رواية الخطيئه كامله بقلم ولاء حامد

على الطقم واااو يا عمر يجنن تحفه بجد شكله يهبل
عمر بحب عجبك
ندا داه يهبل مش يعجب بس
عمر ربنا يقدرني واقدر اسعدك دايما 
ندا ميرسي يا روحي فرجني بقى جبت ايه لأهلك 
عمر عادي هدايه عاديه لبس وجبت موبايل لساره بنت اختي 
ندا برفعه حاجب ليه أن شاء الله هما فقرا ما ابوها على قلبه قد كده مايجيب ليها هو ثم انا شوفت معاها إمبارح تليفون
عمر وايه المشكله انا خالها والخال والد وانا كنت واعدها بيه 
ندا المفروض انا أولى 
عمر وانا كنت أخرت عليكي حاجه أغلى موبايل واغلى لاب توب واغلى لبس غير كل شهر ببعتلك اللي يكفيكي وزياده وزياده وزياده يبقى ايه اللي ناقصك 
ندا خلاص خلاص انتا هاتقلبها محاضره 
مر اليوم سريعا في المساء احضر عمر جميع الهدايا ولم تنسى ندا كلام والدتها ان تفعل كل ما تريد بدون علم ابوها وخواتها وزوجها
لبست ندا لبس محتشم جدا وحجاب طويل بدون التكلف ووضع اي مكياج الا القليل الذي لا يذكر
عمر شافها وابتسم وشكلها داه قضى على اي شك جواه
ووصل لأهله وسلم على الكل وكذلك ندا 
عمر بدأ يوزع الهدايا وسط سخط ندا وعدم رضاها اوقبولها للموضوع 
الكل حس بإحراج من كم الهدايا اللي جايبها عمر
والدته بعتاب ليه كده بس يا ابني يعني فلوسك في الغربه بدل ما تحافظ عليها بتبعترها يمين وشمال
عمر قام وباس ايدين امه الدنيا كلها فاهم يا ست الكل وبعدين انا جبت ايه يعني دول شويه هدايا بسيطه وميجيش من بعد خيركم 
امه بحب الله يرضى عليك يا ابني ويراضيك ويسعدك ويجعل الخير في طريقك
عمر وهو بيحضنها اوي ربنا ما يحرمني منك ولا من دعائك ليا دايما 
امه بحب دعيالك يا ابني يعلم ويشهد ربي
مر الوقت بعد عشاء محترم والكلام والضحك الصادق اللي من القلب بدون تكلف وروح عمر ومراته بيتهم 
وبعد وقت عمر حس انه فيه شيء غلط في ندا بس استعاذ بالله من الشيطان 
مرت الأيام ومر على وجود عمر اسبوعين وعمر بيحاول بجهد يسعد ندا بس كل مره في شك بيدخل جواه وكل مره بيلجأ لربه 
ندا عمر اعمل حسابك انهارده خارجين 
عمر اه عارف جهزي نفسك انتي بس
ندا بملل مش عارفه ايه كم العزومة الرهيبه دي بقالنا اسبوعين من بيت لبيت لبيت
عمر بضحكه بسيطه معلش يا حبيبتي أهلنا ومنقدرش نعتذر
ندا طيب 
وحل المساء وندا لبست دريس شيك جدا ومحتشم ولبست حجاب طويل ومكياج بسيييط جدا 
عمر بعيون بتطلع قلوب يسلملي القمر يا ناس 
ندا طيب يلا يا روميو علشان اتأخرنا 
ونزل عمر وندا وهما في المدخل عمر مره واحده اووو يا الله 
ندا مالك وقفت ليه مره واحده كده 
عمر نسيت موبايل ساره بنت اختي وانا قولت هافرحها بيه انهارده 
ندا طيب والعمل
عمر دقيقه هاطلع اجيبه وانزل
ندا ماشي متتأخرش
عمر فوريره وهاكون قدامك
ندا بهزه راس ماشي 
طلع عمر ودخل اوضته يجيب الموبايل وفتح دولابه وجابه 
عمر لنفسه ياالله عايز كيس احطه فيه مش هامشي بيه كده 
فتح الدولاب ملقيش فضل دقايق يدور على كيس
عمر اكيد ندا كالعاده حطاهم تحت السرير
ورفع السرير ولقى الأكياس بس كانت الصدمه.... 
يتبع... 
ولاء حامد
الفصل العاشر وقبل الأخير
عمر لقي الأكياس وطلعهم ولسه هاينزل الميكانزم بتاع السرير كانت الصدمه لقي كيس اسود مربوط بطريقه غريبه جدا فضوله خلاه يفتحه وكانت الصدمه موبايل ندا القديم اللي قالتله انها ادته لمرات اخوها والأكثر صډمه علبه من علب خله السنان مليانه خطوط موبايل كتيييير جدا عمر 
عمر بذهول ايه داه بتوع مين دول داه تليفون ندا القديم طيب ليه كدبت عليا وقالت إنها ادته لمرات اخوها 
حاول عمر يفتح التليفون كتير بس للأسف التليفون مقفول بباسوورد 
رجع عمر كل حاجه مكانها زي مكانت 
ونزل وهو شارد وسرحان
ندا بعصبيه كل داه تأخير يا عمر 
عمر بإنتباه معلش كنت بدور على كيس واخيرا لقيت في المطبخ 
ندا بلجلجه كنت بتدور فين
عمر بشك في الإدراج في الصاله واخر ما زهقت جبت كيس من المطبخ 
ندا بتنهيده ارتياح طيب يلا اتأخرنا 
طلع عمر وندا وركبوا تاكسي لحد بيت اخته طول القعده عمر شارد 
وبعد وقت قصير قام وطلب يدخل الحمام 
دلته اخته على الحمام وقامت معاه
عمر بۏجع بقولك يا سهر طالب منك خدمه
سهر بحب عنيا ليك 
عمر تسلمي انا عايز امشي دلوقتي هاجهز مفاجأه لندا بس متخليهاش تمشي الا لما ارن عليكي أو ارجع اخدها
سهر بضحكه سيدي يا سيدي على الحب يحقلها يا عم البت الله أكبر بدر منور
عمر بسخريه متداريه ايوه يحقلها اووي
وفعلا رجع عمر مكانه وعمل ان تليفونه بيرن وطلع البلكونه دقايق قليله ورجع 
عمر معلش يا جماعه انا هانزل شويه وراجع
ندا بإستغراب ليه رايح فين
عمر واحد صاحبي رن عليا عايزني في موضوع ضروري مش هتأخر نص ساعه ساعه بالكتير واكون رجعت خليكي مع سهر وانا راجع 
مصطفي جوز سهر احتراما للموقف قام طيب يلا انا كمان نازل اصلي العشاء في الجامع 
ونزل عمر ومصطفي كل واحد في طريق مصطفي راح الجامع وعمر رجع الشقه بسرعه