رواية صاحب مفتاح الشقه البارت الثاني 2 بقلم عمرو راشد
انت في الصفحة 4 من 4 صفحات
ورحمه الله وبركاته
ثواني ولقيتها خرجت من جوا وشها ابيض وطالع منه النور اسم على مسمى فعلا.. نورا
امجد انت جيت
ابتسمت في وشها الجميل وقولت
ايوا جيت
بصت للحاجات اللي كانت في ايدي وقالتلي وهي مبتسمة
ايه دا كله
دي حاجات بسيطة جبتها من عند سيدنا الحسين
يا بركة الله انت كنت بتصلي هناك النهاردة
ايوا ودعيتلك كتير أوي
ربنا يتقبل منك يارب يا أمجد
انا بخير الحمدلله مش ناقصني غير وجودك
دايما يارب تكوني بخير انا كمان والله يا حبيبتي مش ناقصني شئ في الدنيا غير وجودك جنبي بس هنعمل ايه بقا دا شغل
مينفعش حتى تخليهم يومين في الأسبوع على الاقل اقعد معاك اكتر
الرزق مش هيستناني يا نورا دي تجارة مع الله انتي عايزاني مروحش الشغل و أقطع عيش الناس الغلابة اللي معايا
ربنا هيجازينا خير ان شاء الله على اللي بنعمله بس انتي دعواتك معانا
بدعيلك والله في كل صلاه ومع كل اذان يا امجد ربنا يخليك ليا يا حبيبي
طب ايه يا ست البنات مش هناكل حاجة من ايدك الحلوة
ايه دا يا امجد انت نسيت ولا ايه احنا صايمين
يا الف نهار ابيض تصدقي كنت نسيت فعلا الشغل واخد عقلي كله والله بس الحمدلله طالما بنرضي ربنا يبقا نستحمل أي حاجة
براحتك خالص وانا كمان هدخل اصلي
هتصلي ايه لسة العصر مأذنش
هصلي ركعتين شكر لله بركة اني شوفتك وقعدت معاكي انا طول الاسبوع بدعي ربنا ليل ونهار ان الايام تجري بسرعة عشان يوم الجمعة ييجي واشوفك
طب ايه رأيك لو نخلي كلام الغزل دا بعد الفطار احسن
نخليه طبعا يا ست البنات
نورا دخلت جوا تحضر الفطار وأنا كمان دخلت الأوضة على اعتبار اني هصلي ولكن أنا فتحت تليفوني واتصلت ب منال
خير يا حبيبتي انا بس حبيت اني هفطر برا النهاردة
عند امك
لا دي عزومة واحد صاحبي عاملها بتاعت كل سنة دي مانتي عارفاها
وهتخلص امتا
لسة مش عارف بس عموما انا مش هتأخر
براحتك خالص يا أمجد
مش عايزة حاجة وانا جاي
السكة اتقفلت بعد شوية خرجت وفضلت قاعد مع نورا نتكلم لحد ما جه معاد الفطار وقعدنا ناكل بعدها مقعدتش كتير عشان كان لازم امشي
كان المفروض تبات معايا النهاردة يا أمجد
اعمل ايه بقا الرزق بينادي و انا لازم اروح
طب هترجع امتى
الله اعلى واعلم
ربنا يحفظك ليا يا حبيبي
جميل انك تلاقي حد نقي ونضيف من جواه لسة ابيض كأنه مولود امبارح بس تفتكر بقا الدنيا هتحافظ عليه لحد امتى بعد الهدوء اللي كنت فيه دا محتاج ارجع افوق تاني وعشان كدا اتجهت بالعربية
اهلا بالمعلم أمجد العطار سيدي وتاج راسي كنت حاسة انك جاي النهاردة
قلبك كبير يا ناهد
قلبي بس
هو في حاجة تانية
لا انت كدا محتاج تكشف عليا عشان تتأكد بنفسك
كشف طبيعي
تؤ قيصري
طب اسمعيني بس الاول انا محتاجك تنفذي اللي اتفقنا عليه
وهو احنا اتفقنا على ايه
شكلك هتتعبيني يا ناهد انا عايزك فايقة معايا
فايقة وسامعاك
أنتي هتظهري في حياه منال
لا دا الكلام كبير أوي كدا منال مراتك
منال مراتي!!
عمرو_راشد
صاحب_مفتاح_الشقة 2
يتبع
