بس سلفتي قالتلي إن دا العادي
