رواية غرام تركي البارت 25-26-27-28-29-30بقلم لؤلؤ محمد

استراحه موجوده في الفندق وغرام قعدت Довіра що твій батько послав тебе зі мною і він каже тобі що у твоєї матері побіліли очі від плачу через твою розлуку
الأمانه التي أرسلها لك والدك معي ويقول لك لقد ابيضت عينان والدتك من البكاء على فراقك 
المدير طمني والدتي اني راجعلها قريب بإذن الله بس أصفي شغلي
غرام بصتله جامد وهو بصلها ومشي 
غرام غريبه ده بيتكلم مصري أمال ليه رسلان قال نقول كلمة السر بالأوكراني  
شويه والمدير جاب لغرام مفتاح غرفتها وطلعت غرفتها 
وهكذا حصل مع رسلان وركان ويوسف وعدى اليوم طبيعي مفيش فيه أي أحداث تذكر 
بقلمي_لؤلؤه_محمد
رواية_غرام_تركي الفصل 26
هحاول بإذن الله أنزل أكتر من فضل يوميا تعويضا للغياب اللي حصل وياريت التفاعل يرجع زي الأول
غرام صحيت من النوم لبست دريس جلد اسود بحزام أبيض وطرحه بيضه وشنطه بيضه ونضارة اكسسوار ونزلت مطعم الفندق طلبت فطار ومسكت فونها تلعب فيه بس ده الظاهر للناس لكن الحقيقه إنها كانت بتشوف صورة الراجل اللي هي مسؤوله توقعه عشان تاخد منه معلومات وبدأت تتأكد من ملامحه كويس عشان أول أما تشوفه تعرفه وتقرأ معلوماته كلها زي ساكن فين وايه الأماكن اللي بيتردد عليها من فتره للتانيه ومين بيكون معاه وشغلانته اللي بيداري فيها شغله الحقيقي 
نزل الفطار على الطاوله كانت هي خلصت ومسحت كل حاجه من فونها احتسابا لو الفون وقع في ايد حد وبدأت تفطر بهدوء خلصت وبعدين قامت أخدت شنطتها وخرجت من الفندق 
_____________________
عند رسلان صحي من النوم أخد شاور ولبس شيميز اسود ورفع كمامه وبنطلون جينز اسود وكوتش اسود ونضاره شمس وبعدين فتح فونه وبص على المعلومات اللي وصلتله عن الشاب المسؤول عن الأجهزة الإلكترونيه الخاصه بالماڤيا حفظ كل المعلومات في دماغه وبعدين مسحها من الفون ونزل على طول يبدأ شغله 
_____________________
أما ركان لبس تيشيرت أبيض نص كم وبنطلون أبيض وكوتش أبيض ونضارة شمس رفعها على راسه ونزل 
___________________
أما يوسف كان نايم على السرير على بطنه وفارد ايديه ورجليه شبه الضفدع 
___________________
كانت غرام ماشيه وفجأه خبطت في شخص كانت هتقع وهو مسكها 
غرام أسفه بجد مش قصدي وبعدين خبطت جبهتها بإيدها نسيت اني في أوكرانيا Мені так шкода що я не хотів
أعتذر لك كثيرا لم أقصد 
بصلها الشخص بابتسامه ولا يهمك مش مشكله 
غرام پصدمه وزهول انت مصري 
الشخص بابتسامه أنا والدي فرنسي ووالدتي سوريه بس أنا عيشت فتره كبيره في مصر واتعلمت أتكلم مصري كويس 
غرام بابتسامه ياااااه ده الواحد بدأ يكتئب من كتر ماهو لازم يترجم كلامه 
الشخص باين عليكي انسانه تلقائيه جدا عشان كده مټعصبه من انك مش عارفه تتكلمي بتلقائيه وبعدين رفع ايده يسلم عليها راسيل أبراهام 
غرام سلمت عليه بابتسامه ريحانه أدهم 
راسيل اتشرفت بيكي 
غرام أنا أشرف 
راسيل ضحك عليها جامد لحد ما عيونه دمعت 
غرام بضيق طفولي هو أنا قولت نكته 
راسيل بضحك أصل يعني ايه أنا أشرف دي المفروض تقولي الشرف ليا 
غرام ضحكت معلش أصلي مش بعرف أرد 
راسيل ولا يهمك يا قمر تقبلي نتغدا مع بعض 
غرام بتفكير امممممم ممكن بكره عشان أنا انهارده لسه جايه أوكرانيا امبارح وعاوزه الأول أشوف شغل كويس 
راسيل بتعجب ايه ده انتي جايه شغل مش سياحه 
غرام سياحة مين ياعم الحاج احنا لاقيين ناكل 
راسيل بضحك ولما انتي مش لاقيه تاكلي يا أروبه انتي جيتي أوكرانيا ازاي 
غرام ياعم لقطت رزقي من هنا وهنا جمعت حق التذكره وفيه واحد الله يستره ساعدني 
راسيل طلع كارت من جيبه طب خدي يا أروبه انتي خلي الكارت بتاعي معاكي لو احتاجتي أي حاجه رني عليا 
غرام ايه يا أستاذ انت فكرتني شحاته والا ايه لأ انت فهمتني غلط 
راسيل على فكره مش قصدي كده خالص أنا بس ارتاحتلك وحسيتك انسانه كويسه وبعدين متنسيش أننا هنتغدا مع بعض بكره 
غرام اه إذا كان كده اشطا سلاموز ياعم الحاج وسابته ومشيت 
راسيل پصدمه أنا حاج هو أنا مش باين عليا اني 31 سنه والا ايه ومشي وهو ناوي يستنى رنتها 
______________________
عند رسلان كان قاعد في مطعم وقدامه قهوة وفي ايده مجله بيقرأ ولكن ده الظاهر لكن هو بيراقب واحد قاعد على طرابيزه قدامه بيفطر شويه والشاب ده جاله واحد قعد معاه