رواية موضوع عائلي الجزء الثاني البارت 7بقلم رحاب القاضي

جميله قااعده مع مهاب لوحدهم والكافيتريا كلها فاضيه والاتنين بيضحكو بصوت عالي قرب منهم وقال بعصبيه..
عمار
نقفلها بقي ونفتحها كافي عشان تضحكو كويس..
جميله 
لا هو كك..
عمار پحده 
انا موجهتلكيش كلام..
وبص لمهاب وقال
مش وقتك خلص من نص ساعه بتعمل ايه هنا..
مهاب بحزن 
انا اسف يا عمار بيه بعد اذنكم..
مشي مهاب وجميله قالت بحزن 
حرام عليك علي فكره ما فيش حاجه غلط حصلت عشان تحرجه كده..
عمار پحده 
لا في حاجات كتير غلط انتي هنا في شركه كبيره ومحترمه يعني شخصيتك والضحك وكل حاجه واخداها بهزار كده ما ينفعش ويا تتعاملي كويس يا مالكيش مكان عندي..
جميله بدموع 
انا اسفه ما كانش قصدي بعد اذنك...
_ قالت كلامها وسابته ومشيت وعمار ادايق من نفسه انه قالها كلام زي ده وطلع بسرعه وراها بس لقاها مشيت والسواق فتحله باب عربيته فركب فيها ومشي وهو متعصب جدا من نفسه..
وموبيله رن برقم مجهول فرد وقال
ايوه عرفت اللي حصل كمل اللي اتفقنا عليه واما علي وعدي معاك..
قفل الموبيل وقال بجمود 
هانت اوووي يا زكريا...
_ تفتكرو عمار كان بيكلم مين... 
بقلم_الكاتبه_رحاب_القاضي  
_ وعند زكريا كان قاعد علي قهوه شعبيه ومعاه يونس ويوسف وقالهم بهدوء..
زكريا
بس انا بعيد اووي عن شغل البيزنس بقالي سنين سايبه..
يونس 
بس دماغك لسه فيه وعايزك بدماغك واسمك ومش بس في البيزنس انت اكتر واحد هتنفعني وخصوصا ان عدوي يبقي نفس عدوك...
زكريا بأهتمام 
لا مش فاهم. انت قصدك مين..
يونس بجمود
عمار المنشاوي انا عايز مكانه واللي اكبر من مكانه وعايزه يبقي الارض..
زكريا ملامحه اتغيرت وقال
ايه سبب العداوه بينكم..
يونس بجمود 
واخد اغلب الشغل اللي انا عايزه ورفض حتي نبقي شركه واحده ايه رئيك اللي انت بتاخده من جرايمك والخطړ اللي بتكون فيه هديهولك الضعف واسمك هيكبر تاني في البيزنس. 
زكريا ابتسم پحقد وقال
موافق...
_ ابتسم يونس بأنتصار ويوسف كان مدايق جدا من الاتنين وطريقة تفكيرهم...
بقلم_الكاتبه_رحاب_القاضي 
_ في بيت جميله..
كانت واقفه في البلكونه زعلانه وهي بتفكر في كلام عمار معاها وطلعت شهد في البلكونه اللي جنبيها وقالت..
شهد 
انتي كويسه يا جميله..
جميله بهدوء
ايوه.. انتي مشيتي ورجعتي ولا لسه قااعده هنا..
شهد بحزن 
لا قاعده هنا علي طول. 
وتابعت بهروب 
انا كنت بكلم هاجر صحبتي عايشه في دبي هي وجوزها وابنها فعشان كده سهرانه انتي بقي سهرانه ليه..
جميله بدموع
هو انا شخصيتي وحشه بالنسبالك ما ينفعش اتحمل مسؤليه..
شهد 
بالعكس انتي بنت اموره اووي وتتحبي علي طول..
جميله بحزن 
عمار ما قالش كده هو دايقني اووي بكلامه وانا بفكر ما اروحش الشغل تاني عنده..
شهد 
عبيطه ما تخليش كلام حد يأثر فيكي وفي حياتك لو حد قال حاجه عكس اللي فيكي ما تسمعيهاش ولو سمعتيها اعملي نفسك مش سامعه..
تابعت بشرود
بس عامليه هو بقي بالوصف اللي وصفهولك يعني قالك انتي مهمله ابقي كده فعلا ما تسعيش عشان تثبتي لحد حاجه عكس اللي هو فاكرها لان في ناس بتكون دماغها متركبه غلط وتعبانه مهما عملتي مش هيشوفو اللي بتعمليه ده..
ابتسمت جميله وقالت
معاكي حق انا هتعامل معاه زي ما هو عايز واللب ما يزعلش..
شهد ابتسمت وقالت
شاطره وابقي قوليلي هيحصل ايه..
جميله 
انا اسفه في السؤال بس هو انتي اطلقتي..
شهد بحزن 
لسه بس هطلق قريب عشان رفعت قضية خلع..
جميله 
للدرجه دي هو ايه السبب طيب..
شهد
دي حكايه طويله من رأيي تدخلي الصفحه الشخصيه بتاعت الكاتبه رحاب القاضي وتابعي الحكايه من اولها..
جميله 
لا يا ستي دي بتتأخر في نزول البارتات وانا خلقي دايق فاحكيها انتي اسهل..
_ ضحكت شهد بهدوء وكأنها كانت فعلا محتاجه تقعد مع حد وتتكلم وقالت كل حاجه بينها وبين يونس وفي الاخر مسحت