رواية اسيرة قلب الفارس الجزء الثاني كامل من الفصل الاول الي الفصل الاخير بقلم سلمي السيد

الشهقات لكن وقف عياط فجأة لما سمع صوت منة جانبه و هي بتقول بلطافة ممكن أقعد معاك ! .
سيف أتفاجأ بدخولها الجناح و بصلها بدموع علي خده و في عيونه من أثر العياط و هز راسه بالإيجاب في صمت .
منة أتنهدت بهدوء و قالت بدموع أنا حاسة بوجعك دا يا سيف أنا كمان بابا أتوفي .
سيف بدموع رغم إني شاب كبير و معتمد علي نفسي و مسئول عن بلد كاملة بس مۏت بابا كسرني حسيت إن العكاز الي بتسند عليه لما بغلط و لا بقع في مشكلة خلاص ضاع مني و مش هلاقيه أبدآ كمل بإبتسامة و دموع كان ملك شجاع أوي يا منة كان دايمآ يقولي أتعلم من الي هقوله ليك و الي هعمله قدامك عشان تبقي زيي أنت و أخوك و أختك و تبقوا أحسن مني أنا و أمكوا كمان كان مرة بيحكلنا عن أكبر حرب أنتصر فيها و كانت بينه و بين ملك مصاصين الډماء مالك و ازاي سيطر هو و جنوده و الوزراء بتوعه علي الخېانة الي الأمير برق عملها و ازاي أنقذ المملكة و شعبه و أهله و السلالة كلها من الهلاك .
منة بإبتسامة و دموع باباك في الجنة يا سيف أنا واثقة في كده إن شاء الله المهم دلوقتي إنك تشد حيلك و تبقي أقوي و أشجع من الأول أنت مسئولياتك كبرت و أعدائك بقوا أكتر لازم تربية باباك ليك علي القوة و الصبر تظهر دلوقتي يعني أنا معرفكش أوي يدوبك هو من أسبوع بس تعارفنا علي بعض و أنت بتحبني من سنة بس أنا مكنتش أعرفك بس أنا متأكدة إنك شخص كويس و محبوب و الكل بيحبك و إن شاء الله ربنا يجعل أيامك كلها خير ليك و تبقي زي الملك تميم .
سيف بإبتسامة و دموع إن شاء الله بس قوليلي بقا أنتي جيتيلي ليه .
منة أتنهدت بتوتر و قالت معرفش عشان مكدبش عليك أنا اه لسه محبتكش زي ما أنت بتحبني لكن قولت لازم أكون معاك في وقت زي دا و مينفعش أسيبك .
سيف كان حاطط إيديه الأتنين علي السور و باصصلها و بعد كده أبتسم و بص للمملكة و قال أنا هبقي زي الملك تميم إن شاء الله و عقبال ما تكوني أنتي كمان زي الملكة سالي .
منة أبتسمت و وقفت جانبه و عيونها علي المملكة زيه و سكتت .
زينب راحت لنجم و وقفت جانبه و قالت أنت كويس .
نجم بصلها بعقد حاجبيه و أستغرب إنها جت ليه و قال بدموع بحاول .
زينب بدموع ربنا يرحمه يارب هو في الجنة إن شاء الله .
نجم بدموع إن شاء الله .
سكتوا شوية و بعديها زينب قطعت السكوت دا لما قالت ...........
زينب بتوتر أحم هو أحنا ممكن نتكلم في أي حاجة مثلا ! .
نجم أبتسم بدموع و بتعب و قال عاوزة تقولي اي .
زينب بلطافة و تلقائية و حركات عشوائية بإيديها اممممم مش عارفه ممكن مثلآ أحكيلك و أنا صغيرة ازاي فتحت دماغ الواد الي معايا في الحضانة عشان ضړبني بإيده علي دماغي .
نجم ضحك بهدوء ڠصب عنه رغم حزنه و قال عشان ضړبك بإيده علي دماغك فتحتي دماغ الواد ! .
زينب بضحك ما أنا بصراحة كنت شريرة أوي و أنا صغيرة لو كنت شوفتني و أنا صغيرة يا نجم مكنتش حبتني كنت رجعت في كلامك .
نجم أبتسم بدموع و تعب و قال لاء كنت هحبك بردو مهما كنتي اي و بقيتي اي ميفرقش معايا طالما بحبك و مش عاوز حاجة تانية غيرك .
زينب أبتسمت و غمزتله و قالت شكلك رومانسي أوي بس الحظ وقعك مع واحدة متعرفش يعني اي رومانسية أصلآ .
نجم رفع حواجبه بذهول من غمزتها و أتكلم و عيونه مليانه دموع من أثر العياط و قال اي دا اي دا أنتي بتغمزي !!! سبحان الله الي يشوفك من أسبوع ميشوفكيش دلوقتي .
زينب بلطافة ما بصراحة أنتو حياتكوا دي متدخلش العقل يعني أنت متخيل تبقي عايش في بلد ٢٤ ساعة خناق في كل الشوارع و العيال بتكسرلنا أزاز البلكونة كل شوية من لعب الكورة و أم عبده جارتنا الحشرية الي حاطه مناخيرها في كل حاجة و فجأة كده تصحي من النوم تلاقي نفسك في مملكة بلبس مختلف و قوانيين مختلفة لاء و كمان حد بيحبك بقاله سنة و عاوزك معاه و بني آدمين بيتحولوا لأي كائن حي علي الأرض و الحيوانات بتتكلم عاوز الواحد يتصرف ازاي ساعتها ! دا كويس إني مجليش سكتة قلبية من الخضة يا جدع دا أنا حاسة إني دخلت في رواية و بقيت بطلتها .
نجم بإبتسامة ما أنتي بطلة رواية فعلآ .
زينب بعقد حاجبيها دا ازاي دا ! .
نجم بإبتسامة بطلة روايتي يا زينب .
زينب أتنهدت بإبتسامة و كسوف و قالت نجم هو أنت واخد دروس في الرومانسية .
نجم عمل بإيده حركة اللا مبالاه و هو باين علي وشه الإرهاق و التعب و قال بيقولوا .
زينب ضحكت ضحكة خفيفة جدا و أتنهدت بإبتسامة و وقفت جانبه في صمت .
أما سها ف كانت قاعدة في جناحها و عيونها مدمعة من الي حصل في القصر و كانت عاوزة تقوم تقف معاهم لكن كرهها للقصر و للمملكة مخليها مش قادرة تقوم و تقف جانبهم نمر جه علي بالها كتير جدآ سألت نفسها إنه يا تري حالته هتبقي اي دلوقتي بعد مۏت خاله الي كان بيحبه زي أيوه بالظبط لكن بردو مقامتش .
في مملكة السحر .
الملك آسر بإبتسامة إنتصار و أخيرآ الملك تميم ماټ .
ياسين بضيق نفسي أعرف أنت ليه مصمم تكون إنسان مش كويس هو أنت مصعبش عليك الي أنت عملته دا .
آسر و هو الملك تميم مصعبش عليه الي عمله في عمنا مالك ملك مصاصين الډماء .
ياسين عمنا مكنش كويس و كان إنسان الشړ مالي قلبه و رد فعل الملك تميم معاه كان طبيعي عشان يحافظ علي مملكته و شعبه و أهله و دلوقتي أنت ماشي علي سيره أهو أوعي تكون فاكر إن بمۏت الملك تميم ف أنت كده أنتصرت خلاص متنساش ولاده الملك سيف و الأمير نجم و كمان الأمير نمر ابن الوزير رعد دول نسخة من الملك تميم و الوزير رعد الكل بيتكلم عن قوتهم و إنهم شايفين فيهم شباب الملك تميم و الوزير رعد .
آسر بشړ بس أحنا مش مصاصين دماء يا ياسين أحنا مملكة السحر أنا ملك المملكة و أكبر ساحر فيها و أنت أخويا يعني المفروض تبقي في صفي مش في صفهم هما دول أعداء مملكتك يا سمو الأمير و لا أنت هتضعف بسبب حبك ل شمس أختهم .
ياسين بشدة و صوت عالي شمس متعرفنيش أصلا و
متعرفش إني بحبها أنا الي أعجبت بيها لما شوفتها