رواية عارضة الأزياء الفصل 1-2-3-4

والتعب بسيط هاخد مسكن و لو مارتحتش هبقي اكشف هدخل اجهز انا
غاليه شافت هنا خرجه من عند معتز وفهمت عياط نور وهمست في نفسها مافيش مسكن ل تعبك يا بنتي ربنا يريح قلبك ويعوضك بالاحسن طبطت علي ظهره بحنيه قبل ما هنا تقرب منهم و تشوفها كده طيب روحي يا حبيبتي بسرعه علي اوضتك عشان هنا جيه مش عايزها تشوفك كده وعلي ماتجهزي هكون جهزت ليكي احلا ساندويتشات تاخديها معاكي الشغل
هزت نور راسها بالايجاب وهي ماسمعتش حاجه من كلام غاليه 
ودخلت اوضتها وقفلت الباب على نفسها وسندت علي الباب واقعدت في الارض بتعب وحزن وعيطت بقوه
وكلام هنا مع معتز بيرن في دماغها وبيحسسها بالهوان
مش ذنبكم على فكره ان أهلها رمو ها ليكم.. وانتم عملتوا اللي عليكم وزياده..
ولو المسؤليه تعباك اوي كده جوزها لأي حد واخلص و خلصني منها
.. طلما انت بتشفق اوي عليها وعلي حالتها كده
قامت من الارض وهي بتمسح دموعها بضعف 
وشويه و قدرت تتمالك نفسها 
وبدات تجهز 
..... 
خرجت هنا بغيظ وقفلت الباب ورها پغضب ..
فكره ان نور قريبه جدا من خطبها 
بتثير غيرتها لأبعد درجه..و كبريائها 
ازاي تبقي جنب خاطبها و واحده تانيه واخده كل اهتمامه و تركيزه
اهتمام معتز هي أولى به
وخوفه وغيرته وحنانه اللي مغرق بيهم نور
هي الاحق بيهم مش نور ابدا هي اللي هتكون مراته
هنا شافت غاليه واقفه مع نور قبل ماتسابها وتدخل اوضتها و غاليه دخلت المطبخ والڠضب متملكها
راحت هنا وراها وشافت غاليه بتجهز الفطار
هنا بتعملي ايه يا طنط تحبي اساعدك في حاجه
غاليه تسلمي يا حبيبتي انا كنت بجهز فطار ل معتز ونور وبعمل لهم القهوه اهو خلاص
هنا اااه هو حضرتك واقفه بنفسك تحضري الفطار والقهوه ل نور وهي مرتاحه كده ومكبره دماغها بدل ما تساعدكدا انتي حتي خالتها المفروض تحس بيكي وتخدمك بعد اللي بتعملي معاها انتي ومعتز
بصتلها غاليه بهدواء ورجعت تصب القهوه بصي يا هنا اولا انا بحب اعمل فطار ولادي بأيدي .. ونور بنت اختي فعلا بس لو كان عندي بنت ماكنتش هحبها زيها لانها اكتر من بنتي ..
والام يا هنا يا حبيبتي ماتكرهش في حياتها قد اللي يتكلم علي ولادها بطريقه ماتحبهاشوانا بحاول احبكفبلاش تخليني اخد فكره غلط عنك
قطعت هنا كلام غاليا بدفاع عن نفسها طنط انا مش قاصده والله حضرتك فهمت....
قطعتها غاليه بحزم اسمعي كلامي للاخر يا هنا وبلاش تقطعيني وافهمي من دلوقتي نور بنتي وهي عايشه هنا ملكه في بيتها وسطينا مش خدامه يا هنا
هنا والله حضرتك فهمتي قصدي غلط
..
غاليه قصدك وصلني انا حبيت افهمك اللي فيها عشان انتي هتبقي منا في يوم ها تحبي تشربي ايه مع الفطار
هنا شكرا مش عايزه
دخلت نور المطبخ ببتسامه وكأن اللي فات اتنسي و مع ډخلها صمت خيم علي الاتنين
نور يلا يا ماما انا نازله نسيت اصبح عليكي صباح الخير يا قلبي
ابتسمت غاليه ليها بخفهصباح الفل يا قلب امك .. يلا عشان تفطري مش هتنزلي قبل ما تاكلي وبعدين اشربي القهوه عملتهالك
نور ماليش نفس والله للأكل خالص طيب انا هشرب القهوه بس وهنزل عشان متأخره
. قالتها نور واخدت فنجان القهوه من الترابيزه ولسه هتشرب منه اتسحب الفنجان من اديها
معتز مافيش قهوه يا انسه اتفضلي اقعدي افطري
خلص معتز كلامه وركن قوتها علي جنب وقعد على الكرسي بتاعه علي تربيزه الفطار
اتنهدت نور بتعب وهي حسه ان كلامها مع معتز بقي مرهق ليها لابعد حد معتز انا متأخره سبني في حالي بالله عليك تكسب ثوابي
معتز بهدوء طيب اقعدي يا نور عشان نفطر الاول .و يلا يا هنا يلا يا أمي
نور مش عايزه افطر انا متاخره قولتلك
معتز مافيش نزول قبل ما تكلي غير كده خليني قاعدين وانا مش وريا غيرك واه افتكرت كل يوم هتروحي معايا الشغل و تروحي معايا انا مابقتش ضمنك
صړخت نور بعصبيه ونافذ صبر مش من حقك يا معتز تتحكم فيا كده بالشكل دا ..فاهم . هو انت فاكر نفسك ايه واصي عليا.. سبني في حالي بقي وارحمني يا أخي انا نازله
انهت كلامها و هي خارجه من المطبخ بزهق
نادي معتز بهدواء نور اقفي عندك
ردت نوى بنفاذ صبرنعم عايز ايه
معتز اولا