حكاية سما وغيث كامله

كلامك .... هي ايه اللي هيجبرها .... بص اعمل انت العمليه و انا اوعدك هعملك اللي انت عايزه 
عبدالله انت بتاخدني على قد عقلي يا ولد انت .... غيث انا كلامي نهائي متحاولش 
غيث يا بابا انت الله يكرمك ...... افرض هي موافقتش او بتحب حد تاني او او ...... انت هتعمل ايه 
عبدالله سماء لو كانت بتحب كنت انا اول واحد هيعرف ..... لانها مش زيك محدش يعرف عنها حاجه .... و اظن اني قبل ما اقول شرطي سألتك اذا كان في حد كده او كده ولا انا غلطان ..... خلاص بقى 
يقطعهم صوت خبط في الباب 
عبدالله ادخل 
سماء فين الراجل اللي عايز يشوف غلاوته عندنا و عامل فيها تعبان دا 
ايه دا ايه دا ايه دا ..... يا راجل دا انت بسم الله ما شاء الله عليك احسن مننا كلنا الله اكبر عليك .... دا انا جايه و جيبالك حتة عروسة انما ايه 
حاجة كده اللهم صلي على النبي 
عبدالله بس يا بكاشه ..... تعالي هنا وحشتيني 
و عروسه كمان مين دي بقى 
محمد استنى انت بس يا عبدالله طب هاتي لابوكي الاول اهو اولى من الغريب يا زفتة انتي 
عبدالله غريب مين يا عم انت ..... دي بنتي .... و انا بس متحنن عليك و سيبهالك ولا ايه يا بنوتي الجميلة انتي ...... 
سماء انا اقدر اكسرلك كلمة يا سي عبدو دا انت الخير و البركه ياخويا 
محمد طب والله انت اللي مبوظ البت دي بدلعك ..... دي بتقولي حمودي و بتقولك سي عبدو ..... حسبي الله 
سماء في ايه يا حمودي ما بلاش انت .... يحسن اقول لعبدو انت قلت ايه عليه 
عبدالله الله اكبر تعالي يا فتانتي و قوليلي قال ايه 
سماء هييح .... انا فتانه يا عبدو ..... اخص عليك اخص 
بجد اخص .... ايه المقابل و اسمع تسجيل لكلامه كمان 
محمد لا دا انتي زودتيها اوي .... فين الشبشب .... فين الشماعه ..... في
سماء فين الادب .... فين الاخلاق 
سماء و عبدالله حفظنا خلاص 
محمد انا مش هرد على اتنين تافهين زيكم 
انا ماليش في القعدة دي غير غيث اصلا ...... معرفش ازاي انت ابوه بيجامات توم و جيري اللي انت لابسها دي 
سماء طب يا حاج .... خليك انت مع ابو بوز دا و سيبني انا مع العسلية السكرة دا احكيله على العروسه ..... قال غيث قال .... دا عليه جوز عيون ياخرابي لما يبرق بيهم ..... بيبقى شبه دراكولا .... طب والله انا ظالمه دراكولا فيه ....... قال غيث قال 
غيث و ماله غيث يا ست سماء ! 
سماء بتتنيحه سعادة الباشا الكبير غيث بيه 
يا اهلا يا اهلا ..... انت هنا من امتى يا جدع انت .... كنت لسه بشكر فيك والله 
حتى اسألهم .... كنت بقولهم دا الذوق كله و انك حتة سكره كده 
غيث امممم و ايه كمان .... 
سماء بخفوت عبده .... هو سمعني بس قبل ما ارجع ورا ! 
عبدو بخوت اكبر اه ياختي سمع كل كلمه من اول العروسه لحد دراكولا 
سماء احم ... طب مش تقولوا من الاول يا جماعه 
اه انت فعلا مرعب اكتر من دراكولا ..... دا كفاية بوزك دا ... يوووه
غيث انا ببوز ..... انا ببوز يا بابا .... انا ببوز يا عمي محمد !!!! 
محمد لا يا حبيبي سماء بس بتهزر هزار رخم 
عبدالله لا انا بنتي عنها حق ...... 
انت فعلا بوزك يقطع الخميرة من البيت 
غيث بابا انت بتقف في صفها عليا 
سماء استني