رواية انا والشيطانه بقلم ياسر عوده كامله

وفجأه سمع الشيخ صوت نفس الصوت اللى سمعه من شويه لما نيار كانت لبسه احمد وسمع الشيخ احمد بيقوله دا انت جاهل اوى وعمليك شيخ وامام وانت اصلا خاېف من خيالك ومدام خاېف جيت هنا ليه وضحك احمد ضحكه عاليه مخيفه .
الټفت الامام والتفتت سعاد وشافوا احمد واقف وعيونه رجعت واسعه وملامحه مخيفه اكتر من الاول .
سعاد مكنتش مصدقه اللى شيفاه والشيخ مقدرش ينطق هو كان فاكر الموضوع خلص هو اصلا مبقاش عارف يعمل ايه .
احمد انا سبتك تعمل اللى انت عوزه وعملت نفسى اتحرقت بصراحه كان شكلك مضحك اوى وفضل احمد يضحك .
سعاد بصت للامام وقالتله ايه العمل يا شيخ .
بس الامام كان فعلا خاېف من نيار وكان خاېف انه يتعرض للمس علشان كده قال ل سعاد مش عارف يا بنتى انا لازم امشى سمحينى ربنا معاكى .
فتح الامام باب الشقه ونزل من الشقه جرى وسعاد تنادى عليه تستنجد بيه بس هو مردش وجرى وكانه شاب فى العشرينات من كتر الخۏف .
سعاد التفتت لاحمد ومقدرتش تتكلم فقالها احمد ايه اللى انتى جيباه ده انا هدخل الاوضه مش عاوز ازعاج فاهمه .
حركت سعاد راسها بالموافقه ودخل احمد اوضته ووقعت سعاد على الارض مغمى عليها من الخۏف والموقف .
بعد ساعه فاقت سعاد لوحدها مكنتش عارفه تتصرف ازاى هى خاېفه تقعد فى الشقه وحتى الشيخ اللى استنجدت بيه خذلها وهرب وحست ان الدنيا اسودت قدمها وحست انها فقدت ابنها احمد للابد .
اما امام المسجد فروح بيته وهو فى حاله خوف وړعب هستيرى كان خاېف الجن يمسه عقاپ ليه روح البيت واستغطى ونام وهو بيقراء اللى حفظه من القرءان وكان جسمه بيرتعش .
تانى يوم صحى امام المسجد فى صلاه الفجر ونزل علشان يصلى الفجر وبعد الصلاه فضل فى المسجد قاعد مش بيتحرك عمال يفكر فى اللى حصل الليله اللى فاتت وفضل قاعد ده لغايه صلاه الظهر فى المسجد وانتبه ليه واحد من اصحابه وسأله ماله فحكاله كل اللى حصل وقد ايه هو زعلان من نفسه ومن اللى عمله سعتها صحبه أنبه انه تدخل فى حاجه ميعرفش فيها وكمان قاله انه لازم يساعد الست اللى استنجدت بيه باى شكل وقاله انا عندى الحل فى واحد ناس كتير بتتكلم عنه كلام كويس اوى بيقولوا عليه انه علمه كبير وانه ساعد ناس كتير وكان مسافر بره مصر فى دوله عربيه وسمعت انه رجع من كام شهر روحله وهو يساعدك .
الامام انت تقصد الشاب اللى سمعنا عنه من فتره 
صاحب الامام ايوه هو الله ينور عليك .
الامام وده بيقعد فين 
صاحب الامام روحله بسمع انه كل يوم بيصلى العشا فى مسجد الحسين .
الامام ان شاء الله هروحله النهارده اظن ان اسمه كان .......... اه افتكرت اسمه كان سلام يقصد بطل قصه حارس الضريح وقصه دهار .
صاحب الامام ايوه اسمه سلام روحله .
الامام هروحله النهارده باذن الله .
انتظروا الجزء الاخير ... لا تنسى ذكر الله .
بعد قليل