رواية امي لبستني لبس ولاد والسبب البارت الثاني2
خالص..
فرحت ناديه وقالت _
عين العقل واهو يا عبد الرحيم جات منهم عشان متقولش انتي السبب ولا انتي اللي بوظتي الموضوع...
_دخلت هنا اوضتها وفضلت تبكي مش عشان الجوازه هتبوظ بكت علي اللي حصل واللي قالته مرات عمها قدام الناس..
_بالليل في بيت صلاح كان محمود قاعد مدايق وقال لصلاح باباه..
محمود _
بس انا مش عايز هنا يا بابا انا بحب منال...
منال مين دي اللي بتحبها اللي كانت مخطوبه يجي خمس مرات وبعد ما ياخدو اللي عايزينه من الخطاب يفسخو وانا مش حمل ادفع شقايا وتعبي علي ناس زي دي وفي الاخر يقولولك امك في العش ولا طارت..
فايزه پحده _
يعني ناديه وبنتها اللي مش هيعملو كده والنبي ده انت طيب يا شيخ صلاح..
زعق فيها صلاح وقال _
ما تتكمي بقي يا وليه انتي وبعدين هو انتي ليكي عين تتكلمي بعد اللي عملتيه ده انا وشي بقي في الارض من عبد الرحيم اخويا..
يا حج بس انا مش عايز هنا هتجوزها ليا بالعافيه يعني...
زعق فيه باباه وقال _
ايوه هتتجوزها وبالعافيه كمان انا ابوك واكتر حد عارف مصلحتك فين..
قام وقف صلاح وكمل كلامه وقال _
انا طالع اتفق مع عبد الرحيم علي معاد الفرح احنا مش اغراب عشان نعمل خطوبه طويله والكلام ده ومن بكره العمال هيجو يظبطو الشقه بتاعت محمود فوق...
قعدت مياده اخته جنب مامتها وقالت بضيق _
يعني برضو يا ماما هنا هتيجي هنا وهتتجوز قبلي مش كفايه انها كل العرسان بتجيليها هي وموقفه حالي..
فايزه پحقد ردت عليها وقالت _
ما تزعليش يا مياده ووعد مني اني والله ما هخليها تتهني باخوكي يوم واحد..
عبد الرحيم _
يرضيك انت بقي الكلام ده يا شيخ صلاح..
رد عليه صلاح وقال_
لا طبعا ما يرضنيش الكلام ده وانا والله يا اخويا عاتبتها وهي مش هتعيد الكلام ده تاني وبعدين معذوره برضو..
عبد الرحيم بضيق رد عليه وقال _
معذوره في ايه بس يا صلاح وايه العذر اللي يخليها تتكلم كلام زي ده قدام الناس علي بنتي..
مياده يا عبد الرحيم دي عندها دلوقتي فوق الخمسه وتلاتين سنه وما فيش حد متقدملها وانت عارف هي في الشكل مش حلوه زي هنا..
اتنهد عبد الرحيم بضيق وقال _
خلاص يا صلاح يا اخويا من غير ما تكمل..
صلاح_
ايه بقي نكبر دماغنا من كلام الستات اللي لا بيودي ولا يجيب ده ونقرا الفاتحه ونتفق..
عبد الرحيم _
علي بركة الله يا صلاح يا اخويا نتفق ومالو...
ناديه بضيق _
معلش يا هنا اقلعي الفستان ده وامسحي المكياج ده..
اتملت عيون
