رواية اسيرة قلب الفارس الجزء الثاني كامل من الفصل الاول الي الفصل الاخير بقلم سلمي السيد

علي فكرة لو بتغيري منها خليكي زيها .
يارا بخبث امممممم مش مهم دلوقتي قولي بقا ناوي تعمل اي مع الملك أسر .
سيف حس پألم شديد في جسمه و حاول يستحمله و قال عمال أفكر مش عارف أوصل لحل مع إن دي مش طبيعتي أنا من كام يوم بس كنت سريع جدا في تفكيري و تصرفاتي دلوقتي حاسس إني متقيد و مش عارف أتصرف الحړب الكبيرة فضلها يومين و تبدأ و أنا لسه حتي معملتش أي حاجة كل الي أنا كنت مخططله طار من دماغي ناسيه كله مش فاكر منه حرف .
يارا بخبث و حاوطت رقبته سيبك من الحړب دلوقتي كده كده نجم و نمر و فهد و مراد موجودين هما يتصرفوا أرتاح أنت شوية .
سيف كان مركز في عيونها ڠصب عنه و هي بكل خبث بتنقله السحر عن طريق عيونها لأنها مبتعرفش تنقل السحر غير بعيونها و كانت علي نفس وضعيتها في نفس اللحظة دي نجم و نمر دخلوا بنرفزة و وقفوا مصډومين من المنظر سيف حتي متهزش من دخولهم يارا نزلت إيديها من علي سيف بإبتسامة خبث و قالت همشي دلوقتي و هاجي تاني .
سيف ماشي .
عدت من جنب نجم و نمر و هما باصين ليها بإستحقار و صدمة و لما خرجت سيف بص ل نمر و نجم بحدة و قال أنتو ازاي تدخلوا من غير ما تستأذنوا .
نجم بسخرية لا و الله !!!!! هو دا كل الي همك !!!!! ازاي دخلنا من غير ما نستأذن !!!!!! اي المنظر الي أحنا شوفناه دا يا سيف !!! هي دي الي وخداك من مراتك !!!! كمل بزعيق الي أنت بتعمله دا حرام يا سيف و ميرضيش ربنا .
سيف بعصبية عامية عيونه عارف عارف إنه حرام بس أنا مش عارف مالي أسكت يا نجم أنا مش ناقصك أنت كمان أسكت .
نمر بذهول سيف الحړب هتبدأ و الدمار هيجي في أي لحظة و أنت هنا عايش حياتك بكل راحة و كمان مع واحدة مش مراتك !!!!! أنت ازاي كده دي مش طبيعتك أصلآ ! .
سيف بعصبية اي عايش حياتك بكل راحة دي يا نمر !!!!! أنا و يارا محصلش بينا أي حاجة .
نجم بشدة و هو أحنا هنستني لما يحصل و تبقي واحد ژاني !!! وجودك أصلآ معاها بالوضع الي شوفناه دا غلط سيف أنت اي الي حصلك فوق بقا أنت أكيد حد عملك حاجة إستحالة تكون بطبيعتك البنت دي تبقي مين و جت هنا ازاي أنا متأكد إن وراها حاجة مش طبيعية .
سيف أتنهد بنرفزة و قال مش وقته دلوقتي المهم لاقيتوا الجواسيس الي في القصر الي أتسببوا في مۏت بابا و لا لسه .
نمر مكنش طايق حتي يبص في وش سيف من تصرفاته لكن رد عليه و قال لسه فاكر تسأل !! الجواسيس لاقيناهم و أعترفوا و أتعدموا خلاص .
سالي بدموع سيف ابني بيعمل كده ازاي أنا مش قادرة أستوعب .
منة بعياط خلي ابنك يطلقني أنا مش عاوزة أعيش معاه و عاوزة أرجع أرضي خلاص بقا كفاية لحد كده .
رعد أهدي يبنتي و كل حاجة هتتحل الطلاق مش سهل زي ما أنتي متخيلة أنتي لو مش عاوزة تعيشي معاه أنا بنفسي الي هطلقك منه بس حاولي تهدي و خليني أتكلم معاه الأول .
الباب خبط و نجم دخل و قال ماما معلش عاوزك ثانية بعد إذنك يا عمو .
رعد ماشي يا نجم .
نجم خد سالي و راح بيها علي جناحه و قال ماما سيف بجد مش في وعيه بقاله يومين فيه بنت بتدخله جناحه و مبتطلعش منه غير الصبح تصرفاته أتغيرت ١٨٠ درجة من ساعة ما البنت دي دخلتله تحسي إنه مش هو الي بيكلمك و إنهارده دخلت أنا و نمر فجأة عليه بسبب عياط منة الي شوفناه لاقناه واقف معاها و البنت بكل قذارة قريبة منه جامد و لا كأنها مراته .
سالي پصدمة أنت بتقول اي يا نجم ! سيف ازاي يعمل كده ! بنت اي الي معاه !!!! أخوك ميقدرش يغضب ربنا و يعمل حاجة زي كده .
نجم يا ماما أقسم بالله أنا و نمر شوفناهم بعيونا دا غير إن إمبارح بردو شوفتها خارجة من عنده ماما أتصرفي أرجوكي أنا مش عارف سيف ماله لا طايق وجود منه معاه و لا طايق حتي يكلم حد مننا و تصرفاته كلها بقت غلط و الحړب خلاص هتبدأ و سيف لو فضل كده أحنا هنضيع يا ماما البنت دي وراها حاجة مشيها من القصر يا ماما أتصرفي .
سالي أتنرفزت و مشيت من قدام نجم و راحت علي جناح سيف و دخلت من غير ما تستأذن وقالت بشدة أنت اي الي أنت بتعمله مع مراتك و معانا دا هو أنت مالك في اي و مين الي البنت الي نجم بيقول عليها دي .
سيف أتعصب و قال بدون وعي فيه إن أنتو خنقتوني و بتعلقوا علي حاجات هايفة أنا و مراتي محدش ليه دخل بينا دا أولا ثانيا يارا دي اي يعني بتسلي معاها يومين تلاتة أنا مش عارف في اي مالكوا مكبرين الموضوع أوي كده ليه .
سالي فقدت أعصابها من كلامه و مرة واحدة محستش بنفسها غير و هي بتديله بالقلم جامد علي وشه و قالت بدموع و قوة فيه إن أنت واحد بتصرفاتك دي بقيت عديم الدين و الأخلاق فيه إن تربية تميم فيك أنت بوظتها فيه إنك خلتني أفقد الثقة فيك بعد ما كنت معتبراك الملك تميم التاني و قولت تميم ماټ اه لكن سيف النسخة التانية منه موجودة و كلنا هنبقي تحت حمايته بعد ربنا لكن يا أنا و أبوك الي مربتش صح يا أنت الي حصلك حاجة و أنا مش عارفة اي هي الحړب علي مملكتك هتبدأ يا جلالة الملك و أنت قاعدلي هنا مع واحدة مش مراتك و بتتسلي معاها و بتغضب ربنا !!!! منة فعلا ليها حق تخاف منك و تطلب الطلاق و من بكرة يا سيف إجراءات طلاق منة هتتنفذ و أنا بنفسي الي هرجعها أرضها و البنت الي أسمها يارا دي مش هتكون في القصر من بكرة و لو فضلت بتصرفاتك دي هنزلك من علي عرش المملكة و أخلي نجم أخوك يستلم مكانك أنا مش مستعدة أخسرك أنت و أخواتك و كل المملكة بسبب تصرفاتك دي .
قالت كلامها و خرجت بكل نرفزة و عصبية و رزعت الباب وراها سيف كان مصډوم من القلم الي خده و من كلامها ليه قعد علي الكنبة و حط راسه بين كفوف إيده و دموعه نزلت بغزارة و قال يارب يارب أرجوك ساعدني و نورلي
بصيرتي يارب لو أنا فيا حاجة فوقني قبل فوات الأوان و الله كل الي بعمله دا ڠصب