رواية اسيرة قلب الفارس الجزء الثاني كامل من الفصل الاول الي الفصل الاخير بقلم سلمي السيد

من دراعهم و قال للبواب آسفين يا حاج .
خدهم الأتنين و مشيوا و أتحولوا ل حمام و طاروا و وصلوا علي قصرهم و دخلوا جناح سيف .
سيف بنرفزة مكنش لازم تقع بلسانك و تقول كده يا نجم بابا لو عرف موقف زي الي حصل دا و الله مهيعديها بالساهل .
نجم و الله أتكلمت بتلقائية و مكنتش أعرف إن الموضوع هيكبر كده .
سيف بنرفزة حتي أنت يا نمر لسانك فلت منك و بتقول إنه ابن ملك أنت مچنون أنت كمان !!! .
نمر و الله أنا أتلغبطت من ظهور البواب فجأة لإننا مش من أرضهم .
قاطعهم دخول تميم و رعد و تميم بصلهم بحدة و قال في اي .
سيف مفيش حاجة يا بابا .
رعد بص بحدة ل نمر ابنه و قال أنتو كنتو في أرض مصر ! .
نمر بص لسيف و نجم و هما بصوله بقلة حيلة و بعديها بص لتميم و بعديها بص لرعد و قال بتنهد أيوه يا بابا .
تميم بشدة و زعيق أوعوا تكونوا فاكرين إننا مش عارفين إنكو كنتو هتعملوا مشكلة هناك قدام بيت منة و صحابها و البواب كان هيبلغ البوليس عنكوا .
سيف يا بابا و الله ه.......... .
قاطعه تميم بزعيق و قال لما أكون بتكلم متقاطعنيش يا سمو الأمير قولتلك كذا مرة أنا مش همنعك تروح أرض مصر لا أنت و لا أخوك و لا رعد هيمنع نمر لإننا في شبابنا كنا زيكوا بس مكناش طايشيين و بنعمل مشاكل كده لما أنا و رعد ڼموت أنتو الي هتستلموا حكم المملكة سيف هيبقي الملك و أنت يا نجم أنت و نمر هتكونوا في ضهره أنتو عاوزينا ڼموت و أحنا خايفيين لحسن أنتو و أهلنا كلهم و المملكة و الشعب تضيعوا !!!! لما يكون الملك مقضيها راحة بال طول الوقت و الأميرين بيتصرفوا تصرفات تنرفز و تخلي الواحد يبقي قلقان بعد ما ېموت سبتوا اي للعيال الصغيرة أنتو !!! .
بعيد عن كلام تميم ك أب خاېف علي ولاده لكن سيف و نجم و نمر من أقوي أمراء المملكة هما التلاتة رمز للشجاعة و القوة و العقل هما فرسان بالمعني الحرفي و حرفيا أي عدو بيسمع اسم حد منهم بياخد كل إحتياطاته من كتر خوفه منهم كلام تميم و رعد ليهم كلام أباء خايفيين علي عيالهم مهما كبروا و دا طبيعي مش معني كلام تميم ليهم إنهم أضعف من تميم و رعد ك ملك و وزيره لاء دول نسخة منهم بل هيواجهوا مصير أصعب من مصير تميم و رعد بكتير .
رعد بشدة طالما بتحبوا البنات دي يبقي تجيبوهم القصر زي ما تميم عمل مع سالي لكن لعب العيال الي أنتو فيه دا هيأذيكوا العمر مش فضله كتير عشان نفضل ننصح فيكوا .
سيف بجدية بكرة هيكونوا في القصر يا عمو .
تميم بصله بعصبية من تصرفاته هو و نجم و نمر ثم أتنهد و قال ماشي .
تميم و رعد سابوهم و خرجوا و سيف بصلهم بنرفزة و قال بسببكوا سمعنا كلمتين حلوين أوي .
نجم و بيقعد علي الكرسي بتنهد الحمد لله خرجنا بأقل الخساير .
نمر بتفكير و الإبتسامة علي وشه معقولة بجد خلاص هنجبهم هنا و كل واحد فينا هيتجوز البنت الي بيحبها !!! .
سيف بتنهد مش بالسهولة دي يا نمر فكرة إنهم يجوا هنا مش سهلة دول بيتنقلوا عالم و زمن تاني أنت ناسي ماما لما حكت لينا قصتها هي و بابا قالت كانت عاملة ازاي لما جت وقتها .
نجم بس في الآخر حبت بابا و بقت ملكة الكل بيتكلم عنها .
سيف البنات مش كلهم تفكيرهم زي بعض يا نجم ماما قبلت بالوضع لكن ممكن هما ميقبلوش أو واحدة منهم متحبش الي فينا بيحبها و تطلب ترجع أرضها تاني .
نمر بتنهد أتمني دا ميحصلش .
التلاتة قعدوا مع بعض شوية و بعديها كل واحد فيهم راح جناحه و نام و تاني يوم راحوا أرض مصر عشان ينفذوا كل الي نفذه تميم مع سالي و بالفعل نجحوا في كده و منة و سها و زينب بقوا في المملكة و جوا القصر لكن كل واحدة فيهم في جناح مختلف عن التانية .
فتحت عيوني ببطء و تعب و صداع شديد جدا بعد إغمائي الي معرفش هو خد وقت أد اي أنا مش فاكرة حاجة خالص كل الي فكراه قبل ما يغمي عليا إن الرياح أشتدت أوي و الشبابيك فضلت تفتح و تقفل جامد و حسيت بصداع و أغمي عليا و ...........اااااااااااااعععععععع أنت مين أنت عاوز اي .
سيف و بيحاول يهديها أهدي أهدي مټخافيش مفيش حاجة .
منة بعياط و خوف أبعد عني متقربش و......و فين سها و زينب أنت عملت فيهم اي .
سيف هما كويسيين و الله العظيم مفيهومش حاجة مټخافيش بس أهدي الأول .
منة بعياط جامد أرجوك متأذنيش و متقربش مني و قولي أنت عاوز اي مني .
منه صعبت علي سيف أوي و عيونه دمعت و قال أرجوكي أنتي مټخافيش مني أنا مش هعملك حاجة و الله أنا أقسم بالله مش هأذيكي و لا هقربلك مټخافيش و هقولك أنا عاوز اي بس أهدي الأول .
منة بدأت تفتكر ملامحه و لاقيته إنه نفس الشاب الي البواب كان پيتخانق معاه هو و أتنين تانيين و قالت پخوف و عياط أنت الشاب الي عم إبراهيم كان پيتخانق معاه إمبارح صح أنت و الي معاك كنتو جايين لينا صح أنتو كنتو عاوزين ټخطفونا .
قامت من علي السرير و جريت علي الباب و هي بټعيط و بتحاول تفتحه لكن لاقيته مقفول مش بيتفتح سيف قام وراها و قال و الله أحنا لا خطفناكوا و لا حاجة أسمعي الكلام بس و أنتي هتفهمي كل حاجة و الله .
منه بعياط و صړيخ جامد أبعد عني متقربش .
سيف رفع إيديه الأتنين في مستوي كتافه و وقف مكانه و قال بخضة من صريخها و الله ما جيت ناحيتك أصلا أهدي مش كده يا منة .
منه بعياط منة اي أنت عارفني منييييين و الأوضة دي كبيرة كده ليه كملت بصړيخ اي دااااااااااا !!!!!!! حطت إيديها علي راسها و ركنت ضهرها علي الباب و نزلت علي رجليها و ضهرها مسنود علي الباب و قالت بعياط ياربي أنا فين ياربي ساعدني .
سيف نزل لمستواها و قال بهدوء طب بصيلي و أهدي و أنا هجاوبك علي كل حاجة مټخافيش مني .
منة كانت خاېفة تبصله رغم ملامحه الهادية الي متخوفش أبدآ شالت إيديها من علي عيونها و بصتله بعيونها الخضرة بكل خوف و دموع .
سيف بإبتسامة عيونك نفس رسمة عيون ماما بس ماما عيونها زرقة مش خضرة .
منة پخوف و دموعها نازلة أنت مش هتأذيني صح .
سيف بإبتسامة و الله ما هأذيكي بس أهدي خالص و أنا
هقولك علي