رواية حب مشروع كامله بقلم الشيماء محمد
اللي جابك هنا
العسكري في واحده ومعاها كام واحد عايزين المقدم ايمن
ايمن رفع راسه وبصله
ايمن عايزيني انا بالاسم خليهم يستنوا في مكتبي لما اخلص
العسكري خرج وقالهم كده فاطمه زقته وغافلته ودخلت
الكل وقف ويدوب المدير هيزعق ايمن قام وجري علي امه اللي اتخض من شكلها المتبهدل
ايمن في ايه يا امي حصل ايه
فاطمه مصېبه يا ايمن حبيبه
ايمن قلبه هيقف مالها حبيبه
امه بټعيط وهو ماسكها
ايمن ماما مالها حبيبه
فاطمه اتخطفت
ايمن مش مستوعب هيا مش عيله تتخطف
ايمن انتي بتقولي ايه اتخطفت ازاي
فاطمه كنا مع بعض ومره واحده عربيه وقفت ونزل منها اربع رجاله متلتمين وشدوها مني ومشيوا الحقها يا ايمن بسرعه يا حبيبي ال ح ق ها
نكمل بكره
ياتري ايه اللي هيحصل
ايمن هيلحق مين الاول
حبيبه هيجرالها ايه
ايمن هيلاقيها تاني ولا كانت حلم جميل وانتهي
ارغوا معايا بقي
توقعاتكم
ShiMoOo
الحلقة الخامسه
ايمن امه وقعت بين ايديه وهو واقف مش عارف يعمل ايه او يتصرف ازاي
ايمن انا هاخدها المستشفي انتو مين
الناس احنا كنا موجودين ساعت الحاډثه
المدير روح انت بوالدتك واحنا هنتصرف روح ما تقلقش
ايمن اخد امه علي المستشفي وقابلوه واخدوها منه وهو واقف مستني حد من الدكاتره يطلع يطمنه
اخيرا دكتور خرج لايمن
ايمن خير والدتي مالها في ايه واغمي عليها ليه
الدكتور ايدها مكسوره ورجلها تقريبا مجزوعه وفي كدمات في جسمها فحضرتك المفروض تقولنا ايه السبب
ايمن انا معرفش كل اللي اعرفه انها جاتلي الشغل وقالتلي انها اتعرضت لحاډثه خطفوا منها مراتي وهيا وقعوها محتاج افهم منها ايه اللي حصل
هنا زمايله راحو له المستشفي
ايمن عرفتو ايه وصلتو لحاجه
علي زميله مش كتير عربيه كبيره رمادي متفيمه وقفت واخدوا مراتك فيها
ايمن طيب ليه العربيه نمرها ايه موديلها ايه
علي محدش ادانا معلومات كتيره الاغلبيه كانوا بعيد اعتقد ان والدتك ممكن تفيدنا اكتر هيا حالتها ايه
علي انا مراتي اتخطفت مراتي معاهم مراتي اتخطفت
كأن ايمن بدا يستوعب ان مراته اتخطفت
احمد زميله ان شاءالله هنرجعها بس حاليا احنا محتاجين صوره لمراتك علشان نوزعها علي الكل ونبلغ كل الاقسام والدوريات ولازم نتحرك بسرعه
علي فعلا عايزين صوره ليها يا ايمن
ايمن مش بيرد عليهم ازاي يدي صور لمراته ويوزعها لكل الناس.... ازاي
مديره بنفسه جاله كمان
المدير انا بلغت كل الدوريات والاقسام الكل حاليا بيدور عليها بس لازم يبقوا عارفين بيدورا علي مين عايزين صوره لمراتك يا ايمن!!!! ايمن!!! ايمن
ايمن هاه هاه
المدير عايزين صوره لمراتك ركز وفوق صوره مراتك
ايمن انتو عايزني اجيب صوره لمراتي واوزعها علي كل الرجاله والاقسام والدوريات صوره مراتي المنقبه صح
المدير عندك استعداد تخسرها
ايمن اخسرها لا طبعا انا مش عايز اخسرها
انا معنديش صور ليها معنديش
احمد افندم مش مصور مراتك ولا صوره علي تليفونك او في البيت ليه يعني
ايمن صور خاصه بينا ما ينفعش حد يشوفها معنديش صور ينفع حد يشوفها
احمد ايمن اتصرف وبسرعه قبل ما اللي خطڤوها يوصلوا لمكانهم ويستخبوا بيها اتصرف
ايمن بيحاول يفكر يعمل ايه طيب يطلع صوره لمراته بشعرها في حضنه لا مش ينفع اخيرا افتكر
ايمن سميه
احمد سميه مين
ايمن سميه اختها كانت بتصورنا من كام يوم واحنا عندهم
ايمن اتصل بسميه وكلمها
ايمن سميه ابعتيلي بسرعه كام صوره لحبيبه تكون واضحه فيها قوي ومحترمه ينفع حد يشوفها
سميه حد يشوفها حد مين يا ايمن
ايمن سميه بسرعه وحياتك ابعتي علي الواتس او الماسنجر بسرعه
سميه في ايه يا ايمن فهمني الاول
ايمن حبيبه اتخطفت ومحتاج صور ليها نوزعها علي الظباط علشان يتعرفوا عليها فهمتي بسرعه بقي بالله عليكي
سميه حاضر ثواني هبعتهم واكلمك تاني
سميه بعتتله كام صوره لحبيبه وهيا مع ايمن
صوره وشهم جنب بعض واحلي ابتسامه علي وشها
وصوره هو وراها وهيا سانده علي صدره وبتضحك
ياااه قد ايه هو مفتقدها دلوقتي ومفتقد ابتسامتها دي اللي بيعشقها
احمد ايمن وبعدين انجز الوقت محسوب علينا
ايمن بتردد بيمد ايده يديله تليفونه وبعدها افتكر ان في صوره خاصه كتير
ايمن هبعتلك صورها واتس
فعلا ايمن بعت لاحمد الصور وبعتهم لعلي
احمد وعلي فتحوا الصور واتفاجؤا بمدي جمال مرات صاحبهم وبصوله
احمد ايمن انت عارف اننا هنوزع صور مراتك دي للكل... ضباط وعساكر ومحققين وحتي الناس في الشوارع هنسأل الكل
ايمن الدموع لمعت في عنيه متخيلش ابدا ان مراته المنقبه هو بنفسه هيوزع صورها علي كل الرجاله
بص للارض
علي اسف يا ايمن احنا عارفين ان الموضوع صعب عليك وخصوصا انها منقبه بس مضطرين وان شاءالله
