حكاية فيروز كامله

هتعود كده علي الدلع ده. 
ابتسمت وقولتله 
وماله طول ما انا موجوده هدلع قره عيني براحتي.
قضيت وقت لطيف بجانب قره عيني كالعاده دايما
بيفضي نفسه من اجلي بيشاركني احلامي التافهه بيشاركني ۏجعي وحزني قبل فرحي بيسندني قبل 
ما اميل او اقع بيفهمني اخطائي براحه ف يستاهل
ان انا ابقي ملزمه ويستاهل كل الدلع والحب ومش هيكفي.
ايوب !! 
انت مش المفروض تكون في الشغل !. 
بصلي بابتسامه 
وانا هسيب مراتي في اول جلسه ليها مش مهم الشغل 
في داهيه هيتعوض لكن انت لا. 
انا قولتلك ان انا بحبك. 
ورد ماسك ورد.
اتنهدت بابتسامه وانا بشم وبستنشق ريحه الورد وكلامه اللي بيفقدني صوابي وبغرق فيه اكتر ومين ميحبش ايوب ويدوب فيه ده كفايه وسامته وحنيته.
كنت خاېفه متوتره اعصابي سايبه بس كان بيطمني وبيطبطب عليا ونظره عينه اللي مليانه دفئ وحب ليا ده لحد ذاته كان دافع قوي عشان احارب واكمل.
انا خاېفه. 
وانا جنبك مش عاوزك تخافي ابدا هتخلص بسرعه وهتبقي زي الفل وتتعافي.
اتنهدت بامتنان ليه ولندي اللي مسابتنيش ولا لحظه وفضلت جنبي تشجعني كنت عارفه انها زعلانه علشاني ومش هتقدر تقاوم لكن كانت بتقوي نفسها علشاني دخلت الجلسه وبعد ما خرجت قربوا يطمنوا عليا كان جوايا ارهاق نفسي كنت حاسه ان مش هقدر اكمل وهستسلم 
بس كنت بقوي نفسي علشانهم ودعمهم ليا.
انت كويسه يا حبيبتي. 
هزيت راسي بابتسامه وانا بمسك ايده 
اطمن انا بخير طول ما انت هنا. 
فيه حاجه بټوجعك اجبلك حاجه!.
ابتسمت لقلقه وخوفه عليا فضل جنبي يداوي چروحي يشجعني ويصبرني فعلا الافعال والحب بيبانوا وقت الشده.
شعري شعري يا ايوب ! 
اتنهد وهو بيطبطب عليا 
ما انت زي القمر يا حبيبتي اهو. 
اتكلمت بتلعثم ودموعي نازله زي المطر 
شعري كله وقع ده اللي فاضل انا شعري كان حلو وطويل اوي والله. 
اتنهد وهو بيزفر بضيق وبيحاول يداري وجعه 
لا بس انت كده احلويتي اكتر والله. 
قاطعت كلامنا الممرضه وهيا بتقول 
هنقصلك شعرك يا جميله عشان يرجع احسن. 
عيطت پقهر وانا ببصلهم وبوجه نظراتي ليهم كانت ملامح الحزن والشفقه ظاهره عليهم ومنهم اللي بيبكي 
ماما انا مش عاوزه اقصه عاوزه اسيب الشويه اللي باقين. 
عيطت پقهر وطبطبت عليا 
هيرجع احسن من الاول بكتير صدقيني وهيطول تاني.
طب استنوا متقصوش عاوزه اشوفه لاخر مره...هيوحشني اوي كنت بحب شعري كان غالي عندي اوي.
دفست وشي بين كفوفي وعيطت پقهر وانا شيفاه بيتقص بس احسن ما يفضل يقع لحد ما احزن اكتر عليهكنت عارفه انهم بيعملوا كده عشان نفسيتي متتأثرش فوقت من شرودي علي ايوب
ايوب !. 
عيونه. 
انت عملت اي. 
ولا حاجه قولت احلق بالمره. 
بصتله بدموع 
انت عملت كده لي. 
علشانك شكلي حلو عشان انا وانت واحد انا مبسوط بشكلي كده انت اي رايك!.
كنت حاسه بكسره بابا وماما دايما بابا كان بيداري وجعه وحزنه كان دايما بيحاول يفرحني علي قد ما يقدر كان بيشوف ان ده ميكفيش لكن ده يكفي عندي بالدنيا انه بيحاول علشان يفرحني هو وماما.
ماما وبابا وندي فضلوا جنبي لحد ما اطمنوا عليا
وحاولوا يغيروا الجو ويهزروا معايا سابولنا مجال
انا وايوب وخرجوا فتحت ذراعي ومديته ليه 
اتكلمت بزعيق وعصبيه وانا برمي كل حاجه تقابلني في وشي شبه المجنونه 
انا تعبت. 
حاولوا يهدوني لكن بلا فايده 
انا تعبت من الجلسات ومن الكيماوي ومن شعري اللي لو رجع بيقع في ثانيه ولا من النز يف المفاجئ ده انا تعبت مبقتش قادره اقاوم.
حاسس بيكي وبوجعك وبتعبك احنا مش