رواية موضوع عائلي البارت 25 بقلم رحاب القاضي

عملتي ايه..
شهد اتنفضت پخوف وقالت 
والله العظيم ما عملت حاجه والله...
زهره بقلق 
بالراحه يا صبري وانزل انت شغلك وانا هتكلم معاها واعرف كل حاجه واقولك..
صبري بعصبيه 
اخرسي خالص يا زهره انا ما بقتش عارف اتكلم مع اختي  
 انطقي يا بت انتي عملتي ايه...
شهد پبكاء 
والله العظيم ما عملت حاجه هو اللي عايز يطلقني اقعد معاه بالعافيه يعني..
صبري پغضب
يا نهار ابوكي اسود عملتي ايه يخلي الراجل عايز يطلقك يا فقر انتي..
شهد بعدت عنه ووقفت وقالت 
انا مش فقر وما عملتش حاجه انا كل اللي بيحصلي ده بسببك انت وبسبب اني يتيمه وماليش حد المشكله فيك انت اهو قبل ما تعرف حاجه عايز تمد ايدك عليا وتجيب اللوم فيا انا بيتقل مني وهو بيبيع ويشتري فيا بسببك انت عشان عارف اني بخاف منك ولو جيت هنا انت مش هتجيبلي حقي عارف هو ليه عايز يطلقني عشان انا حامل وهو مش عايز يخلف مني ها قولي بقي ايه اللي انا غلطانه فيه..
فرحت زهره وقالت 
يا الف بركه بقي حد يزعل ان ربنا هيعوض عليه ويبعتله عزوه في الدنيا...
شهد كانت باصه لصبري بحزن وقالتله
انت عمرك ما كنت ليا مكان ابويا انت حتي انك بتصرف عليا وبتأكلني وبتشربني بحسك بتعملها واجب وبتزلني بيها علي طول انا لو لاقيه مكان تاني اروح فيه بعيد عنك كنت روحت ولا اني كنت جيت عندك انا ما بكرهش في حياتي قدك يا صبري..
اتملت عيون صبري دموع وزهره قالت بقلق
ايه اللي بتقوليه ده يا شهد ما تخليش زعلك يقولك كلام انتي مش عارفه معناه ايه..
صبري بضيق 
انا نازل الورشه خليكي قاعده ولو كلمك ما ترديش عليه اللي عايزك يجيلي انا الاول. 
_قال كلامه ومشي وشهد راحت نامت وهي بټعيط وبصت لموبيلها وكانت بتتمني ان يونس يكون كلمها او بعتلها حتي رساله بس ما لقتش حاجه..
بقلم_الكاتبه_رحاب_القاضي 
_وفي الوقت ده كان يونس واقف قدام بيت اهل هناء القديم وبيحبط جااامد بقاله فتره وما حدش فتح...
يونس پحده 
افتح يا مازن انا عارف انك جوه لو ما فتحتش هكسر الباب والبيت كله علي دماغك..
جاله صوت مازن من جوه البيت وقال
مش هفتح وانت امشي وروح لحياتك كلكم كده خليكم في حياتكم وانا خلوني لوحدي انا كده مرتاح.. 
_يتبع... 
البارت هيتقسم اتنين عشان يتقبل
يونس بهدوء 
يا عم انا جايلك لوحدي ومش جايب حد معايا افتح بس اسمع الكلمتين اللي هقولهم وهمشي..
_سكت مازن ويونس وقف شويه وكان هيمشي بس مازن فتح الباب وكانت عيونه كلها دموع قرب منه يونس وقاله..
يونس 
لولا ما محتاج حد جنبك لولا ما فتحت....
دخل يونس وقاله 
المفروض بقي اخدك في حضڼي واقولك واحشني والجو ده بس ده مش مكاني انا ولا دوري انا محمد وامك هيعملو كده واكتر لما يشفوك..
مازن بسرعه 
لا لا انا مش عايزهم مش عايز اشوفهم...
يونس
هما مش زعلانين منك بالعكس بيتمنو ترجع وخصوصا امك دي ھتموت عليك..
مازن بدموع 
بس انا ما استاهلش اكون معاهم يونس انت اتربيت مع ابوك وشوفت الاصعب مني ما عملتش زيي العيب مش فيهم ولا فيك ولا في الظروف العيب فيا انا اللي وحش وما استهلش اي حاجه حلوه من اللي كانت في حياتي..
وقف يونس قصاده وقاله
انت عامل كده ليه وبتقعد في البيت المجور ده بالاسبوع واكتر لوحدك ليه..
مازن دموعه نزلت وقال
عشان ما اتعبش حد انا كده مرتاح وانتو كلكم ارتاحتو..
يونس 
وليه كده ما ترجع وسط اهلك وتبقي بني ادم..
_مازن راح فتح الشنطه بتاعته وطلع اكياس صغيره وقال ليونس پبكاء..
مازن 
في ده انا بعد ما سړقت شقي اخويا اتضحك عليا واتكسفت ارجع تاني واوريهم وشي وفضلت في مصر لا سافرت ولا حاجه وعرفت راجل بيتاجر في الحاجات دي روحتله باسم غير اسمي وقولتله ماليش حد وهو شغلني معاه وزي ما بيقولو طبااخ السم بيدوقو بقيت ولا اجدعها مدمن..
اټصدم يونس وقاله
انت بتقول ايه ليه تعمل كده في نفسك لييه...
مازن مسح دموعه وقال
عشان ده انا الموضوع مش في التربيه انا اللي وحش وفوقت بس بعد ايه متأخر خسړت اهلي وو وخسړت البنت الوحيده اللي حبتني وحبيتها بعد ما دمرتها انا ما استاهلش غير اني اكون لوحدي..
في اللحظه دي