رواية اسيرة قلب الفارس الجزء الثاني كامل من الفصل الاول الي الفصل الاخير بقلم سلمي السيد

أسيرة قلب الفارس الجزء الثاني .
ملك القلوب البارت الأول .
طبعا و مازالت المملكة الفارسية بنفس قوتها و عظمتها و قوانينها أما في أرض مصر ف كان منة و سها و زينب كانوا قاعدين في بيتهم و بيقرأوا رواية أماريتا التلاتة صحاب من طفولتهم و ملهومش غير بعض أتربوا في ملجأ نظرآ لعدم وجود أهاليهم و لما كبروا سابو الملجأ و أشتغلوا و أعتمدوا علي نفسهم في الأول أجروا الشقة لإنهم ساعتها مكنوش معاهم تمنها لكن بدأوا يكبروا في شغلهم و أشتروا الشقة ليهم هما التلاتة .
منة بتمني يااااااااه لو أبقي زي أسيل كده و ملك يحبني و يدمر الدنيا عشاني ياااااااه .

زينب و هي نايمة علي ضهرها و باصه ل سقف الأوضة قالت بإبتسامة و أنا أبقي سندريلا التانية و الأمير يحبني و ياخدني العالم بتاعه .
سها بقا هي أكتر واحدة واقعية فيهم بتحب الروايات اه لكن عارفة إن التخيلات الي صحابها بيقولوها دي كلها أوهام هما بيخترعوها لنفسهم .
سها بنعاس نامي بقا أنتي و هي قرفتوني بأحلامكوا الخيالية دي حتي مش عارفين تحلموا بحاجة ممكن تتحقق !! ناموا بقا .
منة أتعدلت و قالت بلطافة اي يا سها !!! يعني أنتي مش حابة إنك تكوني ملكة و لا أميرة في زمنك أو زمن غيرك ! .
سها قامت من علي السرير بملل و قالت بتنهد و مين في الدنيا دي كلها مش حابه إنها تكون ملكة و لا أميرة بس سيبك بقا من التخيلات دي و أحلمي بيها بس يا حبيبتي لإننا في أرض الواقع مش الخيال كملت بإبتسامة عارفة بقا أنا نفسي أكون ملكة أو أميرة بجد فين و امتي لما أحب راجل كويس و محترم و مهتم بدينه و يحبني و يتجوزني و ساعتها أنا هبقي ملكة الكرة الأرضية كلها مش شرط عشان أبقي ملكة لازم أبقي ملكة في رواية يعني و ألبس تاج بقا و كده أنا واثقة إن شاء الله إني هبقي ملكة في حياتي .
زينت و هي مغمضة عيونها قالت لاء أقنعتيني يا قردة بصراحة ناموا بقا عشان ورانا شغل الصبح .
سها و هي بتنام و بتغطي نفسها اه نامي بقا يا منة و أطفي النور دا .
منة و هي بتقوم لاء ناموا أنتو أنا هسهر شوية كمان .
زينب و سها في وقت واحد ماشي .
منة خرجت من الأوضة و راحت وقفت في البلكونة شمت الهوا بهدوء و هي مغمضة عيونها بإبتسامة كان وقت الفجر و الجو شتوي و جميل فتحت عيونها بخضة لما حست إن فيه حاجة وقفت علي إيديها الي كانت حطاها علي سور البلكونة .
منه و بتاخد نفسها ب راحة نفسية اي يا حمامة في حد يخض حد كده !!! كملت بإبتسامة لونك جميل أوي سبحان الله يا تري بقا أنتي صاحية زيي ليه لحد دلوقتي عندك فراغ عاطفي زيي مثلا !!!! كملت بضحك يالهوي علي هبلي الناس لو شافتني من البلكونة تقول عليا اي دلوقتي !!! أتهبلت و بتكلم حمامة !!! .
طبعا الحمامة هي سيف الدين ابن تميم الفارس و في اللحظة الي هي بتكلم الحمامة سيف جت حمامتين تانيين و دول كانوا نجم الدين أخو سيف و نمر ابن رعد و نجمة منة وقفت شوية و هي بتتكلم مع الحمام منة من محبيين الحمام جدآ و بعد ربع ساعة دخلت و قفلت البلكونة و سيف و نجم و نمر طاروا و بعدوا عن البيت و أتحولوا لبني آدمين و راحوا وقفوا قدام بيت منه و سها و زينب .
سيف أتنهد بإبتسامة و هو باصص للبلكونة و قال طب اي طيب هو أنا هفضل في شوق المحب كده كتير !!!! .
نجم بإبتسامة و هو باصص للبلكونة نفسي يعرفوا إننا لينا وجود علي الدنيا بقا .
نمر بإبتسامة و هو باصص للبلكونة أنا نفسي أتجوز سها أوي .
سيف و نجم بإبتسامة و الله و أحنا كمان نفسنا أوي .
نمر بصلهم بسرعة بعدم إستيعاب الي قالوه و قال بذهول أنتو الأتنين نفسكوا تتجوزوا سها ازاي يعني !!!! أنتو متخلفين و لا اي !!!! .
سيف ضحك جامد و قال لاء مش قصدنا أقسم بالله أنا قصدي إن أنا كمان نفسي أتجوز أوي بس أتجوز منة .
نجم بإبتسامة و سرحان بخياله و أنا أتجوز زينب و نعيش في تبات و نبات و نخلف صبيان و بنات .
بقلم Salma Elsayed Etman
قاطع كلامهم ظهور بواب العمارة فجأة قدامهم و أتكلم بحدة و قال في حاجة يا أستاذ أنت و هو .
التلاتة بصوله پصدمة من ظهوره فجأة قدامهم و سيف أستجمع نفسه و نطق و قال أحم لاء يا حاج سلامتك دا أحنا بنشوف هي دي العمارة الي فيها شقة فاضية للإيجار و لا لاء عشان نأجرها .
البواب بحدة و هو الي عاوز يشوف شقة بيقف تحت البيت و عيونه علي البلكونة و واقف مبتسم و بيضحك !!! النهار ليه عيون يا أستاذ أنت و هو و هو لو عاوزين حاجة تيجوا الصبح و أمشوا دلوقتي بدل ما أعملكوا مشكلة علي وقفتكوا دي .
نجم أندفع بتلقائية و قال في اي يا حاج إبراهيم دا أحنا حتي أمراء مملكة مينفعش تكلمنا كده ميصحش .
نمر خبطته بكوعه في جنبه و قال بلغبطة متاخدش علي كلامه يا حاج إبراهيم هو قصده إنه ابن ملك ف يعن........قصدي يعني إن............... .
قاطعه البواب بزعيق جامد و قال بقولك اي يالا أنت و هو أمشوا من هنا أحسنلكوا يا أما أقسم بالله هبلغ البوليس دلوقتي .
منه بعقد حاجبيها اي دا عم إبراهيم بيزعق في الشارع كده ليه .
سها و قامت بنوم أدي أخرة الي يسكن في الدور الأول كأنه بالظبط نايم في الشارع .
زينب قامت و فتحت البلكونة و قالت اي يا عم إبراهيم في اي .
عم إبراهيم بزعيق أنا أعرف يا بنتي اي البلاوي الي بتتحدف علينا دي .
سيف و بيحاول يلحق الموقف أحنا منقصدش و الله يا عم إبراهيم هو بس كان بيهزر معاك بص لنجم بحدة و قال مش كده و لا اي .
نجم بتلقائية اه اه كده متبقاش قفوش بقا يا حاج دا أنا من سن ابنك .
زينب بإبتسامة و قالت بهمس الي لابس تيشيرت أسود دا وسيم أوي . قصدها نجم الي هو أصلا بيحبها .
منة بهمس الشهادة لله هما التلاتة ما شاء الله عليهم يعني ربنا يحفظهم لأهاليهم .
سها بحدة ما تتلمي أنتي و هي بقا عيب كده وجهت كلامها للبواب و هي واقفة في البلكونة و قالت معلش يا عم إبراهيم خلاص بلاش مشاكل حصل خير .
عم إبراهيم يله يا أخينا أنتو و هو طرقونا بقا يا أما و الله هبلغ البوليس .
سيف كتم نرفزته بالعافية و شد نجم و
نمر