رواية الخطيئه كامله بقلم ولاء حامد

لندا 
ندا باستغراب ايه في إيه كلكم لابسين ورايحين فين برابطه المعلم كده 
مديحه حضنت بنتها جايين معاكي جوزك يا ستي محضرلك مفاجأه وقال كلنا نيجي نحتفل معاكم قبل ما يسافر
ندا بإستغراب مفاجأه ايه وليه محدش جابلي سيره
مديحه هو طلب مننا كده علشان يصالحك يعني كان بيخطط الأيام اللي فاتت علشان يسعدك مش بخونك زي ما كنتي فاكره يا خايبه
ندا بغرور اصلا ميقدرش حد يبقى معاه البرنسيسه ندا ويبص بره
مديحه طبعا ربنا يحفظك يا قلبي يلا بقى اتأخرنا 
ومشي الكل لمصير محتوم 
بعد ساعه كان الباب بيخبط عمر فتح هو لابس ترنج بيتي
الكل بص لبعضه بإستغراب 
يتبع.... 
ولاء حامد
الفصل الحادى عشر والاخير
عمر قطع عليهم الاسئله اتفضلوا الأول 
دخل الكل وبقى يتلفت في الشقه مفيش اي آثار لمفاجأه او زينه في بس حاجات متبهدله وأثار خڼاقه 
محسن في ايه يا ابني وايه المفاجأه اللي جبتنا على ملا وشنا عشانها
عمر ادخل يا حاج وارتاح علشان تعرف المفاجأه 
قعد محسن وهو قلبه مقبوض وعمر بيبص لندا بإستحقار 
عمر مره واحده قام اتفضلوا معايا في ضيف حابب انكم تتعرفوا عليه
محسن مين داه يا ابني
عمر اصبر على رزقك يا حاج
قام الكل ورا عمر اللي فتح اوضه الصالون الكل بص لبعضه بإستغراب ومش عارفين من الشخص داه قدامهم واحد متكتف ومربوط ومضړوب علقھ مۏت
إلا ندا اللي شهقه وخاڤت ورجعت لورا
محسن مين داه يا ابني
عمر غمض عنيه بۏجع وعنيه مرغيه بدموع وبص على ندا نظره خاليه من كل معاني الحياه داه وائل علام عشيق مدام ندا بنت حضرتك 
الكل شهق في صوت واحد 
محمود بعصبيه ايه الهبل اللي بتقوله داه اوزن كلامك يا عمر الكلام داه في قعده رجاله تطير فيه رقاب وتتأدب بيه
عمر قعد على كرسي الصالون بۏجع وبسخريه مريره مبقولش كلام أهبل ولا من غير دليل وبص لندا اللي وشها بقى زي المۏتى من الخۏف ولا ايه يا مدام احنا لو قعدنا في قعده رجاله انتوا اللي هاتتفضحوا وعلشان انا راجل وابن أصول محبتش الفضايح ولا حتى أهلي نفسهم يعرفوا اكتفيت بيكم تعرفوا حقيقه المحترمه بنتكم اللي خانت جوزها وبقت زيها زي اي عاھره بتتأجر 
محسن بلجلجه ف فهمني يا ابني الله يرضى عليك 
عمر بدموع حاضر من اسبوع كنت رايح عند اختي وكنت جايب موبايل لبنتها هديه ونسيته فوق طلعت اجيبه فضلت ادور على شنطه احطه فيها ملقتش عارف ان ندا دايما بتحط الشنط في سحاره السرير فتحتها وجيت اطلع شنطه لقيت كيس اسود فضولي خلاني افتحه لقيت فيه موبايلها القديم اللي كنت طلبته منها من كذا شهر لبنت اختي قالتلي انها ادته لعلا مرات اخوها 
علا بإستنكار محصلش والله لا انا طلبت ولا اخدت منها حاجه حتى العبايات اللي بعتها لينا انا رفضت اخد منهم
عمر منا عارف الكارثه بقى ان معاه كميه خطوط كتير اوي ولا كأنها شغاله في سنترال 
محمود بزعيق أنجز 
عمر بعصبيه مالكش زعيق عليا واسمع للأخر وكل كلمه بدليلها وطلع من جيبه العلبه اللي مليانه خطوط دي الخطوط المهم يومها روحت عند اختي وانا هاتجنن ليه ندا كدبت عليا وايه الخطوط دي كلها قولت لنفسي لا يا واد مراتك بنت أصول دي من بيت محترم دي من بيت متدين قولت لنفسي اقطع الشك باليقين يمكن رفضت تديني الموبايل علشان قولت لبنت أختي واستأذنت وروحت اخدت التليفون وطلعت على صاحبي بتاع تليفونات فتح الموبايل اللي كان مقفول بباسوورد ورجع كل حاجه ممسوحه عليه وهناك كان فيه مصيبتين مستنييني الأولى لما صاحبي قالي انه شاف مراتي في منطقه ...... ولابسه لبس اشبه ببنات الليل بنطلون لازق على جسمها وشعرها اللي طالع من الطرحه وبدي مفصل جسمها مكياج مقرف 
محمود مش انتا اللي قايلها كده
عمر بزعيق قايلها ايه انا قايلها انا مش راجل مسقط بنطلونه علشان يقبل ان لحمه يتعرى ويتفرج عليه الناس انا راجل دمي حامي مش قرني ولا بقرون 
محمود بص لاخته مش انتي اللي قولتي عمر مواقف لما جيتي البيت كده 
عمر بسخريه كمان مطلعاني بقرون لا والله ونعم التربيه 
اصبر بقى على رزقك التانيه شاكر صاحبي إللي شافني وكأنه شاف ملك المۏت ورفض حتى يسلم عليا وسابني مشي ولما طلعت وراه واصريت اعرف ماله حكالي انه المحترمه ربة الصون والعفاف مراتي حاولت تغريه ويبقى عشيقها مهو الواد حليوه طول بعرض وعضلات وعيون ملونه مش داه الكلام اللي بعتيهوله يا رخيصه لا ومش كده وبس لا لما هزقها ومسح بيها الارض قالت تغريه بطريقه تانيه بعتت صورها ليه عريانه وبقمصان النوم ولما عملها بلوك راحت لمراته وقالتلها انها عشيقه جوزها وورتلها الصور اللي بعتتها لجوزها والست اټجننت والصدمه مخلتهاش حتى تفكر تقرأ الرسائل وراحت بيت ابوها وطلبت الطلاق واليومين االي فاتوا انا روحت وحكيت للبنت ولابوها اللي حصل ورجعت لجوزها بعد ما حلفتهم على كتاب الله أن الكلام ميطلعش لمخلوق