رواية موضوع عائلي البارت 28بقلم رحاب القاضي
انت في الصفحة 1 من 8 صفحات
رواية موضوع عائلي البارت 28بقلم رحاب القاضي
موضوع عائلي
الحلقه الثامنه والعشرون
_ماذا ستفعل الماء في تلك الارض التي ماټ اهلها وكذلك القلوب إن كسرت لن تعود ابدا كما كانت.. فأياكم وكسر القلوب
صبري
جاي ليه
يونس
جاي اطمن علي مراتي اختك لسه مراتي وهتفضل كده وجاي برضو اتكلم معاك شويه بالعقل
كان فين العقل ده لما كسرت فرحتها كان فين العقل ده وانت بتقول لمراتك تنزل ابنك وتموته انت اخر واحد يتكلم عن العقل
يونس بضيق
يعني هو انت كنت ملاك برئ معاها ده انا اول مره شوفتها كانت متبهدله منك فمتجيش تعمل فيها شهم وجدع علي قفايا
صبري پحده
لا عندك انت مهما عملت عمرك ما هتوصل ل اللي بيني وبين اختي ولا حد في الدنيا هيحب اختي وهيخااف عليها قدي انا انت فاهم ولا لا..
طيب ممكن اشوفها واتكلم معاها ده حقي..
صبري
مالكش حقوق عندي ومدام ما عرفتش قيمتها في الاول ودوست علي كرامتها وقلبها يبقي تنسي اني اخليك تشوفها ولا اديلك اي حق فيها تاني..
يونس پحده
هو انا عشان ساكتلك هتنسي انت بتكلم مين انا يووونس الصاوي اللي انت ومنطقتك كلها بتعمله الف حساب..
هتعمل ايه يعني هتاخدها ڠصب عني لو راجل وريني هتعمل كده ازاي..
يونس بعصبيه
لا انا راجل ڠصب عنك وعن اللي يتشددلك وما اتخلقش اللي هيمنعني عن مراتي..
_جه يونس يدخل جوه بس صبري مسك فيه وكانو هيتخانقو بس طلعت شهد بسرعه وقالت بدموع..
شهد
امشي يا يونس.. امشي يا يونس انا مش عايزه اسمعك ولا اشوفك اصلا
لو لاخر مره بس اسمعيني انا والله العظيم بحبك ومش هقدر اعيش من غيرك..
شهد اتكلمت من غير ما تبصله
بس انا هقدر اعيش من غيرك ومش هقدر اعيش معاك حل مشكلتك دي بقي بعيد عني ده اذا كنت بتتكلم جد اصلا
يونس
يعني ده اخر كلام عندك..
شهد بصتله بجمود وقالت
ايوه واياااك تكلم اخويا بالطريقه دي تاني انا ما جيتش اشتكيتلك منه قبل كده عشان تدخل في اللي بيني وبينه واللي هو هيقوله انا هنفذه من غير ما افكر حتي لو كان علي حساب مين..
اطلع بره وما تجيش هنا تاني والا هكلملك الشرطه..
_قربت بطه من يونس اللي كانت عيونه علي شهد وقالت بحزن علي حالته..
بطه
تعالي نمشي يا يونس مش وقت اي كلام دلوقتي يلا عشان خاطري..
يونس بجمود
اعملي اللي تعمليه يا شهد انتي واخوكي بس طلاق مش هطلق هترجعي بيتك اهلا وسهلا مش هترجعي يبقي خليكي قاعده عنده براحتك شالله حتي تخللي بس برضو مش هطلقك وهتفضلي علي ذمتي
زهره
نفسي مره تفكر قبل ما تتعصب..
صبري
قصدك ايه انتي كمان ان انا ما بفكرش
زهره
ايوه ودبش ومتسرع الراجل جه لحد البيت واعتذر لاختك بدل المره اتنين يبقي نلم الموضوع ولا نكبره..
صبري بغيظ
انتي عايزه ايه عايزاني اقوله ايوه صح خدها وطلع عين ابوها معاك ولما تزهق هاتها انتي اټجننتي يا وليه
زهره
يا اخويا حاسبه بس بالهداوه مش كده وبعدين اختك بتحبه وهتسامحه بلاش انت تكبر الموضوع..
ابتسم صبري وقال
المهم شوفتي وهي بتيجي في صفي لا انا عرفت اربي البت كبرت في نظري اوووي..
زهره بغيظ
انا قايمه اشوف اللي ورايا عشان انام شويه قبل السحور ده انت دماغك فضيت اووي يهو صبري
_في المستشفي عند خالة نسرين..
كانت قااعده جنبيها واحمد قاعد علي الكنبه قصادهم ونسرين قالتلها..
نسرين
اتكلمي يا خالتو ما تسكتيش خالص..
احمد
حرام عليكي
