رواية صدفة البارت 7-8-9-10بقلم مريم اشرف
الولد هيتربى عندها واحنا هنروح نشوفو دايما ولما يكبر شويه نشوف إجراءات الحضانه وكده..
رقيه پصدمه اسم الله عليك يا ابني..لأ شكلك دايخ..فوق معايا شويه..مراتك هترجع البيت ونعيش سوا زي الأول بلا لعب العيال ده!!
كملت للممرضه زي ما قلتلك يا بنتي..مرات ابني هتروح معانا
زياد جز على سنانو بعصبيه وراح يشوف الطفل..
بعد وقت و في البيت..بتبص بسمه من البلكونه بحزن وهي بتفتكر لحظاتها القليله فاسكندريه..قطع تفكيرها لما شافت عربية زياد بتركن قدام العمارة وبينزل منها وهو ساند سهام ورقيه ماسكه البيبي..
دمعت عينيها وطلعت بسرعه..
رقيه ادخلي يا سهام..أهلا بيكي فبيتك..لولولولوليييي!!
سهام بتعب ربنا يخليكي ليا يا حماتي..
سهام بعصبيه دي مالها نافخه ريوشها عليا!!
زياد سهام اتكلمي عدل وادخلي اوضتك وانتي ساكته..أنا لسا منستش اللي عملتيه معاها..
رقيه كفااايه!!
سهام برطمت بحجات ودخلت اوضتها هي وابنها وحماتها..
أما زياد فخبط على بسمه ودخل عندها..
ابتسم ازيك يا بسبس..
بسمه بخير الحمد لله..م..مبروك البيبي..
بقيتي عمه يا بسبوس..ربنا يستر لتعملي فيه حاجه وحشه بمقالبك...
بسمه ضحكت
بقى كده..وحضنتو
زياد ايه
بسمه عايزه اطلع برا..
زياد تطلعي ايه يا اختي
بسمه عايزه أشوف الشوارع..
زياد بتفكير وهو بيبص لساعتو
ماشي يا حبيبتي البسي..
بسمه
انت زعلت اني طلبت أخرج فالظروف دي
زياد طبطب عليها
ازعل ليه هو انا عندي أغلى من أختي حبيبتي
والله انت اللي بحبو في البيت ده..متسيبنيش وتسافر تاني والنبي يا زياد..
زياد بحزن عليها
حاضر يا حبيبتي..
________________________
في مكان قريب كان أنس وصل هو ومساعدتو ولقو المكان مليان ناس وصحافه..
أنس بيه ممكن تكلمنا عن مشروعك الجديد
أنس باعتياديه
واضح وميحتجش شرح..
أنس بيه بيقولو ان أبوك هو اللي ڠصب عليك تشتغل معاه صح الكلام ده
كدب فكدب..
بصتلو مساعدتو بابتسامه
لو فضلت ترد عليهم للصبح مش هيخلصو..
في نفس الوقت كانت بسمه وزياد عند محل هدوم الأطفال الرضع بيجيبو حجات..
بسمه باستغراب هو في ايه هناك
قال واحد من الشغالين
آه..ده أنس العلام لو تعرفيه..فتح محل جديد بالقاهره..يا خيبتنا هيغطي على محلاتنا كلنا ومحدش هيبقى عاوز يشتري من عندنا بعدو..
أنس!
وطلعت تجري ناحية الحشود وزياد وراها
بسمه!!..بسمه تعالي!!!
________________________
رواية صدفة
الفصل 8
دخلت بين الناس وهي بتقول
هو..أكيد هو..
وقفت قدامو وقالت بفرحه
أنس..أنس أنا بسمه فاكرني
بصلها أنس بذهول وقال بسمه!!..انتي بتعملي ايه هنا..بص على الصحافة وكمل
يخربيتك هتفضحيني..
أنس بيه انت بتعرف الآنسه..بتقربلك ايه
أنس بيه هو ممكن نشوفك عريس قريب
يا آنسه ممكن نسألك
أنس بعصبيه
أظن دي حاجه خاصه وملكمش دعوه بيها خالص..قال كده وشد بسمه لجوه..
بسمه عيطت أنا آسفه والله ماكان قص..
أنس وحشتيني يا بسمه..أنا مش مصدق انك هنا قدامي..
بسمه مسحت دموعها وردت بجد وحشتك
ابتسم آه..ماما كان عندها حق..انتي اللي بتحلي البيت و
زياد من برا بسمه!!..بسمه!!
أنس باستغراب
أخوكي مش كده..قالها وهو بيشاور
