سكريبت احمد وليلى كامل

ليلي عاوزة أتطلق. 
مالك اي! 
ليلي طلقني ي مالك. 
مالك ......... 
ليلي ساكت ليه! أعتقد أنك عاوز كدا.. 
شهرين ي مالك و أنا عايشه هنا زي الضيفه و انت مش موجود.. بشوفك دقيقتين الصبح و دقيقتين لما بتيجي و طبعا بمزاجك مش ڠصب عنك. 
وانا عملت كل حاجه اقدر أقدمها لحياتنا سوا بس أنت مش شايفني أصلا.. 

ف عشان أحافظ علي اللي باقيلي من كرامتي.. ي ريت تطلقني و كل واحد يشوف حاله. 
مالك أنا مختارتش الجوازة دي ي ليلي..ابويا و ابوكي هما اللي أختاروها.. تفتكري بقي أنا هينفع أطلق بنت عمي بعد شهرين جواز! 
ليلي بمعني! 
مالك بمعني ان مفيش طلاق ي ليلي.. 
ليلي بس دي مش عيشه! 
مالك أستحملي زي م انا مستحمل. 
ليلي و أنا اي اللي يجبرني علي كدا.. 
مالك مهو ي بنتي لنفس السبب.. اه ي ليلي الجوازة ڠصب عني و عنك وانا مش قادر اتقبلها و دا مش عيب فيكي ولا حاجه بس انا مش قادر أدي فرصه زيك.. 
مش عارف اعمل اي! 
ليلي طيب أنا ذنبي اي! حاول تفهمني شوية ي مالك انا بدأت أكره نفسي.. 
طيب بص حتي لو مش هيحصل طلاق أنا هروح بيت أهلي و أقعد هناك و شوية كدا و نبقي نطلق.. 
مالك هنرجع لنقطه الصفر و الزفت عماد هيستني طلاقك مني و ېهدد ابوكي بالفلوس عشان يتجوزك و أحنا ما صدقنا حليناها ودي.. 
اسمعي.. الحياة بينا مفيش منها أمل بس نستحمل شوية و بعدين لما نسد الدين تبقي تطلقي.. 
ليلي تمام ي مالك. 
خرج و سابني لوحدي.. انا اللي غبية و أنا اللي عملت كدا في نفسي و أختارت لنفسي أني احبه و أرضي بكل اللي حصل و ي ريتني ما حبيته.. 
مكنتش أعرف أنه جوازنا بالنسبه ليه كارثه اوي كدا.. كنت فاكره هيعتبرها جوازة مدبرة زي كتير من الجوازات في مصر بس أنا مش عارفه هو ليه رافضني اوي كدا مع انه قال بنفسه انه المشكله مش فيا. اومال المشكله فين!! 
بليل دخلت نمت من غير ما استناه زي كل يوم.. عملت نفسي نايمه لحد ما حسيت بيه جاي و بيفتح النور.. 
وقف شوية مكنتش عارفه بيعمل اي و بعدين اخد مخدته و خرج من الأوضة و سمعت صوت باب اوضه الأطفال.. 
و عشان كدا تاني يوم نقلت كل هدومه لأوضة الأطفال و طالما هو اختار أننا حتي منشوفش بعض يبقي فعلا منشوفش بعض.. 
صحيت يومها الصبح و حضرتله سندويتش ع السريع و حطيته في طبق ع السفرة.. و هكذا بقيت اعمل في العشاء و كان بيتعشي يعني المشكله مش في الأكل المشكله في وجودي أنا.. 
اسبوعين اتنين مبنشوفش بعض و احنا عايشين في نفس البيت... لحد ما لقيت رقمه علي تليفوني. 
ليلي ألو.. 
المتصل حضرتك صاحب التليفون عمل حاډثه وهو دلوقتي في المستشفي. 
ليلي پخوف ااااي... مستشفي اي بسرعه.. 
نزلت بسرعه و وقفت تاكسي وبأقصي سرعه وصلت للمستشفي و انا مش حاسه ب اي حاجه حواليا.. كنت بجري في الاستقبال زي المجنونه عشان أعرف هو فين و جراله اي! 
ليلي لو سمحتي في واحد جاي في حاډثه من شوية.. اسمه مالك عبد العزيز.. 
الاستقبال في العمليات.. 
ليلي پخوف عمليات! هو.. حالته صعبه! 
الاستقبال معنديش فكره الحقيقه تقدري تروحي و تنتظريه.. 
جريت علي العمليات و فضلت واقفه