رواية موضوع عائلي البارت 24بقلم رحاب القاضي
بهدوء
تمام تعالي في نقف في البلكونه..
وراحو فعلا وقفو في البلكونه وهاجر كانت بتلاعب في ابنها اللي كان بيضحك معاها علي عكس ما كان معاه ومحمد قالها..
محمد
انتي كنتي فين..
هاجر
كنت مع ولاء وخطيبها..
محمد پحده
واخو خطيبها مش كده..
هاجر
حاجه ما تخصكش علي فكره..
محمد پحده
هو ايه اللي ما يخصنيش انتي ام ابني اللي سيبااه اليوم كله لوحده...
انت اخر واحد يتكلم معايا كده تمام ابني سيبته عشان كنت عارفه انك جاي وانا ما كنتش عايزه اشوفك..
محمد
امم كنتي قولتي وكنت قابلت ابني بره وابقي ابعتيه مع ابوكي..
هاجر ببرود
لا عادي ولا يهمك انت شوفه هنا احسن علي الاقل مطمنه عليه وهو هنا في البيت..
محمد بجمود
مين عدي ده..
هاجر
اخو علي..
محمد
هاجر ببرود
وانت مالك..
محمد
ما تعصبتيش يا هاجر انا من حقي اعرف..
هاجر
هو ايه اللي من حقك انت نسيت انك طلقتني واللي بيني وبينك حاجه واحده بس ابنك وياريت لو مش هتتكلم معايا علي حاجه تخصه يبقي ما تتكلمش معايا اصلا...
محمد بضيق
تمام يا هاجر ياريت تخلي بالك من ابنك...
مش انت اللي هتوصيني عليه ياا ابووه..
_ سابهل محمد ومشي حتي من غير ما يسلم علي حمدي اللي دخل عند هاجر وقالها...
حمدي
ماله كان عايز ايه..
هاجر بحزن
بيوصيني علي حامد هو انت ليه قبلت الحاجات اللي جايبها بره دي يا بابا انا مش عايزه حاجه منه..
حمدي
لا انا ولا انتي نقدر نقوله ما تجيبش او هات ده ابوه يا بنتي ومش هنحرمهم من بعض..
حاضر يا بابا اللي تشوفه انا تعبت شويه وداخله انااام..
_ ودخلت هاجر اوضتها ومعاها ابنها وبعد ما نيمته كانت قايمه عشان تغير هدومها بس رجعت ومسكت موبيلها اللي رن بوصول رساله ولما مسكت موبيلها لقيت رقم غريب باعتلها رساله صوتيه ولما فتحتها لقيته عدي وباعتلها..
عدي
بصي لو ناويه تهملي بلوك فا هو حقك مش ناويه فانا والله مش هبعتلك تاني ولا هزعجك تاني بس انا كنت باعت لحامد كام طقم كده من تصميمي واتحرجت اقولك عليهم قدام علي وولاء اتمني تقبليهم دي حاجه بيني وبين حامد صاحبي تمام...
هاجر
وصاحبك قبل الهديه مش هتدخل بينكم.. سلام.
_ وقغلت الفون وبصت للحاجه اللي جابها عدي بعد. ما طلعتها من الشنط وكانت مبسوطه بيهم اكتر من اللي جابهم محمد وولاء دخلت وقالتلها..
ولاء
طيب والله عدي ده زي العسل..
هاجر بسخريه
عدي اللي ما لوش علاقه بابني اصلا عارف مقاسه بالظبط وابوه جايب حاجات لطفل عنده سنتين والعاب مش هيعرف يلعب بيها...
عشان خاطري فكري في موضوع عدي يا هاجر ده ولد طيب اووي وجدع جدا..
هاجر بهدوء
ان شاء الله خير يا ولاء..
بقلم_الكاتبه_رحاب_القاضي
_ وتاني يوم في بيت احمد رياض..
صحيت نور من نومها علي صوت احمد وهو بيتكلم في الفون واول ما فتحت عينيها لقيته قاعد علي الكنبه وساند الفون بكتفه علي ودنه وهو بيلبس الجزمه وبيقول بعصبيه..
احمد
اسمع يا سلطان اللي عملو فيك يونس الصاوي ده حقه وانا لو كنت مكاانه كنت هعمل اكتر من كده..
سلطان
انت هتمشي ورا البلطجي ده والله انت لو تعرف اللي فيها مش هتقول كده..
احمد پحده
البلطجي ده انت مش قادر تقف قصااده وبصراحه احنا شركتنا كبرت معاه هو وانا مش قليل اصل عشان اتفق معاك عليه..
سلطان
ماشي يا ابن عمي بس انت اللي هارجع وتحط ايدك في ايدي عليه لما تعرف اللي فيها...
قفل احمد الفون في وشه من غير ما يرد عليه ونور قامت
