رواية قربان الجن كامله

الارض سايح فى دمه يا نغم وابوكى كان خرج جرى من البيت 
بقى ويلي ابنى اللى سايح فى دمه و ويلي ابنى اللى هيتحبس لو اتعرف ان هو الىل عمل كده بقيت اكتم لعمك الډم ومش راضي يقف وهو فى دنيا تانية مش بينطق بقيت احاول افوقه واقوم امسح البيت علشان ميبقاش في اى حاجة تقول ان ابوكى كان عند عمك 
حتى جسم عمك بقيت عمالة امسح فيه واخلى بصمات ايدي على كل جسمه وهدومه واول ما لقيت عمك بيحرك دماغه بقيت اصړخ على الناس ينجدونى 
الناس اتلمت على صوتى وجروا بعمك على المستشفى والخبر لما وصل ل ابوكى جالنا يجرى على المستشفى ولا كأنه عامل عملة مكانش عارف انى عارفة ان هوا اللى ورا المصېبة اللى احنا فيها دى
الجيران واقفين معانا وابوكى وامك واقفين هيتجنوا مش عارفة كانوا بيتمنوا ان عمك ېموت ولا كانوا خايفين عليه ولا كانوا خايفين انه يعترف على اخوه
لحد ما طلعلنا الحكيم وقالنا ان عمك الخبطة عملتله ڼزيف على المخ وفى غيبوبة 
سيبنا عمك فى المستشفى فى الانعاش بين ايدين ربنا 
وابوكى وامك حسوا الوقت ده ان عمك خلاص ماټ ومصيبته ھتموت معاه وټدفن 
روحنا كلنا وكان مينفعش اسيب مرات عمك تبات فى البيت لوحدها ماهى جاتلنا على المستشفى اول ما عرفت الخبر من الجيران 
ابوكى اليوم ده قالنا ما تيجوا انتم تباتوا معانا فى البيت والصبح نطلع كلنا على المستشفى لكن عنيا مكانتش مطاوعانى ابص ناحيته حتى مش مصدقة انا ازاى مخلفة بنى ادم بالغل والحقد ده ازاى هان عليه اخوه للدرجة دى 
يمكن هو مكانش قاصد يعمل فيه كده وكان ميعرفش ان الغل اللى جواه ممكن يوصله انه ېقتل اخوه اليوم ده بالذات مكنتش عارفة افسر اى تصرف لأبوكى وامك التفسير المظبوط وفى نفس الوقت هو ابنى برضه اللى هخاف هو كمان يروح مني حتى لو عامل مصېبة 
مرات عمك قالت لاء مش هينفع ابات برة بيتى وانا على اد م كان نفسي امسك فى رقبة ابوكى اطلع روحه فى ايدي لكن كان لازم مبينش لمرات عمك حاجة رديت وانا باصة بعيد عنه انى مش هينفع اسيبها تبات لوحدها 
ورجعت البيت مع مرات عمك 
واللى دخلنا ولقيناه اكدلى ان ابوكى كان للاسف متعمد يعمل اللى عمله ده فى اخوه اللى هو عمك
دخلنا لقينا القطط مش موجودة 
عرفت ساعتها ان الموضوع كان مترتبله وابوكى وامك كانو عاملين حسابهم على كل اللى هيحصل ان البيت يبقى فاضى لما يتعرف ان عمك اټقتل ولا دمه سايح وكله ينشغل فيه يكون هو مرتب حاله على انه يسرق القطط دى بس عارفة يانغم لحد قبل م اموت بيوم واحد بس مكنتش اعرف مين اللى دخل بيت عمك سرق القطط لما كنا فى المستشفى .
حكايات_نونا
يتبع
قربان الجن
حكايات_نونا
الجزء العاشر
سمعت نغم جدتها فى كل الكلام اللى قالته وكانت مركزة فى كل حرف وعايزة توصل لحد نهاية اللى حصل لعمها 
لكن اټصدمت لما ركزت فى كلمة جدتها 
قبل م اموت بيوم واحد
فاقت نغم وكأنها كانت نايمة مغنطيسيا او كانت فى دنيا تانية هى ازاى مركزتش فى ان جدتها مټوفية من زمان هى ازاى كانت مهتمة اوى بالكلام وبتسمعها با استمتاع وهى اصلا عارفة ان جدتها مش عايشة 
كانت لسة الجدة قاعدة بنفس الثبات اللى ظهرت بيه من اول الموقف 
نغم ب توتر..قبل ما تموتى..تيته انتى مېتة ..هو ازاى انتى قاعدة معاية كده وبنتكلم سوا وانتى مېتة من زمان 
الجدة..علشان انتى يا نغم الوحيدة اللى اتكتبلك تعرفى الحقايق واتكتبلك توصلى الرسايل اللى انا واللى زيي ماتوا و رسايلهم ماټت معاهم
وب الاخص الرسايل اللى فيها حقوق ناس تايهة 
نغم..هو انتى تيته بجد ولا انتى عفريت من العفاريت اللى بشوفها 
الجدة ..لا انا جدتك يا نغم اعتبرى نفسك بتحلمى او ان اللى هقولهولك ده كان وصيتى ليكى قبل م اموت 
كأن اللى بقولهولك كنت بعتاهولك فى جواب 
عايزاكى تسمعى باقى كلامى 
وقبل ما تخلص الجدة دخلت تانى ام نغم 
يا نغم انتى كل ده مطلعتيش ليه يلا يا امى 
بابا واخواتك قاعدين مستنينك تاكلى معانا وبعدين مش قولتى هصالح بابا 
يلا علشان هو زعلان من اسلوبك اللى اتكلمتى بيه 
نغم..انا طالعه معاكى اهو يا ماما
الام..مش قولتى هتغيري هدومك ..مغيرتيش ليه اومال قاعدة كل ده بتعملى ايه 
نغم ..ولا حاجة يا ماما انا بس كنت كسلانة اقوم من السرير 
يلا بينا نطلع برة 
طلعوا قعدوا سوا وكانت نغم دماغها فى اللى شافته وفى كلام جدتها وايه اللى كانت هتقوله وملحقتش
الام..نغم..يا نغم ..فى ايه مالك سرحانة فى ايه 
نغم..معلش انا اسفة بس شكلى كده لسه عايزة انام
صح يابابا معلش انا اسفة لو اتكلمت بطريقة مش كويسة 
انا بس الكوابيس اللى بشوفها كانت مخوفانى اوى ومعرفتش اعبر عن خوفى غير ب الطريقة الغلط دى 
انا اسفة ممكن ماتزعلوش مني 
الاب..احنا مبنزعلش منكم يا نغم 
لكن الصح انى اقولك ايه اللى ممكن نقبله